អ្នកចំបាប់ស៊ូម៉ូជប៉ុនដួល​បោក​ក្បាលលើ​សង្វៀនបានទទួល​មរណ​ភាព​បន្ទាប់ពីសម្រាកព្យា​បាល​មួយខែ​

អ្នកចំបាប់ស៊ូម៉ូជប៉ុនបានទទួលមរណភាពក្រោយរយៈពេលសម្រាកព្យាបាលនៅមន្ទីរពេទ្យមួយខែបន្ទាប់ពីជួបគ្រោះ​​ថ្នាក់​នៅលើ​សង្វៀន។ 

យោងតាមវីដេអូថតអ្នកចំបាប់ Hibikiryu អាយុ ២៨ ឆ្នាំ សន្លប់ស្តូកស្តឹងប៉ុន្មាននាទីគ្មាននរណាម្នាក់ជួយ រឿងនេះធ្វើអោយមានការ​រិះ​គន់​យ៉ាង​ខ្លាំង​ពីមូលហេតុគ្មានគ្រូពេទ្យអន្តរាគមន៍។

រូបភាព https://www.dailymail.co.uk/

លោក Mitsuki Amano ត្រូវបញ្ជូនចូលមន្ទីរពេទ្យកាលពីថ្ងៃទី ២៦ ខែមីនា។ សមាគមស៊ូម៉ូជប៉ុនបានអោយដឹង​ថា​លោក Mitsuki Amano បានទទួលមរណភាពដោយសារជំងឺផ្លូវដង្ហើមធ្ងន់ធ្ងរកាលពីថ្ងៃពុធទី ២៨ ខែមេសា។

ត្រឹមតែប៉ុន្មាននាទីបន្ទាប់ពី Hibikiryu សន្លប់ស្តូកស្តឹងគណៈកម្មការព្យាយាមបង្វែរអ្នកចំបាប់បានបង្កើន​ហានិ​ភ័យ​រងរបួសឆ្អឹងខ្នង។ វេជ្ជបណ្ឌិតក្នុងការប្រកួតស៊ូម៉ូមិនអង្គុយនៅលើសង្វៀនញឹកញាប់ឡើយ ជាទម្លាប់ពួកគេរង់ចាំ​អ្នកចំបាប់ក្រោកឡើងដោយខ្លួនឯងបន្ទាប់​ពី​ដួល។

សមាគមស៊ូម៉ូជប៉ុននិយាយថា “មូលហេតុនៃការស្លាប់ និងរបួសរបស់អ្នកចំបាប់គឺមិនទាន់ច្បាស់នៅឡើយទេ” ។ សមាគមបានបន្ថែមទៀតថា “យើងនឹងផ្លាស់ប្តូរដើម្បីធ្វើឱ្យប្រសើរឡើងនូវប្រព័ន្ធសង្គ្រោះបន្ទាន់” ។

មិនធ្លាប់មានរបាយការណ៍ស្តីអំពីអ្នកចំបាប់ស្លាប់ដោយសាររបួសអំឡុងពេលប្រកួតទេ។ ទោះជាយ៉ាងណាគ្រោះថ្នាក់ និង​ប្រព័ន្ធសុខភាពចាំបាច់ត្រូវកែតម្រូវអោយប្រសើរឡើង។

ឧប្បត្តិហេតុខាងលើធ្វើឱ្យសាធារណជនជប៉ុនមានការព្រួយបារម្ភចំពោះសុវត្ថិភាពរបស់អ្នកចំបាប់ស៊ូម៉ូ។ អតីតអ្នកចំបាប់កំពូលធ្លាប់និយាយថាកីឡានេះដូចជា “បទពិសោធទទួលគ្រោះថ្នាក់ចរាចរណ៍រាល់ថ្ងៃ” ។ ចំពោះ​មរណ​ភាព​របស់អ្នកចំបាប់ Hibikiryu បានទទួលមតិរិះគន់យ៉ាងខ្លាំងចំពោះការឆ្លើយតបផ្នែកវេជ្ជសាស្ត្រយឺតយ៉ាវនៃកីឡាប្រពៃណី​មួយ​នេះ។

វេជ្ជបណ្ឌិត Mikito Chinen ម្នាក់និយាយថា “នេះជារឿងដែលខ្ញុំភ័យខ្លាច ខ្ញុំមិនជឿទៅលើភ្នែកខ្លួនឯង អ្នកចំបាប់​រូបនោះមានអត្រារងរបួសឆ្អឹងខ្នងខ្ពស់ ជាពិសេសនៅពេលដែលគ្មានជំនួយសង្គ្រោះបន្ទាន់ពីអ្នកមានបទពិសោធ” ។

រូបភាព https://www.dailymail.co.uk/

អ្នកព្យាបាលផ្នែកចាក់ម្ជុលវិទ្យាសាស្ត្រ និងម៉ាស្សាឈ្មោះ Hideo Ito មានបទពិសោធព្យាបាលអ្នកចំបាប់ស៊ូម៉ូអស់​រយៈ​ពេល​ពីរទសវត្សរ៍មានប្រសាសន៍ថា “អ្នកចំបាប់ Hibikiryu អាចរងរបួសឆ្អឹងខ្នងនៅពេលគាត់ដួលបោកក្បាល” ។

Hideo Ito បានបន្តទៀតថា “គាត់គឺជាអ្នកចំបាប់ដ៏អស្ចារ្យម្នាក់ដែលតែងតែបង្ហាញស្នាមញញឹម និងយកចិត្តទុក​ដាក់​ចំពោះ​អ្នក​ដទៃ” ។

ប្រធានសមាគមស៊ូម៉ូជប៉ុនផ្ញើសារចូលរួមរំលែកទុក្ខដល់ក្រុមគ្រួសាររបស់លោក Mitsuki Amano ចំពោះការ​លា​ចាក​​ដ៏​ក្រៀម​ក្រំ។

សមាជិកទាំងអស់នៃសមាគមសូមចូលរួមរំលែកទុក្ខដ៏ក្រៀមក្រំបំផុត គាត់បានប្រយុទ្ធដូចជាអ្នកចម្បាំងម្នាក់។ 

Japo Cambodia