ហាងមានប្រវត្តិជាង ១០០ ឆ្នាំជំនាញផលិតនំសម្រាប់សត្វ​ក្តាន់

ពេលនិយាយពី Nara ច្បាស់ជាមានអ្នកគិតទៅដល់សត្វក្តាន់។ ទីក្រុងណារ៉ាល្បីដោយសារហ្វូងក្តាន់ដើរសេរីក្នុងឧទ្យាន និង​តាម​ដងផ្លូវ។ សត្វក្តាន់នៅទីនោះមានទំនាក់ទំនងល្អជាមួយអ្នកស្រុក និងភ្ញៀវទេសចរណ៍។

រូបភាព Mainichi 

នៅណារ៉ាថែមទាំងមានផលិតនំសម្រាប់សត្វក្តាន់ដែលគេហៅថា Shika Senbei ។ នំនេះមានតាំងពីសម័យអេដូ តោះ​​សូម​មក​មើល​ហាង Shika Senbei ចំណាស់ជាងគេទាំងអស់គ្នា។

ប្រវត្តិហាង Takeda Toshio មានអាយុកាលតាំងពីសម័យ Taisho ។ រហូតមកដល់សព្វថ្ងៃពួកគេទទួលបានបទពិសោធ​ឧស្សាហកម្មជាងមួយសតវត្សរ៍មកហើយ។

បច្ចុប្បន្នម្ចាស់ហាងគឺលោក Takeda ។

រូបភាព Soranews24

នៅពេលឈានជើងចូលហាងក្លិននំឈ្ងុយឆ្ងាញ់ ផ្នែកខាងក្រោយជាកន្លែងផលិតនំ។

រូបភាព Soranews24

មិនដូចជាប្រភេទនំដែលផ្សំពីគ្រឿងទេសសម្រាប់មនុស្សនោះទេ នំក្តាន់ត្រូវបានផលិតចេញពីគ្រឿងផ្សំចំនួន ៣ មុខ​រួម​មានកន្ទក់ស្រូវ ស្រូវសាលី និងទឹក។ ដំបូងគេប្រើម៉ាសុីនលាយគ្រឿងផ្សំទាំង ៣ មុខនេះ។

រូបភាព Soranews24

ពេលលាយបញ្ចូលគ្នាយ៉ាងល្អម្សៅត្រូវបានបញ្ជូនចូលពុម្ពម៉ាសុីនអាំងមានរាងមូល។

រូបភាព Soranews24

បន្ទាប់ពីពុម្ពត្រូវបានចាក់បំពេញ បន្ទះដែកក្តៅនឹងសង្កត់ចុះកៀបម្សៅរាបស្មើរួចដុតនំ។

រូបភាព Soranews24

នំមានរសជាតិឆ្ងាញ់លើសពីការរំពឹងទុក នំស្រួយ និងក្តៅ។ រសជាតិនំពេលលែងក្តៅដូចជាចំណីសត្វ។ ដូច្នេះប្រសិន​បើ​អ្នកចង់ភ្លក់ Shika Senbei ចូររើសនំដែលទើបចេញពីឡ។

ការវុិខ្ចប់មួយកញ្ចប់មាន ១០ នំ រីឯក្រដាសខ្ចប់បានមកពីមូលនិធិអភិរក្សណារ៉ា ដើម្បីទទួលបានប្រាក់ចំណាយលើ​កម្ម​វិធី​សុខុមាលភាពសត្វក្តាន់។

ប្រភេទកាវបិទក្រដាសមានសុវត្ថិភាពក្នុងករណីក្តាន់សុីទាំងក្រដាសខ្ចប់។

Japo Cambodia