អ្នកជំងឺកូវីដ ១៩ ដែលមានស្ថានភាពធ្ងន់ត្រូវមន្ទីរពេទ្យចំនួន ១២០ នៅតូក្យូបដិសេធ

គិតមកត្រឹមថ្ងៃទី ៩ ចំនួនអ្នកឆ្លងកូវីដ ១៩ ប្រភេទថ្មីដែលទទួលការព្យាបាលតាមផ្ទះកើនឡើងដល់ ១៧.៣៥៦ នាក់​នៅ​ទីក្រុងតូក្យូ ជាង ១១,៤ ដងប្រៀបទៅនឹងខែមុន។

បុរសអាយុប្រហែល ៥០ ឆ្នាំម្នាក់រស់នៅទីក្រុងតូក្យូដែលលទ្ធផលធ្វើតេស្តវិជ្ជមាននឹងកូវីដ ១៩ តែព្យាបាលនៅផ្ទះ ថ្មី​ៗ​នេះបានបង្ហាញរោគសញ្ញាកាន់តែធ្ងន់ឡើង។ បន្ទាប់ពីទាក់ទងទៅកាន់សេវាកម្មសង្គ្រោះបន្ទាន់ រថយន្តសង្គ្រោះបន្ទាន់​ដែលដឹកអ្នកជំងឺត្រូវមន្ទីរពេទ្យចំនួន ១២០ បដិសេធមិនទទួល។

ក្រោយរយៈពេល ៥ ម៉ោងគាត់ត្រូវបានបញ្ជូនទៅមន្ទីរពេទ្យវេជ្ជសាស្ត្រ Nippon សង្កាត់ Bunkyo ។

មន្ទីរពេទ្យនេះត្រូវបានកំណត់សម្រាប់ព្យាបាលអ្នកជំងឺធ្ងន់ដែលមានសភាពបន្ទាន់ ប៉ុន្តែជារឿយៗស្ថិតក្នុងស្ថាន​ភាព​អស់​គ្រែ។ នេះមាន​ន័យ​ថា​ទោះ​បី​ជាទទួលបានសំណើពីនាយកដ្ឋានពន្លត់អគ្គីភ័យឬមន្ទីរពេទ្យផ្សេងទៀតក៏មន្ទីរពេទ្យ​នៅតែត្រូវបង្ខំចិត្តបដិសេធករណីខ្លះដែរ។

ជីវិតដែលអាចសង្គ្ត្រោះបែរជាមិនត្រូវបានសង្គ្រោះ។

វីដេអូឆ្លុះបញ្ចាំងស្ថានភាពលើសបន្ទុក អ្នកជំងឺដែលឆ្លងមេរោគមិនអាចចូលមន្ទីរពេទ្យត្រូវព្យាបាលនៅផ្ទះ។

នេះបើយោងតាមវេជ្ជបណ្ឌិត Shoji Yokobori ប្រធានមជ្ឈមណ្ឌលវេជ្ជសាស្ត្រសង្គ្រោះបន្ទាន់នៅមន្ទីរពេទ្យបានបញ្ជាក់​ថា៖

“ខ្ញុំមិនដែលឃើញចំនួនសំណើរថែទាំពិសេសច្រើនខណៈដែលគ្រែពេទ្យជិតអស់ដូច្នេះនោះទេ។ យើងគួរពិចារណាចំពោះ​ករណីជីវិតដែលអាចទទួលការសង្រ្គោះ បែរជាមិនអាចសង្រ្គោះបាន។ លុះត្រាតែចំនួនអ្នកឆ្លងថយចុះ បើមិន​ដូច្នេះ​ស្ថានភាពនេះនឹងបន្ត” ។

កាលពីថ្ងៃទី ៩ ខែសីហារដ្ឋាភិបាលទីក្រុងតូក្យូកត់សម្គាល់ករណីឆ្លងកូវីដ ១៩ ចំនួន ២.៨៨៤ នាក់ក្នុងទីក្រុងដែលជា​ថ្ងៃ​ទី ១៤ ជាប់ៗគ្នាតួលេខប្រចាំថ្ងៃលើសពី ២.០០០ នាក់។

Sacchan