មូល​​ហេតុ​​​ស្លាប់​​ដែល​​មិន​សម​ហេតុ​​ផល​របស់​តួអង្គ​ល្បី​ក្នុង​ប្រវត្តិ​​សាស្ត្រ​​ជប៉ុន

ខ្ញុំជឿថា យើងម្នាក់ៗមិនចង់ស្លាប់នោះទេ មិនថាព្រោះតែជំងឺ ឬ​គ្រោះ​ថ្នាក់​ចរាចរណ៍​ក្តី។

យ៉ាងណាមិញ ប្រសើរជាងស្លាប់ហើយនៅតែត្រូវគេសើចចំអកថា “ហេតុ​អ្វីក៏អាយុខ្លីម្ល៉េះ?” ឬហេតុអ្វីបានជាស្លាប់បែប​​​នេះ? ជា​ដើម។

ជាពិសេសបើមនុស្សម្នាក់នោះមានកេរ្តិ៍ឈ្មោះល្បី មូលហេតុស្លាប់នឹងត្រូវបាន​កត់​ត្រា​ក្នុង​សៀវ​ភៅប្រវត្តិសាស្ត្រ។ សាក​ស្រមៃ​គិត​មើល​កូន​ចៅ​ដឹងអំ​ពី​មូល​ហេតុ​ស្លាប់​ដែល​មិនសមហេតុ​ផលហើយនិយាយថា “បុព្វបុរសរបស់ខ្ញុំពិតជាគួរ​ឱ្យ​អស់​សំណើចណាស់” នៅពេលនោះមិនដឹងថា គួរ​សើច​ ឬ​យំនោះ​ទេ???

យើងនឹងលើកយកមូលហេតុ​នៃការស្លាប់របស់តួអង្គក្នុងប្រវត្តិសាស្រ្តជប៉ុនដែលអ្នកប្រហែលជាមិនជឿ។

អធិរាជ Shijo ស្លាប់ដោយសាររបុិលរប៉ូច

រូបភាព https://mag.japaaan.com/archives/144012

តួអង្គទីមួយគឺអធិរាជ Shijo បានក្លាយជាអធិរាជនៅអាយុ ២ ឆ្នាំក្នុងយុគសម័យដ៏ច្របូកច្របល់។

អធិរាជ Shijo របុិលរប៉ូចណាស់ ហើយតែងតែធ្វើឱ្យអ្នកមើលថែទ្រង់រន្ធត់ចិត្តរាល់ថ្ងៃ។

នៅថ្ងៃមួយពេលដែលអធិរាជកំពុងលេងរៀបថ្មធ្វើកន្លែងរមៀលចុះ ទ្រង់ដួលបោកក្បាលទទួលមរណភាពនៅជន្មាយុ ១២ ឆ្នាំ។

Matsunaga Hisahide ស្លាប់ដោយសារប៉ាន់តែ

មានពាក្យចចាមអារ៉ាមមិនល្អជាច្រើននិយាយពីតួអង្គ Matsunaga Hisahide រូបនេះ។

លោកនៅក្រោមបង្គាប់មនុស្សម្នាក់ឈ្មោះ Oda Nobunaga ។ មិនដឹងហេតុ​អ្វី Matsunaga Hisahide គោរព​ប្រតិ​បត្តិ​​យ៉ាង​​ខ្លាំង​ចំពោះ Oda Nobunaga តែងតែជូនឈុតប៉ាន់តែ និងដាវជាអំណោយដល់ Oda  ចំណែកឯ Oda ក៏ចូលចិត្តអំណោយដែរ។

ឃើញដូច្នោះ Ieyasu Tokugawa – អ្នកដែលក្រោយមកគ្រប់គ្រងប្រទេសជប៉ុនទាំងមូលនិយាយប្រាប់ខ្លួនឯងថា៖

“ជាមនុស្សអែបអប ថ្ងៃណាមួយជននោះនឹងក្បត់” ។

ក្រោយមក គំនិតទាំងនោះក្លាយទៅជាការពិត Matsugana បង្កអោយមានការបះបោរប្រឆាំងនឹង Oda ។

ដោយមានកម្លាំងអំណាចខ្លាំងក្លា Oda Nobugawa ឡោមព័ទ្ធ និងកម្ចាត់ក្រុមបះបោរ។ ពេលនោះ Oda Nobugawa បានដាក់លក្ខខណ្ឌមួយ។

“ប្រសិនបើឯងប្រគល់ឈុតប៉ាន់តែ Hiragumo យើងនឹងទុកជីវិតអោយ”។

Matsunaga Hisahide ធ្វើតាមនឹងរួចជីវិត ប៉ុន្តែមិនដឹងហេតុ​អ្វីបែរជាបដិសេធ។ ពាក្យចុងក្រោយរបស់បុគ្គលរូបនេះ​គឺ៖

“ខ្ញុំនឹងមិនអោយឈុតប៉ាន់តែ និងជីវិតរបស់ខ្ញុំដល់អ្នកទេ”។

បន្ទាប់មក Matsunaga Hisahide ដាក់រំសេវផ្ទុះចូលទៅក្នុងប៉ាន់តែធ្វើអត្តឃាត។

Yoshimochi Ashikaga – ស្លាប់ដោយសារអេះគូទច្រើនពេក

ជំនាន់ទី ៤ នៃ Muromachi គឺ Yoshimochi Ashikaga គ្រប់គ្រងដែនដីធំល្មមនៃប្រទេសជប៉ុន។

Yoshimochi Ashikaga មានអារម្មណ៍រមាស់គូទ ដូច្នេះលើកដៃអេះមិនឈប់ បន្ទាប់មកមេរោគចូលមុខរបួស​លើ​គូទ​ធ្វើ​អោយលោកស្លាប់។

Yoshimochi ស៊ូទ្រាំនឹងមេរោគរយៈពេល ១០ ថ្ងៃ មុនពេលលោកទទួលមរណភាព អ្នកក្រោមបង្គាប់របស់ Yoshimochi បានប្រមូលផ្តុំគ្នាដោយសង្ឃឹមថា អាច​រក​ឃើញ​អ្នកស្នងតំណែង។

ទោះជាយ៉ាងណា Yoshimochi ត្រឹមបន្សល់ទុកពាក្យមួយឃ្លាធ្វើឱ្យមនុស្សគ្រប់គ្នាស្រឡាំងកាំងថា៖ “ចូរបោះឆ្នោតនៅ​មុខ​អាទិទេព” ។

និយាយអញ្ចឹងជីតារបស់ Yoshimochi – បន្ថែមថាលោកស្លាប់ដោយសារឈាមច្រមុះមិនឈប់។

មូលហេតុ​ស្លាប់ទាំងបីខាងលើសុទ្ធតែមិនសមហេតុ​សមផល។

Kenshin Uesugi – ស្លាប់ដោយសារដាច់សរសៃរឈាមពេលចូលបន្ទប់ទឹក

Kenshin Uesugi ត្រូវបានគេស្គាល់ជាមនុស្សមិនចេះចាញ់ លោកការពារតំបន់នៅជាប់នឹង Takeda Shingen ។ ក្នុងនាមជាមេទ័ពដ៏ល្បីក្នុងសមរភូមិម្នាក់ ប៉ុន្តែមូលហេតុ​ស្លាប់គួរឱ្យសោកសៅណាស់។

Kenshin Uesugi ចូលចិត្តផឹកស្រា លោកតែងទទួលទានត្រីងៀត ផ្លែព្រូនត្រាំខ្លែមជាមួយស្រា ដូច្នេះទើបគាត់មានសម្ពាធឈាមខ្ពស់។ ហេតុ​នេះលោកមានជំងឺសរសៃឈាមខណៈពេលចូលបន្ទប់ទឹក ហើយស្លាប់ដោយសារដាច់​សរសៃ​ឈាម។

សូមចងចាំថាកុំបរិភោគប្រៃច្រើនពេក។

Kengo Abe