ជប៉ុនពាក់ម៉ាសអោយរូបសំណាកព្រះម៉ែគង់សុីអុីមបួងសួងសុំអោយជំងឺរាតត្បាតកូវីដ១៩ ឆាប់បញ្ចប់

ថ្មីៗនេះដើម្បីបួងសួងសុំអោយជំងឺរាតត្បាតកូវីដ១៩ ឆាប់បញ្ចប់ ជប៉ុនបានពាក់ម៉ាសសអោយរូបសំណាកព្រះម៉ែ​គង់​សុី​អុីម​យក្ស។ ម៉ាសរបស់រូបសំណាកមានពណ៌ផ្កាឈូក បណ្តោយ ៤,១ ម៉ែត្រ ទទឹង ៥,៣ ម៉ែត្រ និងទម្ងន់ប្រហែល ៣៥ គីឡូក្រាម​។ ក្រោយ​រយៈ​ពេល ៣ ម៉ោងកម្មករ ៤ នាក់ពាក់ម៉ាសជូនរូបសំណាករួចរាល់។

រូបសំណាកមានអាយុកាល ៣៣ ឆ្នាំ កម្ពស់ ៥៧ ម៉ែត្រស្ថិតនៅប្រាសាទ Houkokuji Aizu Betsuin ទីក្រុង Aizuwakamatsu ខេត្ត Fukushima ។ ផ្នែកខាងក្នុងរូបសំណាកមានប្រហោង និងជណ្តើរមូល អ្នកមកទស្សនាអាចឡើងលើស្មារបស់រូបសំណាក។ ប្រជាជនជប៉ុនច្រើនតែទៅបន់ស្រន់សុំអោយសម្រាលកូនដោយសុវត្ថិភាព និងពរ​ជ័យ​សម្រាប់​ទារក។

មិនត្រឹមតែដើម្បីបួងសួងដល់ការរីករាលដាលនៃកូវីដ១៩ ប៉ុណ្ណោះទេ នេះក៏ជាវិធានការណ៍ដ៏ល្អក្នុងការជួសជុលរូបសំណាក​ក្រោយ​រញ្ជួយ​ដី​កាលពីខែកុម្ភៈ។ លោក Takaomi Horigane ម្ចាស់ប្រាសាទបាននិយាយថាពួកគេគ្រោងនឹងពាក់​ម៉ាស​អោយរូបសំណាក​រហូត​ដល់ការរីករាលដាលនៃកូវីដអាចគ្រប់គ្រងទាំងស្រុងក្នុងប្រទេសជបុ៉ន។

Japo Cambodia