បាតុភូតធម្មជាតិបឹង Kagami Numa ប្រែទៅជាភ្នែកនាគ

ថ្ងៃ​ព្រហស្បតិ៍ 05/08/2021 | 15:48 ល្ងាច

Kagami Numa គឺជាបឹងនៃរឿងព្រេងនិទានជប៉ុន បានក្លាយទៅជាភ្នែកយក្សពេលនិទាឃរដូវមកដល់បន្ទាប់ពីផ្ទាំងទឹកកករលាយ ហេតុ​ដូច្នេះគេហៅកន្លែងនេះថា “បឹងភ្នែកនាគ Hachimantai” ។

រូបភាព https://www.nippon.com/

នេះជាបឹងមួយក្នុងចំណោមបឹងនៅលើកំពូលភ្នំ Hachimantai ដែលលាតសន្ធឹងតាមខេត្ត Iwate និងខេត្ត Akita មានកម្ពស់ ១៦១៣ ម៉ែត្រពីនីវ៉ូទឹកសមុទ្រ។ បន្ទាប់ពីឈប់នៅភោជនីយដ្ឋានលើកំពូលភ្នំ Hachimantai អ្នករាល់គ្នាត្រូវដើររយៈពេល ២០ នាទីទើបទៅដល់បឹង។

ភ្នំ Hachimantai នៅភាគខាងជើងប្រទេសជប៉ុន ក្រោមម្លប់ព្រៃឈើក្រាស់ពេញមួយឆ្នាំ បឹង Kagami Numa គ្មានអ្វីប្លែកពីបឹងភ្នំភ្លើងដទៃទៀតក្នុងតំបន់នោះទេ រួមទាំងស្រះ Kagami នៅ Senboku ខេត្ត Akita ។ 

បឹង Kagami Numa មានន័យថា “វាលភក់កញ្ចក់” ពាក្យ Kagami មានន័យថាកញ្ចក់រីឯពាក្យ Numa មានន័យថាស្រះ។

តាំងពីចុងខែឧសភារហូតដល់ដើមខែមិថុនា នៅពេលផ្ទាំងព្រិលលើបឹងចាប់ផ្តើមរលាយ បឹងប្រែទៅជារាងដូចភ្នែក​យក្ស​ពណ៌ខៀវដែលគេហៅថាភ្នែកនាគ។

នៅពេលមានខ្យល់ ព្រិលត្រង់ចំណុចកណ្តាលបង្វិលជុំវិញ មានអារម្មណ៍ដូចជាភ្នែកកំពុងធ្វើចលនា។ បាតុភូតធម្ម​ជាតិ​ដ៏ចម្លែកនេះទាក់ទាញមនុស្សពីគ្រប់ទិសឡើងភ្នំ Hachimantai នៅចុងនិទាឃរដូវដើម្បីមើលដោយផ្ទាល់ភ្នែក។

ក្នុងរយៈពេលប៉ុន្មានឆ្នាំនេះរូបថតបឹងភ្នែកនាគត្រូវបានគេចែករំលែកលើបណ្តាញសង្គមដែលធ្វើឱ្យបឹង Kagami Numa កាន់តែល្បី។

យោងតាមរឿងព្រេងតំណាលថានាគរស់ក្នុងតំបន់នេះតាំងពីយូរយារមកហើយ យុវជនម្នាក់មានឈ្មោះថា Hachirōtarō បានក្លាយទៅជានាគទឹកបន្ទាប់ពីផឹកទឹកបឹងនៅក្នុងភ្នំអាថ៌កំបាំង។

Japo Cambodia

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: