តាមការទាយថាភ្នំហ្វូជីនឹងផ្ទុះថ្ងៃទី ២០ ខែសីហា? Manga ព្យាករណ៍ព្រឹត្តិការណ៍ប្រវត្តិសាស្ត្រភាគច្រើនឆុត

Manga ជប៉ុនមានការវិវត្តិជាច្រើនដែលកំណត់ពីអនាគត។ ការវិវត្តិមួយចំនួនត្រូវគេវាយតម្លៃថាទំនងនឹងកើតឡើង ឯខ្លះទៀតត្រូវបានបង្ហាញថាកើតឡើងរួចមកហើយ។

ក្នុងចំណោម Manga ដែលទាយឆុតអនាគតយូរជាងគេត្រូវនិយាយពី Tetsuwan Atom សរសេរចន្លោះពីឆ្នាំ ១៩៥២ និង ១៩៦៨ ។ នេះជាការព្យាករណ៍ដែលបានក្លាយទៅជាការពិតនៅក្នុង Manga នេះ។

ផ្លូវហាយវេទំនើបឆ្លងកាត់អគារ

ឈុតឆាកក្នុងសៀវភៅរឿងពណ៌នាពីផ្លូវហាយវេទំនើបឆ្លងកាត់អាគារខ្ពស់ៗ។ ជាក់ស្តែងផ្លូវហាយវេ Metropolitan នៅតូក្យូកំពុងបន្ត​សាង​សង់​ក្រោមរចនាសម្ព័ន្ធដូចនេះ។ កំណែ Manga ពេញលេញដំបូងក្នុងឆ្នាំ ១៩៦២ ប៉ុន្តែក្រោយ​មកផ្លូវហាយវេទើបត្រូវគេកសាង។ ដូច្នេះឃើញថា Manga ដើរមុនអនាគត។

AKIRA ព្យាករណ៍ការប្រកួតកីឡាអូឡាំពិក និងជំងឺរាតត្បាតកូវីដ ១៩ 

AKIRA គឺជាស្នាដៃដែលចេញផ្សាយក្នុងឆ្នាំ ១៩៨២ ប៉ុន្តែបែរជាអាចពណ៌នាបានយ៉ាងត្រូវអ្វីដែលនឹងកើតឡើងនៅឆ្នាំ ២០២០ ។

ក្នុងរឿងព្រឹត្តិការណ៍អូឡាំពិកមិនអាចប្រារព្ធធ្វើឡើងនៅឆ្នាំ ២០២០ ដូចអ្វីដែលយើងបានឃើញ។

លើសពីនេះ Manga ក៏បានព្យាករណ៍យ៉ាងត្រឹមត្រូវអំពីចលនាប្រឆាំងអូឡាំពិកផងដែរ។

មិនត្រឹម​តែប៉ុណ្ណឹងពាក្យ “WHO” និង “ត្រួតពិនិត្យជំងឺឆ្លង” ក៏មាននៅក្នុង Manga ដែរ។ ផ្នែកណាមួយនៃ Manga នេះសុទ្ធតែបង្ហាញពីជំងឺរាតត្បាតកូវីដ ១៩ ។

បន្ទាប់មកទៀតចូរស្វែងយល់រឿង “Watashi ga mita mirai” (ប្រែថា៖ អនាគតដែលខ្ញុំមើលឃើញ) គឺជាស្នាដៃដែល Japo ចង់បញ្ជាក់ប្រាប់តាមរយៈអត្ថបទនេះ។

រឿងបោះពុម្ភផ្សាយក្នុងឆ្នាំ ១៩៩៩ ដូចដែលឈ្មោះបង្ហាញពីប្រធានបទទស្សន៍ទាយអនាគត។ អ្នកនិពន្ធ Manga សុបិន​ឃើញមរណភាពរបស់ម្ចាស់ក្សត្រី Diana ក៏ដូចជាសំឡេង Freddie Mercury របស់ក្រុមចម្រៀង Queen នឹងស្លាប់ដោយសារជំងឺឆ្លង។ នៅពេលនោះទោះនិយាយប្រាប់ក៏គ្មាននរណាជឿដែរ។

ដូច្នេះហើយបានជា Mangaka រូបនេះរក្សាទុកព័ត៌មានដោយបញ្ចូលទៅក្នុង Manga របស់ខ្លួន។

សម្លឹងមើលទំព័រគម្របអ្នកនឹងមើលឃើញប្រយោគនេះ។

大青海波2011年3月

ជាការពិតប្រយោគនេះសំដៅលើព្រឹត្តិការណ៍ដែលបានកើតឡើង ហើយបង្កការភ័យខ្លាចចំពោះប្រជាជនជប៉ុនរហូតមកទល់ពេលនេះ។ គ្រោះមហន្តរាយរញ្ជួយដី និងរលកយក្សស៊ូណាមិភាគឦសានប្រទេសជប៉ុនកាលពីឆ្នាំ ២០១១ ។

នៅលើអុីនធឺណេតគេនាំគ្នាជជែកអំពីរឿង Manga នេះ ដោយឮថាសៀវភៅចាស់លក់ក្នុងតម្លៃ ១០ ម៉ឺនយ៉េន។

បន្ទាប់ពីត្រូវបានបោះពុម្ភផ្សាយឡើងវិញ តម្លៃសៀវភៅថយចុះ ប៉ុន្តែប្រធានបទដែលលើកមកពិភាក្សាមិនបន្ថយឡើយ រហូតកាន់តែច្រើនជាងពេលដែល Manga ផ្សាយលើទូរទស្សន៍ទៅទៀត។

នៅក្នុង Manga នេះមានព្រឹត្តិការណ៍មួយដែលត្រូវគេព្យាករណ៍ថានឹងកើតឡើងនាពេលខាងមុខនេះ។

ដូច្នោះហើយភ្នំហ្វូជីនឹងផ្ទុះនៅថ្ងៃទី ២០ ខែសីហាឆ្នាំ ២០០៦ ប៉ុន្តែជាសំណាងល្អភ្នំហ្វូជីមិនបានផ្ទុះឡើយ។ ទោះជាយ៉ាង​ណា​ប្រសិនបើតួឯកមិនភ្ញាក់នៅពេលនោះ នាងនឹងភ្ញាក់នៅ ១៥ ឆ្នាំក្រោយ។ ចូរសាកល្បងបន្ថែម ១៥ ឆ្នាំបូកនឹង ២០០៦ ស្មើថ្ងៃទី ២០ ខែសីហាឆ្នាំ ២០២១ ។

ដូច្នេះមានន័យថាភ្នំហ្វូជីជិតផ្ទុះហើយមែនទេ?

ជាក់ស្តែងមានសេចក្តីរាយការណ៍ថាភ្នំហ្វូជីកំពុងឈានទៅដល់ការផ្ទុះ ប៉ុន្តែរដ្ឋាភិបាលជប៉ុនបានបដិសេធរឿងនេះ​។ ដូច្នេះតើភ្នំហ្វូជីនឹងផ្ទុះនៅឆ្នាំ ២០២១ ឬ ២០៣៦ (១៥ ឆ្នាំទៀត) ?

ប្រសិនបើភ្នំហ្វូជីពិតជាផ្ទុះ ទីក្រុងតូក្យូនឹងទទួលរងការខូចខាតជាច្រើន។

សូមចាំមើលរហូតដល់ថ្ងៃទី ២០ ខែសីហាខាងមុខនេះ។

Kengo Abe