ពិព័រណ៍គំនូរសាច់គោ ART BEEF GALLERY

ថ្ងៃពុធ 23/06/2021 | 11:05 ព្រឹក

សាច់គោដែលមកពីខេត្ត Shiga, Kobe, Matsuzaka ត្រូវគេទទួលស្គាល់ជា Wagyu ដែលឆ្ងាញ់បំផុតនៅប្រទេសជប៉ុន (Wagyu ជាឈ្មោះសាច់គោជប៉ុន) ។ ក្នុងចំណោមនោះសាច់គោ Omi ត្រូវគេចាត់ទុកមានប្រវត្ដិសាស្ដ្រយូរជាងគេ។ ចំពោះ Art Beef Gallery ក្រុមហ៊ុន Hitodema ប្រើសាច់គោ Omi លេខមួយបង្កើតបានជាស្នាដៃសិល្បៈបុរាណជប៉ុន។

នៅសម័យអេដូតំបន់ Hikone ដែលសព្វថ្ងៃជាខេត្ត Shiga ប្រជាជនធ្វើសាច់គោ Omi ត្រាំក្នុង Miso ហើយថ្វាយដល់ Tokugawa ធ្វើជាថ្នាំប៉ូវ។ ទោះបីសាច់គោ Omi មានប្រវត្តិចំណាស់ជាងគេ ប៉ុន្តែមិនសូវល្បីជាងសាច់គោដទៃ ជាពិសេសនៅតំបន់ Kanto ។ ស្នាដៃសិល្បៈ Art Beef Gallery សន្យាថានឹងនាំយកសាច់គោ Omi មកជិតអ្នករាល់គ្នា។

ស្នាដៃសិល្បៈផ្អែកលើ “ការពង្រីកទស្សនៈ” “គយគន់” និង “តុបតែង” ។ រួមបញ្ចូលគ្នារវាងសាច់គោ Omi មានប្រវត្តិតាំងពីសម័យអេដូ និងកម្រងផ្ទាំងគំនូរបុរាណជប៉ុន ត្រូវគេចាត់ទុកជាការរួមបញ្ចូលគ្នាយ៉ាងសាកសម និងគួរឱ្យចាប់អារម្មណ៍។

សាច់គោ Omi ត្រូវបានគេប្រើក្នុងស្នាដៃជាប់លំដាប់លេខ ៥ គុណភាពសាច់ទន់ និងនាំមកនូវលក្ខណៈពិសេសឆ្ងាញ់។

ចំពោះ Art beef Gallery អ្នកមិនត្រឹមតែភ្លក់រសជាតិ Wagyu លេខមួយប៉ុណ្ណោះទេ ថែមទាំងអាចរីករាយនឹងគំនូររួមបញ្ចូលគ្នាយ៉ាងប៉ិនប្រសប់ ដោយប្រើពណ៌ក្រហមរបស់សាច់គោ Omi ។

ដើម្បីបង្កើតបានជាប្រអប់ល្អឥតខ្ចោះដែលត្រូវតាមលក្ខណៈស្អាត និងសិល្បៈ ក្រុមអ្នកធ្វើត្រូវចំណាយពេលជាង ១២០ ថ្ងៃសម្រាប់រចនារូបរាង វិចខ្ចប់ និងជ្រើសរើសសម្ភារៈសាកសម។

ស្នាដៃដំបូងត្រូវគេប្រើក្នុង Art Beef Gallery គឺ Gaifū kaisei (ស្ងាត់ខ្សល់ ផ្ទៃមេឃ) ក្នុងកម្រងស្នាដៃទាំង ៣៦ ទេសភាពភ្នំហ្វូជីរបស់វិចិត្រករ Hokusai ។

រូបភាព Soranews

ផ្ទាំងគំនូរគូរចន្លោះពីឆ្នាំ ១៨៣០ និង ១៨៣២ ហើយ Gaifū kaisei ត្រូវគេស្គាល់ថាជាខ្យល់ស្រស់ស្អាត ពេលព្រឹកព្រលឹមឬហ្វូជីក្រហម។ គំនូរនេះត្រូវបានគេចាត់ទុកជាផ្ទាំងគំនូរសាមញ្ញតែទាក់ទាញបំផុតក្នុងចំណោមគំនូរជប៉ុន។

នៅខាងក្រោមរូបភាពជាសាច់គោ Omi លំដាប់ A5 ចំនួន ៧០០ ក្រាមដែលត្រូវបានជ្រើសរើសដោយមេចុងភៅភោជនីយដ្ឋាន Hyotanya – ភោជនីយដ្ឋានសាច់គោល្បីនៅខេត្ត Shiga កំពុងរង់ចាំអ្នក។