ម៉ូឌែលពិតសម្តែងនឹងម៉ូឌែលនិម្មិតក្នុងវីដេអូផ្សាយពាណិជ្ជកម្មមើលមិនដឹងនរណាមនុស្សពិតនោះទេ

នៅក្នុងប្រទេសជប៉ុនទំនោរដែលបាន និងកំពុងពេញនិយមគឺម៉ូឌែលនិម្មិត។ ទាំងម៉ូឌែលប្រុសស្រីត្រូវបានបង្កើតឡើង​ដោយ​កម្មវិធី​ក្រាហ្វិច CG ចូលរួមក្នុងគម្រោងផ្សាយពាណិជ្ជកម្មពិត និងទទួលបានចំនួនអ្នកគាំ​ទ្រ​ជា​ច្រើន។

ថ្មីៗនេះម៉ូឌែលនិម្មិតទាំងពីររូបឈ្មោះ Imma និង Ria សហការជាមួយម៉ូឌែល “android” Saori (Saori គឺជាមនុស្សពិត​ដែលធ្លាប់ធ្វើត្រាប់តាម Idol CG ដ៏ល្បីគឺ Saya-chan ធ្វើឱ្យមនុស្សគ្រប់គ្នាភ្ញាក់ផ្អើលដោយសារតែសម្រស់របស់នាង) ក្នុងការផ្សាយពាណិជ្ជកម្មគ្រឿងសំអាងយីហោ Kate ។ ផលិតផលត្រូវបានផ្សព្វផ្សាយគឺ Real Cover Liquid foundation ។ នេះជាលើកទី ២ ហើយដែល Imma សហការជាមួយយីហោនេះ។

ចំណងជើងឈុតខ្លីងផ្សាយពាណិជ្ជកម្មនេះគួរឱ្យចាប់អារម្មណ៍ណាស់ Real/Unreal (ពិត/មិនពិត) ។

វីដេអូផ្សាយពាណិជ្ជកម្មរយៈពេល ៣០ វិនាទីរួមជាមួយម៉ូឌែលស្រី ៣ នាក់ស្លៀកពាក់ឈុតខ្មៅដ៏ប្រណិត ឥរិយា​បថ​សមរម្យ និង​ថ្លៃ​ថ្នូរ។ ពេលក្រឡេកមើលដំបូងមិនអាចបែងចែកក្នុងចំណោមនារីទាំង ៣ នាក់ តើនរណាជាមនុស្សពិតនោះទេ។

អ្វីដែលគួរឱ្យចាប់អារម្មណ៍គឺថាខណៈពេលដែល Imma (ម៉ូឌែល CG) ធ្វើចលនាដូចមនុស្សពិត រីឯ Saori (មនុស្សពិត) បែរជាសម្តែងគ្មានអារម្មណ៍មើលទៅដូចជាតុក្កតា។ ទោះយ៉ាងណានោះជាចរិតលក្ខណៈដែលធ្វើអោយកេរ្តិ៍ឈ្មោះ​របស់ Saori ល្បីក្នុងពិភពម៉ូឌែល។

តាំងពីពេលនោះមកឈុតផ្សាយពាណិជ្ជកម្មបានលេចឡើងនូវប្រធានបទមួយ “តើស្បែកនេះពិតឬទេ?” 

ម៉ូឌែល Saori ពន្យល់ក្នុងបទសម្ភាសន៍ជាមួយ Net Lab អំពីឈុតផ្សាយពាណិជ្ជកម្មដោយនិយាយថាកម្មវិធីកែរូប​ថត​លើស្មាតហ្វូនធ្វើឱ្យព្រិលរវាងបន្ទាត់ពិត និងមិនពិត ដូច្នេះអាចធ្វើអោយស្បែកភ្លឺរលោងគ្មានស្នាមជាំ។ ផលិត​ផល​ក្រុមហ៊ុនមានគោលបំណងជួយអោយស្បែករលោងភ្លឺថ្លាដូចជាផលិតផលនិម្មិត។

ជាការពិតណាស់ប្រសិនបើអ្នកមិនធ្លាប់ស្គាល់នារីម៉ូឌែលទាំង ៣ នាក់ក្នុងវីដេអូផ្សាយពាណិជ្ជកម្ម ប្រាកដជាមិន​ដឹងថាមួយណាពិតឬនិមិ្មតឡើយ។

Sacchan