សេវាកម្មតែមួយគត់ដែលអនុញ្ញាតឱ្យអ្នកជួល “មនុស្សធាត់” គិត​តាម​ម៉ោង

សេវាកម្មជប៉ុនថ្មីកំពុងទទួលបានការចាប់អារម្មណ៍ព្រោះវាអនុញ្ញាតឱ្យទាំងបុគ្គល និងក្រុមហ៊ុនជួលមនុស្សធាត់ក្នុង​តម្លៃ ២០០០ យ៉េនក្នុងមួយម៉ោង។

ជួលមនុស្សក្នុងគោលបំណងផ្សេងៗមិនមែនជារឿងចម្លែកនៅជប៉ុននោះទេ។ សេវាកម្មមានការផ្តល់ជូនច្រើន ហើយ​ចាប់​ផ្តើម​នៅខែនេះ។ អ្នកអាចបន្ថែមជម្រើសផ្សេងទៀតក្នុងបញ្ជីសេវាកម្មជួលមនុស្សធាត់។

រូបភាព https://www.odditycentral.com

ដែលត្រូវគេហៅថា “Debucari” សេវាកម្មថ្មីអនុញ្ញាតឱ្យបុគ្គលស្ទើរតែទាំងអស់អាចជួល “មនុស្សធាត់” តាមម៉ោង។ នៅជប៉ុនមនុស្សធាត់លើសទម្ងន់ ១០០ គីឡូក្រាមហាក់ដូចជាកម្រ ដូច្នេះពាណិជ្ជករដែលនៅពីក្រោយសេវាកម្មនេះគិតថាផ្តល់ជូនអ្នកមានតម្រូវការជួលតាមរយៈសេវាកម្មអនឡាញជាឱកាសអាជីវកម្មដ៏ពិសេស។

Debucari ត្រូវបានគ្រប់គ្រងដោយលោក Bliss ដែលជាអ្នកបង្កើតយីហោម៉ូត Qzilla ។ គេហទំព័ររបស់ក្រុមហ៊ុនបាន​អះអាងថាលោក Bliss ផ្តួចផ្តើមគំនិត Debucari បន្ទាប់ពីមមាញឹកស្វែងរកតំណាងយីហោសម្លៀកបំពាក់របស់ខ្លួន។

លោក Bliss បានបង្កើតក្រុមហ៊ុន Talent ដែលឆ្ពោះទៅរកមនុស្សលើសទម្ងន់កាលពីឆ្នាំ ២០១៧ និងប្រហែល ៤៥ នាក់ ក្នុងនោះភាគច្រើនជាអតិថិជនរបស់ Qzilla ចុះឈ្មោះភ្លាមៗបន្ទាប់ពីការប្រកាសត្រូវបានអនុវត្ត។

កាលពីខែមេសាឆ្នាំនេះ Debucari បានប្រកាសថាពួកគេនឹងចាប់ផ្តើមសេវាកម្មជួល Talent សម្រាប់បុគ្គលឬអាជីវកម្មដែលកំពុងត្រូវការ “មនុស្សធាត់” ក្នុងតម្លៃ ២០០០ យ៉េនក្នុងមួយម៉ោង។

តើគេជួលមនុស្សធាត់ក្នុងគោលបំណងអ្វី?

ចំពោះបុគ្គលឧទាហរណ៍អ្នកត្រូវការអ្នកបង្ហាញម៉ូដធាត់ស្លៀកសម្លៀកបំពាក់ឬហេតុ​ផលដូច​ជា​ត្រូវ​ការមិត្តម្នាក់ដែលធាត់ជាងទើបពេញចិត្តនឹងទម្ងន់របស់ខ្លួន។

រីឯក្រុមហ៊ុនគោលបំណងស្វែងរកសេវាកម្មនេះដើម្បីរកតួអង្គផ្សព្វផ្សាយផលិតផលសម្រកទម្ងន់ជាដើម។

Debucari បានបញ្ជាក់ពាក្យថា “មនុស្សធាត់” មិនមែនចង់ធ្វើអោយអាក់អន់ចិត្តទាក់ទងនឹងសេវាកម្មរបស់ខ្លួនឡើយ។

សេចក្តីប្រកាសព័ត៌មាននាពេលថ្មីៗនេះបានអោយដឹងមនុស្សធាត់កំពុងគិតពិចារណាដាក់ពាក្យទៅ Debucari ពិតជាមិនជួបបញ្ហាដែលហៅថាធាត់នោះទេ។ លក្ខខណ្ឌចាំបាច់គឺទម្ងន់ត្រូវលើស ១០០ គីឡូក្រាម ទាំងបុរស និងស្ត្រីដែលមានអាយុលើសពី ១៨ ឆ្នាំអាចចូលរួមបាន។

ក្រុមហ៊ុនអះអាងថាថ្លៃឈ្នួល ២០០០ យ៉េននឹងផ្ទេរទៅអោយអ្នកត្រូវគេជួល រីឯ Debucari គ្រាន់តែទទួលបានប្រាក់កម្រៃជើងសារពីក្រុមហ៊ុនប៉ុណ្ណោះ។

នៅជប៉ុន Debucari មានបញ្ជីសម្រាប់ជួលមនុស្សលើសទម្ងន់នៅទីក្រុងធំៗរួមមានទីក្រុងតូក្យូ Osaka និង Aichi ។

Japo Cambodia