Maybelline និង Furifu សហការដាក់បង្ហាញ Yukata តាមបែបបុរាណ និងទំនើប

ថ្ងៃសៅរ៍ 29/05/2021 | 14:37 ល្ងាច

កាលពីពេលថ្មីៗនេះ Maybelline និង Furifu បានសហការគ្នាដាក់បង្ហាញ Yukata បែប Retro-modern (ភាពអាឡោះអាល័យ – សម័យទំនើប) ។

រូបភាព https://soranews24.com/2021/05/25/maybelline-and-furifu-release-a-retro-modern-traditions-of-japan-yukata-collection/

ម៉ាកគ្រឿងសំអាង Maybelline និងយីហោសម្លៀកបំពាក់បែបបុរាណជប៉ុន Furifu បានសហការគ្នាបញ្ចេញឈុតសម្លៀកបំពាក់ Yukata ដែលលាយបញ្ចូលគ្នារវាងដង្ហើមបុរាណ និងទំនើប។ ការរចនាថ្មីទាំង ៦ ត្រូវបានដាក់បង្ហាញកាលពីថ្ងៃទី ១៨ ខែឧសភានៅហាង Furifu ។

ឈុត Yukata ចំនួន ៦ នេះត្រូវបានរចនាឡើងស្របតាមពណ៌ក្រែមលាបមាត់ទាំង ៦ របស់ Supper Stay Matte Ink ដែលជាទីពេញនិយមរបស់ Maybelline តំណាងអោយពណ៌ប្រពៃណីជប៉ុន។ ពណ៌ទាំងនោះរួមមាន Walnut (胡桃色), Pomegranate (柘榴色), Crimson – ពណ៌ក្រហមជាំ (茜色), Daybreak (東雲色), Light Crimson (薄紅色) និង Apricot (杏色) ។

ឈុតសម្លៀកបំពាក់ទាំងនោះនាំមកនូវអារម្មណ៍ខុសៗគ្នានៃរដូវក្តៅរបស់ជប៉ុន ភាពរីករាយ និងថាមពលរបស់ញូវយ៉ក។

១. ពណ៌ក្រែម៖ Daybreak (#130)/ Yukata: Love lip

Yukata ទីមួយក៏ជាឈុតកម្រ រីឯ Love Lip គឺជាឈុត Yukata ចំនួនមានកំណត់ដែលរួមបញ្ចូលគ្នារវាង Maybelline និង Furifu ។ អ្នករចនាម៉ូដ Furifu បង្កើតលំនាំទាំងច្បាស់ស្អាតសមនឹងពណ៌ក្រែម Daybreak តែម្តង។ Love Lip មានកំណត់ត្រឹម ១០ ឈុតសម្រាប់លក់អនឡាញ។

២. ពណ៌ក្រែម៖ Crimson (#117). Yukata: Anemone Flowers

ពណ៌ក្រែម Crimson សាកសមនឹងពណ៌ក្រហមរស់រវើក និងឆ្នូតពណ៌ខ្មៅបុរាណ។

៣. ពណ៌ក្រែម៖ Light Crimson(#175), Yukata: Bibbibi Ribbon

ផ្កាលីលី ផ្កា Hydrangea និងផ្កា Carnation ឆ្លាស់ជាមួយខ្សែបូរឈុត Yukata បង្ហាញពីភាពរូ៉មែនទិចសម័យ Taisho (១៩១២-១៩២៦) ។

៤. ពណ៌ក្រែម៖ Pomegranate (#80), Yukata: Camellia Aubergine

ការរចនាផ្កាតែសនៅលើផ្ទៃខាងក្រោយពណ៌បៃតងចាស់នាំមកនូវភាពស្រស់ស្អាត និងត្រជាក់ភ្នែក។

៥. ពណ៌ក្រែម៖ Apricot, Yukata: Flowers và Anmitsu

Anmitsu គឺជាបង្អែមបែបប្រពៃណីរបស់ជប៉ុនដែលផលិតចេញពីចាហួយ Agar ស្រោប Anko, Siro និងផ្លែឈើ (រួមទាំងផ្លែប៉េះ) ។ ពណ៌លឿងចែងចាំងនៃឈុត Yukata នេះផ្សំជាមួយនឹងលំនាំផ្កា Peony ផ្ការំយោល និងផ្កាវល្លិ។