អព្ភូតហេតុ “ដើមស្រល់អច្ឆរិយៈ” តែមួយគត់ដែលរួចផុត​ពី​រលក​យក្ស​ស៊ូណាមិនៅប្រទេសជប៉ុន

ដើមស្រល់ប្រហែល ៧ ម៉ឺនដើមនៅតាមឆ្នេរ Rikuzentakata ត្រូវបោកបក់រសាត់តាមរលកយក្សស៊ូណាមិកាលពីខែមីនាឆ្នាំ ២០១១ ។ រឿងចម្លែកមានដើមស្រល់តែមួយគត់ដែលមិនអីហាក់ដូចជាផ្តល់ក្តីសង្ឃឹមដល់ប្រជាជននៅទី​នោះ។

នៅមុនពេលរញ្ជួយដីកើតឡើងឆ្នេរសមុទ្រ Takata Matsubara ប្រវែងប្រហែល ២ គីឡូម៉ែត្រនៅទីក្រុង Rikuzentakata ខេត្ត Iwate ជាកន្លែងទាក់ទាញភ្ញៀវទេសចរណ៍ដោយសារតែដើមឈើស្រល់ខ្ពស់ស្អាតចំនួន ៧ ម៉ឺនដើម។

រូបភាព https://lhprodblog.wordpress.com/2015/

បន្ទាប់ពីគ្រោះរញ្ជួយដី និងរលកយក្សស៊ូណាមីកាលពីឆ្នាំ ២០១១ អ្វីៗទាំងអស់ត្រូវរលកបក់ទៅបាត់ ឆ្នេរសមុទ្រប្រហែល​ជា ៩០ % ក៏ត្រូវរលាយបាត់ដោយសាររលកយក្សស៊ូណាមិ បាក់ស្រុតដីដែលបណ្តាលមកពីរញ្ជួយដី។ ទោះយ៉ាង​ណា​មាន​ដើមស្រល់មួយដើមដែលមិនអីគេដាក់ឈ្មោះថា “ដើមស្រល់អច្ឆរិយៈ” លើឆ្នេរសមុទ្រ។

Seiko Handa អាយុ ៤៧ ឆ្នាំបានអោយដឹងថា “យើងគ្មានសង្ឃឹមអ្វីទេខណៈពេលនោះ ដូច្នេះមានអ្វីម្យ៉ាងនៅរស់ដូច​ជាពន្លឺបំភ្លឺភាពងងឹត” ។

បុ៉ន្តែពេលនេះដើមស្រល់អាយុ ២៥០ ឆ្នាំកំពុងតែងាប់ដោយសារទឹកប្រៃជ្រាបក្នុងដីកំឡុងពេលរលកយក្សស៊ូណាមិ។

មន្ត្រីក្នុងតំបន់លោក Kazunari Takahashi និយាយថា “ដើមឡើយពេលយើងទទួលបន្ទុកថែទាំដើមឈើ យើងមាន​ការ​ព្រួយបារម្ភយ៉ាង​ខ្លាំង​ថា​វានឹងងាប់” ។

រូបភាព https://www.designboom.com/

ដំបូងដើមស្រល់ត្រូវគេដាំក្នុងគោលបំណងបាំងខ្យល់ ខ្សាច់ និងអំបិលសមុទ្រ។ ប្រជាជនហៅថា Takata-Matsubara ព្រៃស្រល់លាតសន្ធឹងប្រហែល ២ គីឡូម៉ែត្រតាមបណ្តោយឆ្នេរសមុទ្រ ហើយបានក្លាយជាកន្លែងមានប្រ​ជា​ប្រិយបំផុតនៅភាគខាងជើងប្រទេសជប៉ុន។

រលកកម្ពស់ជិត ១០ ម៉ែត្រហូរចូលជន់លិចក្រោមទឹកបន្ទាប់ពីរញ្ជួយដីកម្រិត ៩,០ រិចទ័រកើតឡើងកាលពីថ្ងៃទី ១១ ខែ​មីនា​ឆ្នាំ ២០១១ ដោយបានបំផ្លាញកន្លែងដាំព្រៃស្រល់រួមជាមួយផ្ទះជាង ៣០០០ ខ្នងនៅក្នុងទីក្រុង។

រូបភាព https://www.designboom.com/

ប្រជាជនប្រមាណ ២៥.០០០ នាក់បានស្លាប់ដោយសារគ្រោះមហន្តរាយនៅភាគភាគឦសានប្រទេសជប៉ុន។

បច្ចុប្បន្នមន្រ្តីទីក្រុងបានលះបង់ក្តីសង្ឃឹមសង្គ្រោះដើមស្រល់អច្ឆរិយៈមួយដើមនេះទៅហើយ។

ការពិភាក្សាអំពីការថែរក្សាដើមស្រល់ជាកន្លែងដែលវាដុះចាត់ទុកជាការចងចាំ។ ទោះជាយ៉ាងណាក៏ដោយការថែ​រក្សា​ដើមស្រល់អាចចំណាយរហូតដល់ ៣០០ លានយ៉េន ខណៈដែលទីក្រុងកំពុងផ្តល់អាទិភាពដល់តម្រូវការកសាងឡើង​វិញ។

រូបភាព https://www.tokyotimes.com/

នៅពេលដើមស្រល់ងាប់ មនុស្សជាច្រើនខំរកមធ្យោបាយស្រោចស្រង់ យ៉ាងហោចណាស់អាចរក្សាដើមឈើមួយផ្នែកសម្រាប់មនុស្សជំនាន់ក្រោយ។

Takahashi និយាយថា “យើងយកមែកស្រល់តូចដែលជាវិធីរក្សាដើមស្រល់អោយនៅរស់រហូត។ យើងក៏ប្រមូលផ្លែស្រល់ និងគ្រាប់ដែលនៅសល់សម្រាប់ដាំ” ។ ក្រុមហ៊ុនមួយប្រើគ្រាប់ស្រល់ដាំ រីឯមន្រ្តីទីក្រុងសង្ឃឹមថាថ្ងៃណា​មួយវា​ក្លាយ​​ជា​ព្រៃ​ស្រល់ថ្មី។

រូបភាព https://www.designboom.com/

លើសពីនេះដើមស្រល់ជានិមិត្តរូបលើកាក់រំលឹកពីរលកយក្សស៊ូណាមិដែលរដ្ឋាភិបាលហៀបនឹងដាក់អោយប្រើដើម្បី​រៃ​អង្គាស​ថវិកា​សម្រាប់​ការ​កសាងឡើងវិញ។

កាក់ ១,០០០ យ៉េន និង ១០,០០០ យ៉េនមានរូបភាពដើមស្រល់ជាមួយនឹងហ្វូងព្រាបហើរពីលើ។

រដ្ឋមន្រ្តីក្រសួងហិរញ្ញវត្ថុជប៉ុន Jun Azumi បកស្រាយនៅពេលប្រកាសប្រាក់កាក់ថ្មីថា “យើងសម្រេចប្រើការរចនានេះដោយសង្ឃឹមថាអាចស្តារភាគខាងកើតប្រទេសជប៉ុន សត្វព្រាបតំណាងអោយសន្តិភាពនៅកន្លែងរងការ​ខូច​ខាត” ។

ដើមស្រល់ Rikuzentakata មិនមែនជានិមិត្តរូបតែមួយគត់នៃការរស់ឡើងវិញបន្ទាប់ពីគ្រោះមហន្តរាយនោះទេ។

រូបភាព Tokyoweekender.com/

នៅភាគខាងត្បូងទីក្រុង Kesennuma រងគ្រោះមហន្តរាយធ្ងន់ធ្ងរ ដើមស្រល់មួយចាប់ផ្តើមដុះតាមស្នាមប្រេះ​បេ​តុង លូតលាស់កណ្តាលផ្ទះដែលត្រូវបំផ្លិចបំផ្លាញ មិនឆ្ងាយពីតំបន់ព្រៃស្រល់ដែលត្រូវរលកបក់ប៉ុន្មានទេ។

Japo Cambodia