ផូស៊ីលដាយណូស័រប្រភេទថ្មីត្រូវបានរកឃើញនៅលើកោះ Awaji ប្រទេសជប៉ុន

កាលពីថ្ងៃទី ២៧ ខែមេសាអ្នកវិទ្យាសាស្រ្តជប៉ុនបានសន្និដ្ឋានថាឆ្អឹងផូស៊ីលនៅលើកោះភាគខាងលិចប្រទេស​ជប៉ុន​ជា​របស់​ដាយ​ណូ​ស័រ​​ប្រភេទ​ថ្មី។

រូបភាព https://www.nippon.com/

ឆ្អឹងផូស៊ីលនៃថ្គាមក្រោម ស្មា និងផ្នែកផ្សេងទៀតត្រូវបានរកឃើញដោយអ្នកប្រមូលផ្ដុំផូស៊ីលស្ម័គ្រចិត្តក្នុងស្រុកឈ្មោះ Shingo Kishimoto ពីស្រទាប់ថ្មដែលកកើតឡើងប្រហែលជា ៧២ លានឆ្នាំមុននៃចុងសម័យ Cretaceous នៅ​ទីក្រុង Sumoto លើកោះ Awaji ក្នុងខេត្តភាគខាងលិចកាលពីខែឧសភាឆ្នាំ ២០០៤ ។ 

រូបភាព https://www.nippon.com/

ប្រភេទថ្មីនេះត្រូវបានគេដាក់ឈ្មោះថា Yamatosaurus izanagii បើយោងតាមអត្ថបទចុះផ្សាយតាមប្រព័ន្ធទស្សនាវដ្តី​អនឡាញ Scientific Reports របស់អង់គ្លេស។ Izanagi គឺជាអាទិទេពក្នុងទេវកថារបស់ជប៉ុនដែលមានទំនាក់ទំនងយ៉ាងស្និទ្ធស្នាលជាមួយកោះ​នេះ។

ក្រុមអ្នកវិទ្យាសាស្ត្រដែលដឹកនាំដោយសាស្រ្តាចារ្យ Kobayashi Yoshitsugu នៅសកលវិទ្យាល័យ Hokkaido បានធ្វើការវិភាគបន្ថែម ហើយសន្និដ្ឋានថាគ្រោងឆ្អឹងផូស៊ីលជារបស់ពពួកសត្វដាយណូស័រថ្មី Hadrosauridae (ប្រភេទ​ដាយ​ណូស័រជំពូទា) ។

រូបភាព https://www.nippon.com/

គំរូផូស៊ីលដំបូងនៃប្រភេទសត្វនេះត្រូវបានគេរកឃើញមានប្រវែងពី ៧ ទៅ ៨ ម៉ែត្រ និងទម្ងន់ពី ៤ ទៅ ៥ តោន។

សាស្ត្រាចារ្យ Kobayashi បាននិយាយថាគាត់នឹងធ្វើការស្រាវជ្រាវបន្ថែមទៀត ដើម្បីសិក្សាលំអិតអំពីផលប៉ះពាល់បរិស្ថានចំពោះការវិវត្តរបស់ដាយណូស័រ។

Japo Cambodia

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: