បញ្ហាថ្លៃចំណាយព្យាបាលសត្វចិញ្ចឹម​នៅ​ប្រទេស​ជប៉ុន

កាលខ្ញុំនៅក្មេង គេចិញ្ចឹមឆ្កែនៅ​មុខទីធ្លា រីឯឆ្មាអាចចេញទៅក្រៅដើរលេងតាមអំពើចិត្ត។ ទោះជាយ៉ាងណា សព្វ​​ថ្ងៃមនុស្សជាច្រើនចាត់ទុកសត្វចិញ្ចឹមរបស់ខ្លួនដូចជាសមាជិកគ្រួសារ ទុកឲ្យវារស់នៅក្នុងផ្ទះ។ ដូច្នេះហើយ បាន​ជាសត្វឆ្កែ សត្វឆ្មាអាចរស់នៅបានយូរជាងមុន ដោយសារមិនទទួលរងគ្រោះថ្នាក់ខាងក្រៅ។ ចំពោះសត្វឆ្កែផ្ទះខ្ញុំ​រស់បាន ១៨ ឆ្នាំ។

នៅពេលដែលសត្វចិញ្ចឹមអាយុកាន់តែច្រើន សុខភាពរបស់វាក៏ធ្លាក់ចុះដែរ ត្រូវជួបពេទ្យសត្វញឹកញាប់។ ចំពោះថ្លៃចំណាយព្យាបាល​សម្រាប់ពួកវាក៏ច្រើនណាស់ដែរ។

ការចំណាយព្យាបាលសត្វចិញ្ចឹមមានដូចខាងក្រោម។

“បាទ ឥឡូវនេះយើងនឹងធ្វើតេស្តឈាមរួចចាក់ថ្នាំមួយម្ជុល។ បង់ប្រាក់ ១២,០០០ យ៉េន។ សូមត្រលប់មកវិញនៅសប្តាហ៍ក្រោយ” ។

ចំនួនទឹកប្រាក់ដែលត្រូវទូទាត់ច្រើនដែរ ប៉ុន្តែដោយសារមិនអាចបោះបង់សត្វចិញ្ចឹម មិនចង់ទុកឲ្យវារងទុក្ខ និងចង់ឲ្យពួកវារស់បានយូរ ដូច្នេះត្រូវចំណាយប្រាក់។ ប៉ុន្តែវារស់កាន់តែយូរបន្ទុកប្រាក់កាន់តែកើនឡើង។

គ្រួសារខ្ញុំបានចំណាយប្រាក់ជាង ៤ ម៉ឺនយ៉េន (ប្រហែល ៣៦៧ ដុល្លារ) ចំណាយលើពេទ្យសត្វ។

ឧទាហរណ៍សត្វចិញ្ចឹមសុីចំណីដែលវាមិនគួរសុី ថ្លៃចំណាយសម្រាកពេទ្យ និងថ្លៃវះកាត់ប្រមាណ ៣០ ម៉ឺនយ៉េន (ប្រហែល ២,៧៥២ ដុល្លារ) ។

បើប្រៀបធៀបទៅនឹងករណីរបស់មនុស្ស ដោយសារភាគច្រើនប្រជាជនជប៉ុនមានធានារ៉ាប់រងសុខភាព ប្រសិន​បើ​មិនមែនការព្យាបាលពិសេស ប្រាក់ចំណាយមិនច្រើនឡើយ។ ថ្លៃចំណាយ ៧០% ធានារ៉ាប់រងជាអ្នកបង់។

ប្រសិនបើការចំណាយច្រើនដូចនេះ បញ្ហាចិញ្ចឹមសត្វនៅជប៉ុនមិនងាយនោះទេ ប៉ុន្តែសូមអ្នកកុំបារម្ភ។ 

សេវាកម្មធានារ៉ាប់រងឆ្កែ ឆ្មាកាន់តែច្រើនឡើងនៅក្នុងប្រទេសជប៉ុន។ ធានារ៉ាប់រងមួយចំនួនពី ៥០០-១០០០ យ៉េន​ក្នុងមួយខែ ដូច្នេះអ្នកមិនចាំចាច់បារម្ភទៀតទេ។ ធានារ៉ាប់រងរួមទាំងថ្លៃព្យាបាលពី ៥០-៧០% លើសពីនេះពេទ្យសត្វខ្លះផ្តល់ជូនសេវាកម្មប្រឹក្សា ២៤ ម៉ោង។

ក្នុងករណីឆ្កែរបស់ខ្ញុំឈឺក្អួតនៅថ្ងៃឈប់សម្រាក ដោយសារថ្ងៃសម្រាកពេទ្យសត្វបិទទ្វារ។ ថ្វីត្បិតតែមានព័ត៌មានទំនាក់ទំនងរបស់វេជ្ជបណ្ឌិត ប៉ុន្តែនៅតែមិនច្បាស់ថាគេទទួលព្យាបាលដែរអត់ទេ។

អ្នកគួរតែទិញធានារ៉ាប់រងសត្វចិញ្ចឹម ក្នុងករណីអ្នកមិនអាចយកសត្វចិញ្ចឹមជាទីស្រលាញ់ទៅមន្ទីរពេទ្យ ដោយ​សារ​តែគ្មានប្រាក់បង់ថ្លៃមន្ទីរពេទ្យ។

Kengo Abe