គ្រាន់តែលាងមុខ ១០ នាទីជារៀងរាល់ថ្ងៃជួយអោយស្រ្តីជប៉ុនរក្សាសម្រស់បានយូរ

ដើម្បីទទួលបានសុខភាពស្បែកមុខស្អាត អ្នកត្រូវចំណាយពេលថែរក្សាស្បែកមុខ។ ភាគច្រើនស្រ្តីជនជាតិជប៉ុន​យក​ចិត្តទុកដាក់ជាពិសេសទៅលើជំហាននៃការលាងសម្អាតមុខ ជួយអោយស្បែកស្អាត និងរលោង។ វិធីលាងសម្អាតមុខត្រឹមរយៈពេល ១០ នាទីមាន ៣ ជំហានសាមញ្ញបំផុត។

រូបភាព https://brightside.me/

ជាទូទៅជនជាតិអាសុីប្រើវិធីលាងសម្អាតមុខ ៤-២-៤ ដោយបែងចែកដំណាក់កាលទៅតាមពេលវេលាជាក់លាក់។

១. លាងសម្អាតស្បែកជាមួយនឹងប្រេងសម្អាតគ្រឿងសំអាងរយៈពេល ៤ នាទី។

២. ប្រើក្រែមលាងសម្អាតមុខក្នុងរយៈពេល ២ នាទី។

៣. ជំហានចុងក្រោយលាងមុខរបស់អ្នកជាមួយទឹករយៈពេល ៤ នាទី។

អ្នកជំនាញបានអោយដឹងថាប្រសិនបើអ្នកប្រើវិធីសម្អាតបែបនេះ អ្នកមិនចាំបាច់លាងមុខនៅពេលព្រឹកទេ គ្រាន់​តែ​លាងមុខនៅ​ពេល​យប់។ លើសពីនេះអ្នកមិនចាំបាច់លាងមុខរាល់ថ្ងៃនោះទេ គ្រាន់តែលាង ៤ ដងក្នុងមួយសប្តាហ៍គឺគ្រប់គ្រាន់ហើយ។

លាងសម្អាតស្បែកជាមួយនឹងទឹកសម្អាតគ្រឿងសំអាងរយៈពេល ៤ នាទី

រូបភាព https://brightside.me/

សម្អាតស្បែក ហើយម៉ាស្សារយៈពេល ៤ នាទីដោយប្រើប្រេងសម្អាតគ្រឿងសំអាងអាចធ្វើឱ្យឈាមរត់បានល្អ ជួយអោយ​ស្បែក​ទន់ បង្រួមរន្ធញើស។ អ្វីដែលសំខាន់ជ្រើសរើសប្រេងសាកសមនឹងស្បែករបស់អ្នក ប្រសិនបើស្បែកឡើងកន្ទួល​ឬអាឡែរហ្សីគួរតែរំលងជំហានមួយនេះ។

ប្រើក្រែមលាងសម្អាតមុខក្នុងរយៈពេល ២ នាទី

រូបភាព https://brightside.me/

បន្ទាប់ពីម៉ាស្សាមុខ លាបក្រែមលាងសម្អាតមុខបន្តិចលើស្បែក។ យោងទៅតាមអ្នកជំនាញការប្រើក្រែម​លាង​សម្អាត​ជំនួស​ដោយ​ប្រភេទ​​ពពុះ​ឬ​ជែល​នឹងមិនធ្វើអោយស្បែកស្ងួត។

សម្អាតស្បែកមុខក្នុងរយៈពេល ២ នាទីដោយចលនាថ្នមៗដើម្បីកុំអោយប៉ះពាល់ស្បែក។

លាងមុខជាមួយទឹករយៈពេល ៤ នាទី

រូបភាព https://brightside.me/

ចាប់ផ្តើមលាងមុខរបស់អ្នកជាមួយទឹកក្តៅរយៈពេល ២ នាទី ន្ទាប់មកលាងជាមួយទឹកត្រជាក់រយៈពេល ២ នាទី។ ទឹកក្តៅឧណ្ឌៗអាច​លាង​សម្អាត​ប្រេងដែលនៅលើស្បែក បង្កើនចលនាឈាមលើផ្ទៃមុខ រីឯទឹកត្រជាក់អាចរឹតបន្តឹង​រន្ធញើស។

វិធីសាស្ត្រនេះជួយផ្តល់សំណើមដល់ស្បែក ដូច្នេះក្រោយពេលលាងសម្អាតស្បែកមុខភ្លឺរលោង និងមានសុខភាពល្អ។

តើអ្នកមានគន្លឹះអ្វីជួយអោយស្បែករបស់អ្នកស្អាតដែរឬទេ? សូមចែករំលែកអោយអ្នកទាំងអស់គ្នាបានដឹងផង។

AD