អ្នកច្នៃម៉ូដសំលៀកបំពាក់ល្បីនៅលើពិភពលោក Koshino Junko ទទួលបានមេដាយ “Legion of Honor”

កាលពីពេលថ្មីៗនេះអ្នកច្នៃម៉ូដសំលៀកបំពាក់ល្បីឈ្មោះនៅលើពិភពលោក លោកស្រី Koshino Junko បានទទួលពានរង្វាន់​កិត្តិយសខ្ពង់ខ្ពស់បំផុតរបស់បារាំងគឺ “Legion of Honor” ។

ឯកអគ្គរដ្ឋទូតបារាំងប្រចាំនៅប្រទេសជប៉ុនលោក Philippe Setton បានប្រគល់មេដាយជូនលោកស្រី Koshino ក្នុង​ពិធីដែលប្រារព្ធធ្វើនៅនិវេសនដ្ឋានរបស់លោកក្នុងទីក្រុងតូក្យូកាលពីថ្ងៃទី ១៨ ឧសភា។

រូបភាព https://newsonjapan.com/

លោកស្រី Koshino បានទទួលកិត្តិយសមួយក្នុងចំណោមរង្វាន់ទាំង ៥ ចំពោះការចូលរួមចំណែករបស់លោកស្រីក្នុងការផ្លាស់ប្តូរវប្បធម៌រវាងជប៉ុន និងបារាំង។

ប្រវត្តិរបស់លោកស្រី Koshino ទីកន្លែងកំណើតនៅ Osaka ភាគខាងលិចប្រទេសជប៉ុន។ លោកស្រីធ្លាប់បង្ហាញស្នា​ដៃ​របស់ខ្លួនលើកដំបូងនៅទីក្រុងប៉ារីសឆ្នាំ ១៩៧៨ ។ ចាប់តាំងពីពេលនោះលោកស្រី Koshino រៀបចំកម្មវិធីបង្ហាញ​ម៉ូតនៅតំបន់ជាច្រើនទូទាំងពិភព​លោក។

លោកស្រីក៏បានចូលរួមក្នុងការរចនាផលិតផលផ្សេងជាច្រើនទៀត លើកកម្ពស់វប្បធម៌ជប៉ុនយ៉ាងសកម្មទៅកាន់បរទេស។

រូបភាព Tokyo Girl Updates

នៅក្នុងពិធីប្រគល់រង្វាន់ឯកអគ្គរដ្ឋទូត Setton បានថ្លែងថាលោកស្រី Koshino ដើរតួជាស្ពានភ្ជាប់ទំនាក់ទំនងជប៉ុន – បារាំងដោយផលិតផល និងបុគ្គលិកលក្ខណៈដ៏ល្អរបស់លោកស្រី។

បន្ទាប់ពីបញ្ចប់កម្មវិធីលោកស្រី Koshino បានអោយដឹងថាខ្លួនមានអារម្មណ៍ថាមានកិត្តិយស និងសប្បាយរីក​រាយ​ណាស់ដែលបានទទួលមេដាយ ក៏ដូចជាអារម្មណ៍ជម្រុញទឹកចិត្តបន្តការងាររបស់ខ្លួន។ លោកស្រី Koshino បង្ហាញ​អារម្មណ៍កោតសរសើរចំពោះទីក្រុង​ប៉ារីស និងមិត្តភក្តិជនជាតិបារាំងដ៏ពិសេស។ គាត់សង្ឃឹមថានឹងបន្តលើក​កម្ពស់​ការផ្លាស់ប្តូរវប្បធម៌រវាងជប៉ុន និងបារាំងលើវិស័យផ្សេងទៀតក្រៅពីម៉ូដសម្លៀកបំពាក់។

Yuki

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: