តើបុព្វបុរសប្រជាជនជប៉ុនធ្លាប់ប្រយុទ្ធនឹងជំងឺកូវីដ ១៩ ដែរទេ?

បច្ចុប្បន្នជំងឺកូវីដ ១៩ កំពុងតែរីករាលដាលទូទាំងពិភពលោក ប៉ុន្តែចំណុចគួរឲ្យកត់សម្គាល់ចំនួនអ្នកឆ្លង និងចំនួនអ្នកស្លាប់មានកម្រិតខ្ពស់។ ខណៈដែលបណ្តាប្រទេសអាស៊ីបូព៌ាដូចជាជប៉ុន កូរ៉េ ចិន ចំនួនអ្នកជំងឺច្រើន ប៉ុន្តែចំនួនអ្នកស្លាប់មានកម្រិតទាប។

នៅអាស៊ីបូព៌ា និងបណ្តាប្រទេសអឺរ៉ុបអត្រាមរណភាពមានភាពខុសគ្នាខ្លាំង។

គ្មាននរណាចង់លំបាកដោយសារជំងឺឡើយ ប៉ុន្តែប្រសិនបើអត្រាមរណភាពទាប ប្រហែលជារដ្ឋាភិបាលជប៉ុនមិនចាំ​បាច់រឹតបន្តឹងដូចពេលបច្ចុប្បន្ននេះទេ។ បើក្រឡេកមើលស្ថានភាពឆ្លងនៅប្រទេសជប៉ុន ចំនួនអ្នកឆ្លងខ្ពស់ ប៉ុន្តែ​ចំនួនអ្នកស្លាប់សរុបប្រមាណ ១៤.០០០ នាក់ប៉ុណ្ណោះ មិនច្រើនជាងមូលហេតុស្លាប់ផ្សេងទៀតឡើយ។

នៅប្រទេសជប៉ុនជារៀងរាល់ឆ្នាំមានមនុស្សប្រមាណ ៣០០០ នាក់ស្លាប់ដោយសារឈ្លក់ពេលបរិភោគនំ Mochi ក្នុង​ឳកាស​ថ្ងៃ​ចូល​ឆ្នាំ។ សូមគិតអំពីរឿងនេះ ប្រសិនបើរដ្ឋាភិបាលចាត់វិធានការទប់ស្កាត់ការរីករាលដាលជំងឺតែបំផ្លាញ​សេដ្ឋកិច្ច តើគួរតែហាមលក់ទាំង Mochi ដែរទេ?

ខ្ញុំគ្មានបំណងមើលស្រាលជំងឺនោះទេ ប៉ុន្តែចំនួនអ្នកស្លាប់ដោយសារជម្ងឺកូវីដ១៩ នៅជប៉ុនមានកម្រិតទាប។

វិទ្យាស្ថានស្រាវជ្រាវជាច្រើនកំពុងស៊ើបអង្កេតរកមូលហេតុនៃភាពខុសគ្នារវាងស្ថានភាពរាតត្បាតជំងឺកូវីដ១៩ នៅបណ្តាប្រទេសអឺរ៉ុប និងអាស៊ី។

ការបកស្រាយមួយចំនួននិយាយថាមកពីភាពខុសគ្នារវាងតុល្យភាពបាក់តេរីពោះវៀនដោយសារតែទម្លាប់ទទួល​ទាន រីឯខ្លះទៀតបានលើកឡើងថាបណ្តាលមកពីហ្សែន។

ថ្មីៗនេះលទ្ធផលស្រាវជ្រាវគួរឱ្យចាប់អារម្មណ៍មួយអះអាងថាសម្មតិកម្ម៖ បុព្វបុរសអាសុីធ្លាប់ឆ្លងវីរុស​កូរូ៉ណា។

នៅពេលដែលអ្នកស្រាវជ្រាវបានបញ្ជាក់ពីអត្ថិភាពរបស់ប្រូតេអុីនអន្តរកម្មដែលមានឥទ្ធិពលលើវីរុសកូរ៉ូណាតាម​ពូជ​សាសន៍ និងតំបន់ លទ្ធផលបានបង្ហាញថាហ្សែនរបស់បុព្វបុរសអាស៊ីប្រហែលជាធ្លាប់ប្រយុទ្ធនឹងវីរុសកូរ៉ូណាតាំង​ពី ២៥.០០០ ឆ្នាំមុន។

ភស្តុតាងទាំងនោះរលាយជាបណ្តើរៗប្រហែល ៣០០០ ឆ្នាំមុនគ.ស។

ក្រៅពីនេះគេមិនបានបង្ហាញថាតើវីរុសវិវត្ត និងធ្វើឱ្យស្ថានភាពកាន់តែធ្ងន់ឬគ្រាន់តែជាជំងឺផ្តាសាយតាមរដូវ។ លើសពីនេះក៏មិនអាចសន្និដ្ឋានថាវាជាវីរុសកូរ៉ូណាផងដែរ។

ប៉ុន្តែប្រហែលជា ២ ម៉ឺនឆ្នាំមុន ហាក់ដូចជាបុព្វបុរសអាស៊ីធ្លាប់ប្រឈមនឹងការគំរាមកំហែងនៃប្រភេទ​វីរុស​ណា​មួយ។

ប្រហែលជាដោយសារតែបុព្វបុរសអាស៊ីធ្លាប់ប្រយុទ្ធនឹងវីរុសនេះតាំងពីសម័យបុរាណមក ដូច្នេះចំនួនអ្នកស្លាប់​ព្រោះ​ជំងឺកូវីដ១៩ ទាបជាងអឺរ៉ុប។

តើអ្នកគិតយ៉ាងណាចំពោះសម្មតិកម្មនេះ?

Kengo Abe