Iwami Kagura – របាំសម្រាប់អាទិទេពជប៉ុន

ថ្ងៃចន្ទ 14/06/2021 | 10:09 ព្រឹក

ក្នុងចំណោមទម្រង់សិល្បៈជប៉ុនដូចជា Kabuki (របាំច្រៀង) ល្ខោន Noh, Kagura ក៏ជាសិល្បៈដែលមានអាយុកាលចំណាស់មានប្រភពមកពីទេវកថាជប៉ុន។ Kagura គឺជាទម្រង់របាំសម្រាប់អាទិទេពដែលធ្វើឡើងដោយព្រះសង្ឃ Shinto និង Miko (អ្នកថែរក្សាប្រាសាទ) សម្តែងនៅទីសក្ការៈបូជាដើម្បីបួងសួងសុំឲ្យការប្រមូលផលបានច្រើន។ យ៉ាងណាមិញ ក្រោយមក Kagura កាន់តែមានប្រជាប្រិយភាពសម្រាប់ប្រជាជន។

រឿងរ៉ាវដែលនិទានក្នុងការសម្តែង Kagura ភាគច្រើនមកពីរឿង ‘Kojiki’ ដែលជាការប្រមូលផ្ដុំនៃទេវកថារឿងព្រេង និងការប្រយុទ្ធគ្នារវាងទេវតា និងអារក្ស។

នៅពេលដែល Kagura ល្បីទូទាំងប្រទេសជប៉ុន ទម្រង់សម្តែងផ្សេងទៀតចាប់ផ្តើមលេចឡើង។ តំបន់នីមួយៗមានទម្រង់ Kagura ដោយឡែកច្រើនជំនាន់។ នៅខេត្ត Shimane ភាគខាងលិចប្រទេសជប៉ុន ‘Iwami Kagura’ ត្រូវគេចាត់ទុកជារបៀបសម្តែងដ៏ពេញនិយមនៅទីនោះ ជាមួយនឹងល្បឿនរាំលឿន សម្លៀកបំពាក់ចម្រុះពណ៌ រឿងរ៉ាវសាមញ្ញ សម្លេង និងរូបភាពទាក់ទាញភ្នែក។

រូបភាព https://www.kankou-shimane.com/en/news/7963

ជាទូទៅ ការសម្តែងចាប់ផ្តើមដោយរបាំពិធីទទួលស្វាគមន៍អាទិទេព បន្ទាប់មកជាការសម្តែងកម្សាន្ត។ អ្នកសម្តែងនឹងរាំតាមចង្វាក់ភ្លេងនៃឧបករណ៍តន្រ្តីបុរាណជប៉ុន។

រូបភាព https://www.japanhouselondon.uk/discover/stories/iwami-kagura/

មានប្រមាណជាសាមសិបរឿងខុសគ្នា អ្នកសម្តែងដើរតួអាទិទេព អារក្ស និងប្រជាជនក្នុងទេវកថាជប៉ុនពីបុរាណ។ ក្នុងចំណោមនោះ “Orochi” ជាការសម្តែងពេញនិយមបំផុត។ ការសម្តែងនេះនិយាយពីអាទិទេព Susano-o ដែលជាអ្នកសម្លាប់ពស់អាក្រក់មួយក្បាលឈ្មោះ Yamata-no-orochi និងជួយសង្គ្រោះព្រះអង្គម្ចាស់ Inada ។ សត្វពស់មានក្បាល ៨ និងកន្ទុយ ៨ រាងកាយរបស់វាវែងល្មមអាចរុំព័ទ្ធកំពូលភ្នំ និងជ្រលងភ្នំចំនួន ៨ ។

រូបភាព https://www.kankou-shimane.com/en/news/7963

នេះជាការសម្តែងពិសេសលើឆ្នេរខ្សាច់ហៅថា “Umi Kagura” ប្រារព្ធធ្វើឡើងនៅថ្ងៃទី ១៣ ខែសីហាជារៀងរាល់ឆ្នាំ។ នៅពេលដែលព្រះអាទិត្យរៀបលិចត្រឹមខ្នងអ្នកសម្តែងរាំ អណ្តាតភ្លើងអបអរសាទរក៏ត្រូវបានបំភ្លឺឡើង បរិយាកាសពិធីកាន់តែមានភាពអាថ៌កំបាំង។

រូបភាព https://www.kankou-shimane.com/en/news/7963

ថ្មីៗនេះដោយសារតែជំងឺរាតត្បាតកូវីដ១៩ ការសម្តែង Kagura ស្ទើរតែទាំងអស់ត្រូវលុបចោល។ ដោយមានការព្រួយបារម្ភថា Kagura ប្រហែលជាអាចបាត់បង់ ហើយដើម្បីរៃអង្គាសប្រាក់សម្លៀកបំពាក់ គេរៀបចំសម្តែង Kagura Online ។ លោក Takahiro Kawamura អគ្គលេខាធិការនៃសហព័ន្ធ Iwami Ginzan Kagura បានអោយដឹងក្នុងរយៈពេលប៉ុន្មានឆ្នាំថ្មីៗនេះទស្សនិកជនបរទេសកើនឡើងជាលំដាប់ ដូច្នេះពួកគេគ្រោងនឹងបន្ថែមចំណងជើងសម្រាប់វីដេអូអន្តរជាតិ។

ការ stream របាំ Kagura ដោយសិស្សបឋម និងវិទ្យាល័យនឹងប្រព្រឹត្តទៅនៅថ្ងៃទី ១៣ ខែមិថុនាអ្នកអាចចូលមើលតាមរយៈតំណភ្ជាប់ https://www.iwamiginzankagura.com នេះ