មជ្ឈមណ្ឌលវេជ្ជសាស្ត្រ Itako សុំទោសចំពោះការដាក់ចេញនូវគោលការណ៍ “កុំបរិភោគជាមួយជនបរទេស”

ប្រទេសជប៉ុនដាក់ចេញនូវវិធានការណ៍ “ប្លែក” ជាច្រើនដើម្បីដោះស្រាយស្ថានភាពរីករាលដាលនៃជំងឺកូវដ-១៩ ។ ឧទាហរណ៍ដូចជា​ហាម​មិនឱ្យស្រែកពេលកំពុងលេងល្បែងរថភ្លើងហោះ និងចែកផ្លិតប្រពៃណីនៅភោជនីយដ្ឋានសម្រាប់បាំងមាត់។

ប៉ុន្តែកាលពីថ្ងៃទី ១៩ និង ២០ ឧសភា មជ្ឈមណ្ឌលវេជ្ជសាស្ត្រទីក្រុង Itako ខេត្ត Ibaraki របស់ជប៉ុនដាក់ចេញនូវ​គោល​ការណ៍​ណែ​នាំ​មិនជាទីពេញចិត្តបំផុតថា៖ កុំបរិភោគជាមួយជនបរទេស។

រូបភាពតំណាង https://gentosha-go.com/articles/-/28797

ដូច្នេះមជ្ឈមណ្ឌលវេជ្ជសាស្ត្រ Itako ផ្ញើឯកសារផ្តាំផ្ញើដែលមានខ្លឹមសារខាងលើតាមរយៈអុីម៉ែល សំដៅលើ​កសិករ​ដែលមានទំនាក់ទំនងជាមួយពលករបរទេស។ សហករណ៍កសិកម្មក្នុងស្រុកក៏ដូចជារដ្ឋាភិបាលក្រុងខេត្ត Ibaraki សុទ្ធតែទទួលបានសារក្រើនរំលឹក។

សារក្រើនរំលឹកលើកឡើងថា៖ “ប្រសិនបើអ្នកនិយាយជាមួយជនបរទេសចូរពាក់ម៉ាស ហើយមិនគួរបរិភោគជាមួយពួក​គេ។ មានអ្នកជំងឺឆ្លងវីរុសប្រភេទថ្មីច្រើនដែលគេសង្ស័យថាចម្លងមកពីជនបរទេស” ។

រូបភាព https://www3.nhk.or.jp/lnews/mito/20210521/1070013156.html

យោងតាមមជ្ឈមណ្ឌលវេជ្ជសាស្ត្រ Itako ជនបរទេសជាប្រភពចម្បងនៃការចម្លងជំងឺកូវីដ-១៩ នៅក្នុងតំបន់។

បន្ទាប់ពីព័ត៌មាននេះត្រូវបានបញ្ចូនទៅមន្ត្រីសុខាភិបាលក្នុងតំបន់បានទទួលស្គាល់ខ្លឹមសារមិនសមរម្យ។ នៅថ្ងៃ​ទី ២១ ខែឧសភាពួកគេដកការក្រើនរំលឹកខាងលើ ហើយសុំទោសចំពោះកំហុសនេះ។

មជ្ឈមណ្ឌលវេជ្ជសាស្ត្រ Itako និយាយថាពួកគេ៖ “គ្មានចេតនារើសអើងជនបរទេសទេ” ហើយសុំអភ័យទោសចំពោះ “ការ​ប្រើ​ពាក្យ​សំដីខុស” ។

AD