កំពូល​​​មេទ័ព និង​ដំណាក់​ក្រោយ​ជាកន្លែងដែលមានស្រីស្នំជាង ៣០០០ នាក់

Shogun ត្រូវ​បាន​ជ្រើសរើសជាអ្នកស្នងតំណែងម្នាក់ ដូច្នេះ​គេ​សាងសង់វិមាន ដែលជាកន្លែងសម្រាប់ស្រីស្នំរបស់ Shogun រស់​នៅ។ ហាក់ដូចជា Shogun នៅ​ជា​មួយ​ស្រីស្អាតច្រើនគឺល្អ ប៉ុន្តែផ្ទុយទៅវិញមិនមែនល្អទាំងអស់ឡើយ។ ចូរស្វែងយល់អំពីដំណាក់​ក្រោយ ដែលជាកន្លែងសម្រាប់ស្រីស្នំជាង ៣០០០ នាក់ និងវិន័យតឹងរឹងនៅទីនោះ។

ត្រកូល​ Tokugawa សម័យអេដូបានកសាងយុគសម័យសន្តិភាពមានរយៈពេលជិត ៣០០ ឆ្នាំដែលជាយុគសម័យចុង​ក្រោយនៃ​សាមូរ៉ៃ។ Tokugawa ជាត្រកូលសាមូរ៉ៃដែលមានអំណាចបំផុតបន្តកូនចៅគ្រប់គ្រងរហូតដល់ជំនាន់​ទី ១៥ ។ ការជ្រើសរើសអ្នកស្នង Shogun បន្ទាប់ជារឿងសំខាន់ណាស់។

នៅសម័យនោះផ្នែកវេជ្ជសាស្រ្តមិនទាន់អភិវឌ្ឍនៅឡើយទេ ដូច្នេះកុមារងាយនឹងស្លាប់មុនពេលពួកគេធំដឹងក្តី។ លើសពីនេះទោះបីជាអ្នកស្នងមរតកមានតែម្នាក់ ប៉ុន្តែកូនៗផ្សេងទៀតរបស់ Shogun ក៏អាចពង្រីកអំណាចតាម​រយៈ​អាពាហ៍​ពិពាហ៍​ជាមួយត្រកូលអភិជនផងដែរ។

សាមូរ៉ៃដែលមានឥទ្ធិពល

ការជ្រើសរើសអ្នកស្នងជារឿងសំខាន់ណាស់ ដូច្នេះ Shogun ត្រូវមានកូនកាន់តែច្រើនកាន់តែល្អ។ ដូច្នេះដំណាក់ក្រោយ (大奥 Oo oku) ត្រូវបានបង្កើតឡើង។

នៅសម័យរុងរឿងដំណាក់ក្រោយមានស្រីស្នំជាង ៣០០០ នាក់ មានបុរសតែពីរនាក់នោះគឺ Shogun និងគ្រូពេទ្យផ្ទាល់ខ្លួនរបស់លោកត្រូវបានអនុញ្ញាតអោយចូល។ តើជីវិតដែលត្រូវហ៊ុំព័ទ្ធដោយនារីស្រស់ស្អាតមកពីគ្រប់ទិស​ទី​ទូទាំង​ប្រទេសជប៉ុនពិតជាមានក្តីសុខដែរទេ?

មិនមែនចូលបានគ្រប់ពេលនោះទេ

ទោះបីជា Shogun ក៏មិនមែនពេលណាចង់ចូលដំណាក់សុទ្ធតែបាននោះទេ។ នៅពេល Shogun និងសាច់ញាតិមុនទទួលមរណៈភាព នោះ Shogun ត្រូវតមមិនបរិភោគ និងងូតទឹកមុនហើយមិនត្រូវបានអនុញ្ញាតឲ្យចូលដំណាក់ក្រោយ។ ដូច្នេះ​ពួក​គេ​ត្រូវបានអនុញ្ញាតឲ្យចូលដំណាក់​ក្រោយ​ប្រហែល ១០ ថ្ងៃក្នុងមួយខែប៉ុណ្ណោះ។ ទោះជាយ៉ាងណាអាចនៅជាមួយស្រីស្អាតរយៈពេល ១០ ថ្ងៃក្នុងមួយខែក៏ធ្វើឲ្យមនុស្សជាច្រើនច្រណែនដែរមែនទេ?

ពេលឡើងគ្រែនៅតែត្រូវគេឃ្លាំមើល

នៅពេល Shogun ឡើងគ្រែជាមួយស្រីស្អាតដែលលោកជ្រើសរើស។ ទោះជាយ៉ាងណា នៅលើគ្រែ Shogun មានភួយពីរ ហើយមនុស្សម្នាក់ដែលមិនបានអញ្ជើញនឹងចូលដេកជាមួយ។

Shogun ក៏គ្រាន់តែជាបុរសធម្មតាម្នាក់ ដូច្នេះគាត់ងាយនឹងធ្វើតាមសំណូមពររបស់នារីដែលគាត់ស្រឡាញ់។ រឿងដែលនារីទាមទារចំពោះបុរសគ្មានអ្វីចម្លែកឡើយ ប៉ុន្តែបារម្ភថារឿងនោះប៉ះពាល់ដល់ការសម្រេចចិត្តនយោបាយរបស់ Shogun ។

ដើម្បីប្រាកដថាស្រីស្អាតមិនស្នើរសុំអ្វីដែលគួរឲ្យ​សង្ស័យ មានស្រ្តីម្នាក់ដេកចាំឃ្លាំមើលក្នុងភួយក្បែរ Shogun និងមនុស្សស្រីដែលដេកជាមួយលោក។

ខ្មោចលង

នៅពេលដែលទទួលបានក្តីស្រលាញ់របស់ Shogun ស្ត្រីមានសំណាងនោះនឹងមានឱកាសក្លាយជាម្តាយអ្នកស្នងបើនាង​កើតបានកូនប្រុស។ មនុស្សជាច្រើនស្លាប់ក្នុងកំហឹង ភាពច្រណែន និងការឃុបឃិតគ្នាក្នុងដំណាក់ក្រោយ កន្លែង​ដែលស្រ្តីដណ្តើមអំណាចគ្នាទៅវិញទៅមក។ នោះហើយជាមូលហេតុដែលមានរឿងខ្មោចរាប់មិនអស់ក្នុងដំណាក់។

ដោយសារជីវិតបែបនោះធ្វើឲ្យ Shogun ខ្លះខ្លាចស្រ្តី រហូតដល់ថ្នាក់ Shogun មួយចំនួនថែមទាំងចូលចិត្តបុរស។

ដូចជា Shogun ជំនាន់ទី ៣ Tokugawa Iemitsu ចូលចិត្តបុរស។ គេនិយាយថាលោកណាត់ជួបប្រុសក្មេង ៦០ នាក់។ ទោះជាយ៉ាងណាក៏ដោយ មនុស្សនៅជុំវិញមានការព្រួយបារម្ភយ៉ាងខ្លាំង ព្រោះនឹងមិនមានអ្នកស្នងមរតកទេ ដូច្នេះពួកគេប្រញាប់ប្រញាល់រៀបចំដំណាក់សម្រាប់គាត់។

ពិតជាមិនត្រូវទេដែល Shogun គិតថាខ្លួនជាមនុស្សមានអំណាចចង់ធ្វើអ្វីតាមអំពើចិត្ត។ ប្រហែលជាមានអំណាចពេក​ធ្វើឲ្យបាត់បង់ភាពរីករាយ។

Kengo Abe