តំណាលរឿង Seimei Abe ដែល​ចារឹក​ក្នុង​ឯកសារ​ប្រវត្តិ​​សាស្ត្រ​​របស់​ជប៉ុន

នៅសម័យ Heian ខណៈពេលដែលវណ្ណៈអភិជនរីករាយនឹងជីវិតសុខស្រួល ហើយក៏ជាយុគសម័យនៃអំពើពុករលួយនយោបាយ​ដែរ។ ប្រជាជនភ័យខ្លាច រឿងអាក្រក់កើតឡើងគ្រប់ទីកន្លែងជាឳកាសល្អសម្រាប់ពួកបិសាចធ្វើតាមអំ​ពើ​ចិត្ត។ កាលនោះមានពាក្យចចាមអា​រាម​ថា ​ពួក​បិសាច​កើត​ឡើង​ច្រើន​នៅ Heian-kyo ដែលសព្វថ្ងៃគឺ Kyoto ។

បុរសម្នាក់រស់ក្នុងសម័យច្របូកច្របល់នោះមានឈ្មោះថា Seimei Abe គាត់កើតឆ្នាំ ៩២១ ដែលត្រូវគេចាត់ទុកជា Yin-Yang Master (Onmyoji) លេខ ១ របស់ជប៉ុន។ Yin-Yang Master គឺជាគ្រូសីល៍របស់ជប៉ុន។

Yin-Yang Master មានសមត្ថភាពកោះហៅបិសាច កម្ចាត់ខ្មាំងសត្រូវ និងដោះស្រាយបញ្ហា។

ក្នុងសម័យកសិកម្មពឹងផ្អែកទាំងស្រុងទៅលើធម្មជាតិ ប្រសិនបើមេឃមិនភ្លៀង វាលស្រែនឹងរីងស្ងួតបង្កឱ្យមានគ្រោះទុរភិក្សយ៉ាងខ្លាំង។ លើសពីនេះ ដោយសារកង្វះការថែទាំសុខភាព និងអនាម័យ ដូច្នេះនៅពេលមានជំងឺរាត​ត្បាត​មិន​ងាយទប់ទល់បានឡើយ។ នៅពេលនោះប្រជាជននឹងពឹងផ្អែកលើ Yin-Yang Master ។

Yin-Yang Master ជួយប្រជាជន ប៉ុន្តែក្រោមបង្គាប់របស់អធិរាជ ដូច្នេះអាចចាត់ទុកពួកគេជាមន្រ្តីប្រើមន្តអា​គម។

ក្នុងចំណោម Yin-Yang Master នាពេលនោះ Seimei Abe ត្រូវចាត់ទុកជាអ្នកកាន់អំណាចធំបំផុត។ កេរ្តិ៍ឈ្មោះរបស់​​លោកត្រូវបានកត់ត្រាក្នុងឯកសារប្រវត្តិសាស្រ្តផ្សេងៗគ្នា ដែលរួមទាំងកំណត់ប្រវត្តិរបស់អធិរាជ ដូច្នេះត្រូវបាន​​​គេ​អះ​អាងថា​ជាតួអង្គពិត។ លើសពីនេះសមត្ថភាពរបស់លោកត្រូវបានទទួលស្គាល់ដោយអធិរាជផងដែរ។

សេចក្តីពន្យល់អំពីប្រភពដើមនៃកម្លាំងអំណាចរបស់ Seimei Abe អាចផ្អែកទៅលើរឿងរ៉ាវកំណើតរបស់តួអង្គនេះ។

នៅពេលឪពុករបស់លោក Seimei Abe ឈ្មោះ Abeno Yasuna ទៅប្រាសាទដែលគេហៅថា Shinoda Myojin គាត់ប្រទះឃើញសត្វកញ្ជ្រោងសត្រូវគេដេញតាមប្រមាញ់។ លោក Abeno Yasuna ជួយសត្វកញ្ជ្រោងរត់គេចខ្លួន ភ្លាមៗ​នោះសត្វកញ្ជ្រោងប្រែក្លាយជាស្រ្តីម្នាក់។ Seimei Abe ដែលជាកូនប្រុសរបស់លោក Abeno Yasuna និងស្រ្តីម្នាក់​នោះ។

នៅប្រទេសជប៉ុនសត្វកញ្ជ្រោងត្រូវគេចាត់ទុកជាសត្វដែលសក្តិសិទ្ធិ មិនត្រឹមតែប៉ុណ្ណឹងកញ្ជ្រោងសមានកន្ទុយច្រើនជាតំណាងទេវតា។ ដោយសារទទួលបានកម្លាំងអំណាចពីម្តាយ ដូច្នេះលោកមានកម្លាំងពិសេសក៏ជារឿងធម្មតា។ Seimei Abe អាចកោះហៅព្រលឹងតាមរយៈក្រដាសរូបមនុស្ស។

នៅក្យូតូមានទីសក្ការៈគោរពបូជា Seimei Abe ដែលហៅថា Seimei-jinja ។ ប្រាសាទនេះត្រូវបានកសាងក្រោម​បញ្ជា​របស់អធិរាជ ដើម្បីគោរពដល់សមិទ្ធិផលដ៏អស្ចារ្យរបស់ Seimei ក្នុងឆ្នាំ ១០០៧ ។ ប្រាសាទត្រូវបាន​សាង​សង់តាម​ទិស​ដែលមានពន្លឺព្រះអាទិត្យ ពាក្យចចាមអារាមនិយាយថា កម្លាំងរបស់ Seimei នៅតែខ្លាំងក្លា។

រូបភាព https://intojapanwaraku.com/culture/84679/

សូមទស្សនាវីដេអូខាងក្រោម។

អ្នកអាចមើលឃើញសញ្ញាដែលមានរាងផ្កាយនៅគ្រប់ទីកន្លែងក្នុងតំបន់។ ពួកវាត្រូវបានគេហៅថា Seimeimon, Gobosei និង Seyman ជាខែលដ៏រឹងមាំ។

ក្រៅពីនេះមានស្ពានមួយគេហៅថា Modoribashi នៅជិតប្រាសាទនេះ។ រឿងនិទានតំណាលថា Seimei Abe ប្រើអំណាច​ខ្លាំងក្លារបស់ខ្លួននៅទីនោះ។

ប្រភពដើមនៃឈ្មោះស្ពានមានមុនសម័យ Seimei Abe ទៅទៀត នៅពេលលោកប្រញាប់ប្រញាល់ត្រឡប់ទៅផ្ទះព្រោះ​ឮ​ដំណឹងឪពុកទទួលមរណភាព ស្រាប់តែប្រទះឃើញពិធីបុណ្យសពនៅលើស្ពាន។ លោកសូត្រធម៌ធ្វើឱ្យមនុស្សស្លាប់​រស់​ឡើង​វិញ​ហើយនិយាយជាមួយគេ។

រហូតដល់សម័យរបស់ Seimei Abe ឪពុករបស់គាត់ត្រូវមនុស្សប្រព្រឹត្តអំពើអាក្រក់ម្នាក់ឈ្មោះ Ashiya Doman សម្លាប់នៅ​លើ​ស្ពាន​នោះ។ តំណាលរឿងនិយាយថា Seimei Abe សូត្រធម៌ហៅព្រលឹងរបស់ឪពុកដោយបង្វែរស្ពាន​ក្លាយជាចំនុចប្រសព្វរវាងពិភពទាំងពីរ។ រឿងព្រេងនិទាននេះត្រូវបានគេជឿថាប្រសិនបើនរណាម្នាក់បាត់​បង់​សាច់​ញាតិ អាចឡើងលើស្ពានផ្តាំផ្ញើពាក្យសម្តីតាមរយៈគំនិត។

តើអ្នកជឿទៅលើរឿងនេះដែរឬទេ?

Kengo Abe