តើ Natto ពិបាកហូបមែនទេ? JAPO នឹងណែនាំវិធីងាយៗក្នុងការទទួលទាន Natto

អាហារដែលធ្វើឲ្យ​ឡើងជូរ (ferment) ល្អចំពោះសុខភាពណាស់។ រឿងនេះគេនិយាយតៗគ្នាតាំងពីបុរាណ និង​និយមនៅ​ទូទាំង​​ពិភព​​លោក។

ថ្មីៗនេះ មនុស្សក៏កំពុងស្រាវជ្រាវពីទំនាក់ទំនងរវាងវីរុសកូរ៉ូណា និងអាហារដែលមានជាតិឡើងជូរ។ អត្រាប្រជា​ជន​​ឆ្លងជំងឺកូវីដ ១៩ ទាក់ទងជាមួយបរិមាណ និងប្រភេទអាហារដែលមានជាតិឡើងជូរដែលពួកគេទទួលទាន។

អត្រាស្លាប់ដោយសារជំងឺកូវីដ ១៩ នៅបណ្តាប្រទេសអាស៊ីទាបជាងអឺរ៉ុប និងសហរដ្ឋអាមេរិក។

នៅទ្វីបអឺរ៉ុបក៏មានអាហារដែលមានជាតិឡើងជូរដូចជាឈីស និងយ៉ាអួ ប៉ុន្តែមិនច្រើនដូចជាអាស៊ីនោះទេ។

ការស្រាវជ្រាវបានសន្មតថា ប្រហែលជាភាពខុសគ្នារវាងប្រភេទ និងបរិមាណអាហារដែលមានជាតិឡើងជូរនៃបណ្តាប្រទេសគឺជា “គន្លឹះសម្ងាត់” ក្នុងការកំណត់ជំងឺកូវីដ ១៩ ។

មិនថាវាទាក់ទងនឹងកូវីដ ១៩ ដែរអត់ទេ តាមការស្រាវជ្រាវបានបង្ហាញថា អាហារដែលមានជាតិឡើងជូរល្អចំពោះសុខភាព ដូច្នេះអ្នករាល់គ្នាគួរតែទទួលទានអាហារដែលមានជាតិឡើងជូរជាប្រចាំ។

នៅប្រទេសជប៉ុនមានអាហារដែលមានជាតិឡើងជូរច្រើន ក្នុងចំណោមនោះអាហារដែលមានជាតិឡើងជូរធ្វើ​ពី​សណ្តែក​សៀងល្អចំពោះសុខភាពជាពិសេសគឺ Miso និង Natto ។

យោងតាមលទ្ធផលនៃការស្រាវជ្រាវរយៈពេល ១៥ ឆ្នាំមកលើប្រជាជនជប៉ុនជាង ៩ ម៉ឺននាក់ ការទទួលទានអាហារធ្វើ​ពីសណ្តែកសៀង ដែល​មាន​ជាតិ​ឡើង​ជូរ​ច្រើន​កាត់​ប​ន្ថយ​ហានិភ័យ​ទទួល​មរណភាព។

លើសពីនេះទៅទៀត អ្នកដែលទទួលទាន Natto ជាប្រចាំអាចកាត់បន្ថយហានិភ័យស្លាប់ដោយសារជំងឺសរសៃ​ឈាម​បេះ​ដូង​ ដូច​ជាគាំង​បេះ​ដូង។

រូបភាព https://news.livedoor.com/article/detail/17952767/

“Natto ពិបាកហូបណាស់ !!!”

មានមតិតបមកវិញជាច្រើននិយាយថា ម្ហូបនេះមានក្លិនគួរឲ្យ​ខ្លាច។ ទោះជាយ៉ាងណា ចូរសាកល្បងផ្លាស់ប្តូរគំនិតរបស់អ្នក ចាត់ទុក Natto ជាឱសថព្យាបាល ហើយទទួលទានដើម្បីការពារសុខភាពរបស់ខ្លួន។

ក្លិនមិនល្អរបស់ Natto ប្រាកដជាមិនអាក្រក់ជាងអារម្មណ៍តស៊ូនឹងជំងឺកូវីដ ១៩ នោះទេ។

JAPO នឹងណែនាំអ្នកពីរបៀបទទួលទាន Natto ។

Natto ទឹកខ្មេះ

ដូចដែលបានណែនាំយើងនឹងទទួលទាន Natto ជាមួយទឹកខ្មេះ។

Natto មួយកញ្ចប់ពី ៤០-៥០ ក្រាមបន្ថែមទឹកខ្មេះពី ២០-៥០ មីលីលីត្រ។ បន្ទាប់មកអ្នកគ្រាន់តែបន្ថែមទឹកជ្រលក់របស់ Natto ចូលជាការស្រេច។

សូមកុំភ្លេចបន្ថែមទឹកខ្មេះនោះក្លិន Natto នឹងកាត់បន្ថយ។ ក្រៅពីនេះម្ហូបក៏កាន់តែស្វិតជាងដែរ។

ក្រៅពីជួយឲ្យ​ទទួលទាន Natto កាន់តែងាយ ទឹកខ្មេះក៏ជួយបំពេញជាតិដែក។ ហើយជាតិដែកក៏ជាសារធាតុចិញ្ចឹមចាំបាច់សម្រាប់រាងកាយផងដែរ។

នៅក្នុង Natto សម្បូរដោយជាតិដែក ប៉ុន្តែជាតិដែកក្នុង Natto មិនងាយស្រូបយកនោះទេ។ ការបន្ថែមទឹកខ្មះនឹង​ជួយ​បង្កើន​​អត្រា​ស្រូប​យកជាតិដែកក្នុង Natto ។

ជាតិដែកគឺជាធាតុសំខាន់ក្នុងការផលិតឈាម សព្វថ្ងៃនារីភាគច្រើនខ្វះជាតិដែក។

តើអ្នកក៏កំពុងខ្វះឈាមដែរទេ?

មូលហេតុខ្វះឈាមរបស់ស្ត្រីច្រើនកើតឡើងដោយសារ “មករដូវ” ប្រចាំខែ លើសពីនេះស្ត្រីមានផ្ទៃពោះក៏ងាយនឹងមានភាព​ស្លេក​ស្លាំង​ដែរ។

ដូច្នេះប្រសិនបើអ្នកកំពុងខ្វះឈាម សូមសាកល្បងទទួលទាន Natto ទឹកខ្មេះ។

ក្រៅពីនេះទឹកខ្មេះក៏មានប្រសិទ្ធភាពការពារជំងឺលើសឈាម ហើយគ្រប់គ្រងជាតិស្ករក្នុងឈាម ដូច្នេះទឹកខ្មេះ Natto ក៏ល្អសម្រាប់សុខភាពបុរសផងដែរ។

ប្រសិនបើចង់ទទួលទានកាន់តែងាយ អ្នកអាចបន្ថែមស្លឹកខ្ទឹមហាន់ល្អិតៗ ឬលាយជាមួយ Satay ។

ជាការពិតដែលថា Natto មានក្លិនមិនល្អ ប៉ុន្តែនៅពេលដែលអ្នកធ្លាប់ទទួលទាន អ្នកនឹងចូលចិត្តវាជាមិនខាន។ ខ្ញុំ​ផ្ទាល់​ក៏ព្យាយាមទទួលទាន Natto រាល់ថ្ងៃដើម្បីសុខភាពដែរ។

Kengo Abe