សូមសរសើរបុគ្គលិកអាកាសយានដ្ឋានជប៉ុនបង្ហាញភាពរាក់​ទាក់​​ចំពោះអ្នក​​ដំណើរតាមរយៈគំនូរគូរដោយផ្ទាល់ដៃ

ថ្ងៃ​ព្រហស្បតិ៍ 24/06/2021 | 13:57 ល្ងាច

អ្នកប្រើ Twitter ជនជាតិជប៉ុនឈ្មោះ ChoroHaha (@ Chorouzu1017) ថ្មីៗនេះបានចែករំលែកភាពរាក់ទាក់ភ្ញៀវរបស់ប្រជាជនជប៉ុនតាមរយៈវីដេអូខ្លីមួយ ក្នុងនោះបុគ្គលលិកថែទាំផ្លូវអាកាសយានដ្ឋាន Amami នៅលើកោះ Amami Oshima បង្ហាញការអរគុណចំពោះអតិថិជនរបស់ខ្លួន។

នៅពេលដែលយន្តហោះរង់ចាំចេញដំណើរ @Chorouzu1017 បានក្រឡេកមើលតាមបង្អួច ហើយឃើញបុគ្គលិកម្នាក់​បង្ហាញការអរគុណចំពោះអ្នកដំណើរដែលមកលេងកោះដោយ “ស្នាដៃសិល្បៈ” របស់គាត់។

Caption:

កាលពីម្សិលមិញពេលកំពុងអង្គុយមើលតាមបង្អួចរង់ចាំយន្តហោះចេញដំណើរស្រាប់តែ… ។

ប្រសិនបើអាចត្រឡប់ទៅវិញ ដំបូងខ្ញុំមិនដឹងថាគាត់គូរអ្វីទេ គូរបេះដូងឬ? ឬស្លឹកទាំងបួន។

ទោះបីវានឹងរលាយបាត់ ប៉ុន្តែនោះជាស្នាដៃសិល្បៈដ៏ស្មោះត្រង់។

ជាមួយនឹងផ្ការំយោលដែលត្រូវបានគូរយ៉ាងស្រស់ស្អាត បុគ្គលិកក៏សរសេរពាក្យមួយឃ្លាថា “Arigasama Ryota” ជារបៀបនិយាយ “Arigatou Gozaimasu” នៅ Amami Oshima ផងដែរ។

វីដេអូទទួលបានមតិយោបល់ជាច្រើន ដែលភាគច្រើនបង្ហាញពីអារម្មណ៍រំភើបចិត្តចំពោះសកម្មភាពនោះ ហើយក៏ដើម្បីចែករំលែកបន្ទុកនឹងវិស័យទេសចរណ៍ដែលរងផលប៉ះពាល់ធ្ងន់ធ្ងរដោយសារជំងឺរាតត្បាត។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: