វិធីពន្យាកំណើតដែលគួរឲ្យខ្លាចបំផុតរបស់ស្រី្តពេស្យាសម័យបុរាណ

តើអ្នកធ្លាប់ឆ្ងល់ទេថាស្ត្រីសម័យបុរាណធ្វើយ៉ាងណាដើម្បីពន្យាកំណើត? ប្រសិនបើ Yuujo (ស្រ្តីពេស្យា) មានផ្ទៃពោះពួក​គេ​នឹងត្រូវអ្នកគ្រប់គ្រងស្តីបន្ទោស ហើយថែមទាំងវាយធ្វើបាបទៀតផង។ ប្រសិនបើត្រូវវាយដំមិនអាចទទួលភ្ញៀវបានទេ។ នៅពេលដែល Yuujo មានផ្ទៃពោះនាងត្រូវឈប់សម្រាកពីការងារមួយរយៈ រឿងនេះធ្វើឲ្យ​ផ្ទះ​បន​ខាត​បង់​​ប្រាក់​​ជា​ច្រើន។

រូបភាព https://www.collectorsweekly.com/articles/the-tragic-life-of-the-courtesan-in-japans-floating-world/

វិធីពន្យារកំណើតរបស់ Yuujo

១. លាងសម្អាត

បន្ទាប់ពីរួមភេទរួច Yuujo នឹងលាងសម្អាតតាមដែលអាចធ្វើទៅបាន។

២. ប្រើក្រដាសឬស្សី

ពួកគេរុំក្រដាសឫស្សីរួចដាក់ចូលទៅក្នុងទ្វារស្រ្តីសម្រាប់សម្អាត។ មនុស្សស្រីមួយចំនួនថែមទាំងធ្វើបែបនេះនៅចំពោះ​មុខភ្ញៀវដែលពួកគេមិនចូលចិត្ត ដើម្បីកុំឲ្យ​ភ្ញៀវ​នោះ​ត្រឡប់​មកវិញ។

៣. ប្រើ Moxa (Mugwort)

ដុតរុក្ខជាតិប្រភេទនេះហើយដាក់ក្រោមផ្ចិត។ គេនិយាយថាវិធីសាស្ត្រនេះអាចពន្យាកំណើតរយៈពេល ១ ឆ្នាំ។

៤. ស្រោមអនាម័យ “ស្នែង”

តាមរបៀបនេះភ្ញៀវប្រើស្នែងរបស់សត្វធ្វើជាស្រោមអនាម័យ។ ប្រភេទស្នែងដែលគេនិយមប្រើគឺស្នែងគោ។ គេកម្រប្រើវិធីសាស្ត្រនេះណាស់ ហើយពួកគេក៏តែងតែប្រើសម្ភារៈទន់ផ្សេងដែរ។

រូបភាព https://www.collectorsweekly.com/articles/the-tragic-life-of-the-courtesan-in-japans-floating-world/

ជាការពិតណាស់ វិធីសាស្ត្រទាំងនេះមិនមែនសុទ្ធតែមានប្រសិទ្ធិភាពឡើយ ដូច្នេះប្រសិនបើ Yuujo មានផ្ទៃពោះតើពួកគេត្រូវ​ធ្វើយ៉ាងណា?

វិធីដែលល្អបំផុតគឺសម្រាលកូន ពួកគេត្រូវបញ្ជូនទៅកន្លែងបម្រុងទុកសម្រាប់ Yuujo ដែលឈឺ ឬមានផ្ទៃពោះ។ បន្ទាប់​ពីសម្រាក និងសម្រាលកូនរួច Yuujo នឹងត្រលប់ទៅធ្វើការវិញ។ ម្យ៉ាងវិញទៀត មិនមែន Yuujo ទាំងអស់សុទ្ធ​តែ​មានសំណាងទទួលបានការថែទាំឡើយ។ ការថែទាំសម្រាប់តែ Yuujo ដែលស្រស់ស្អាត ហើយទទួលភ្ញៀវច្រើនប៉ុណ្ណោះ។

ស្រ្តី Yuujo មួយចំនួននឹងទុកកូន ហើយមានតែ Yuujo លំដាប់ខ្ពស់ទេដែលអាចធ្វើដូច្នេះ ព្រោះពួកគេមានភ្ញៀវជាអ្នកមាន និងស្មោះត្រង់ព្រមផ្គត់ផ្គង់ដល់ទារក។

ផ្ទះបនជាអ្នកសម្រេចទុកក្មេងហើយថែទាំពួកគេ។ ចំពោះក្មេងស្រីនឹងត្រូវបណ្តុះបណ្តាលឲ្យ​ក្លាយជា Yuujo ម្នាក់ រីឯក្មេងប្រុសនឹងក្លាយជាអ្នកចម្អិនម្ហូប ស្អាត បម្រើ Yuujo ជាដើម អ្នកខ្លះថែមទាំងក្លាយជាបុរស Yuujo ឬ Geisha ប្រុស ប៉ុន្តែភាគច្រើនត្រូវគេបោះ​បង់​ចោល។

តើអ្នកធ្លាប់ឆ្ងល់ទេថាមានឪពុកមកទទួលស្គាល់កូន? ក៏មានដែរ ប៉ុន្តែកម្រណាស់។ តាមពិតឪពុកគ្មានសិទ្ធិទេ ចំពោះផ្ទះបនទើបជាអ្នកដែលមានសិទ្ធិសម្រេចវាសនារបស់ក្មេងនោះ។

Fun fact: ភាគច្រើនករណីមានផ្ទៃពោះមកពី Yuujo លេងសើចជាមួយមិត្តរួមការងារបុរសជាជាងទទួលភ្ញៀវ។

ស្នាដៃរបស់វិចិត្រករ Utagawa Toyokuni ដែលគូរគំនូរ Yuujo កំពុងរៀបចំបន្ទាប់ពី “ទទួលភ្ញៀវ”

ប្រសិនបើមិនរើសយកសម្រាលកូន (ឬគ្មានសិទ្ធិទុកកូន) Yuujo មានតែរំលូនកូន។ ពួកគេអាចប្រើថ្នាំរំលូតកូនមុន​ពេលពោះកាន់តែធំ។ ប៉ុន្តែបើមិនផឹកមុនពេលនោះ ការរំលូតកូននឹងកាន់តែគួរឲ្យ​ភ័យខ្លាចជាងនេះ។

Yuujo នឹងត្រូវគេបញ្ជូនចូលទៅក្នុងបន្ទប់មួយ ចាប់ចងដាក់ដេកនៅក្រោម។ មានមនុស្សម្នាក់ត្រៀមថ្នាំដែលចម្រាញ់​ចេញពីឱសថជាច្រើនប្រភេទឧទាហរណ៍ដូចជាម្សៅម្លូរ ជីអង្កាមស្ងោរ និងបារតបន្តិច។ ក្រៅពីនេះ មានគ្រឿង​ផ្សំមួយចំនួនទៀតដូចជាឫសសាគូរ៉ា ម្ទេស ផ្លែ​ទទឹម និងសារធាតុបាសជាដើម។ មិនថារូបមន្តអ្វីទេបារតតែង​តែ​ជាផ្នែកដែលមិនអាចខ្វះបាន។

ពួកគេប្រើវត្ថុម្យ៉ាងដែលមើលទៅដូចជាចង្កឹះលូកចូលទៅក្នុងស្បូនរបស់ Yuujo ដើម្បីយកទារកចេញ។

វិធីចុងក្រោយដែល Yuujo បោះបង់កូនរបស់ខ្លួនគឺផ្តល់កំណើតហើយបន្ទាប់មក “សងទារក” វិញ។ ការសម្រាលកូនយ៉ាងហោចណាស់មានសុវត្ថិភាពជាងការរំលូតកូនខាងលើ។

បន្ទាប់ពីឆ្មបជួយសម្រាលកូនឲ្យ​ Yuujo រួច ពួកគេនឹងសួរសំណួរដដែលថា “តើនាងចង់ទុកទារក ឬសងទារកវិញ” ពាក្យសងទារកមានន័យថា បញ្ជូនត្រឡប់ទៅពិភពព្រលឹងវិញ្ញាណ ដើម្បីឲ្យ​ទារកមានឳកាសចាប់ជាតិជាថ្មី។ វិធី​សងទារកជាទូទៅគឺច្រ​បាច់​ក​ ឬ​ថប់ដង្ហើម។

ជាការពិតណាស់ បើម្តាយទុកទារកក៏គ្មានសិទ្ធិអ្វីដែរ ប៉ុន្តែភាគីផ្ទះបនទើបជាអ្នកមានសិទ្ធិសម្រេចវាសនារបស់ក្មេងនោះ។ ពួកគេអាច ឬមិនយកចិត្តទុកដាក់ចំពោះអារម្មណ៍របស់ Yuujo នៅទីបំផុតការរកសុីទើបសំខាន់ជាង​គេ។

កាលសម័យនោះមនុស្សស្ទើរតែគ្រប់គ្នាយល់ថាសងទារកជារឿងធម្មតា សូម្បីតែអ្នកដែលមិនធ្វើការនៅកន្លែងនោះក៏គិតដូច្នោះដែរ។ នៅពេលដែល “សងទារក” ពួកគេសង្ឃឹមថាទារកនឹងមានសំណាងចាប់ជាតិក្នុងលក្ខខណ្ឌល្អជាង។

មនុស្សជាច្រើនគិតថា លក់កូនទៅឲ្យ​ផ្ទះបនទើបជារឿងអាក្រក់ជាជាង “សងទារក” ទៅទៀត។

ទោះជាយ៉ាងណា នៅពាក់កណ្តាលសម័យអេដូ ប្រជាជនចាប់ផ្តើមផ្លាស់ប្តូរគំនិតរបស់ខ្លួន។ មូលហេតុអាចបណ្តាលមកពីចំនួនប្រជាជនក្នុងរយៈពេលនោះថយចុះ។ រដ្ឋាភិបាលបានបញ្ជាឲ្យ​ពិន័យចំពោះករណី “សងទារក” វិញ។

Japo Cambodia