កម្រងរូបភាពធ្វើអោយអ្នកមានការភ្ញាក់ផ្អើលចំពោះប្រទេសជប៉ុន

ថ្ងៃចន្ទ 26/04/2021 | 9:42 ព្រឹក

នៅលើពិភពលោកមានរឿងចម្លែកជាច្រើនដែលមនុស្សយើងមិនអាចដឹង។ ដោយសារភាពរីកចម្រើននៃបច្ចេកវិទ្យា ឥឡូវនេះគ្រាន់តែនៅផ្ទះក៏យើងអាចមើលឃើញពីភាពអស្ចារ្យលើផែនដី និងសកលលោកផងដែរ។

ចំពោះអ្នកដែលមិនធ្លាប់ទៅប្រទេសជប៉ុនឬបានទៅហើយ ប៉ុន្តែមានកន្លែងជាច្រើននៅប្រទេសជប៉ុនដែលអ្នកនៅតែចង់ស្វែងយល់ កម្រងរូបភាពទាំងនេះនឹងធ្វើអោយអ្នកមានការភ្ញាក់ផ្អើលចំពោះប្រទេសជប៉ុន។

១. ស្រមោលភ្នំហ្វូជីមានប្រវែង ២៤ គីឡូម៉ែត្រ

រូបថតរបស់អ្នកថតរូប Kris J B ថតក្នុងឆ្នាំ ២០១២ ។

២. ផ្ទះមានទំហំតូចនៅជប៉ុន

ទន្ទឹមនឹងទេសភាពស្ងប់ស្ងាត់នៅតំបន់ទីក្រុងធំៗក្នុងប្រទេស ជប៉ុនក៏ល្បីមនុស្សច្រើនកុះករដែរ។ ដូច្នេះហើយការរចនាផ្ទះក៏ដើម្បីឆ្លើយតបនឹងភាពខ្វះខាតដីធ្លីផងដែរ។ ប៉ុន្តែនៅតែរក្សាភាពសម្បូរបែបក្នុងផ្ទះដដែល។

៣. ទន្លេដែលគ្របដណ្ដប់ទៅដោយផ្កាសាគូរ៉ា

៤. រូបភាពត្រីហែលក្នុងទឹកលូ

ភាគច្រើនតាមបណ្តាទីក្រុងប្រឡាយបង្ហូរទឹកកខ្វក់ណាស់ ប៉ុន្តែនៅទីក្រុង Shimabara កោះ Kyushu ប្រទេសជប៉ុនប្រឡាយទឹកតាមផ្លូវជាជម្រករបស់ត្រី Koi រាប់រយក្បាល។ ទីជម្រកមិនធម្មតារបស់ត្រីគឺជាផលនៃសកម្មភាពភ្នំភ្លើងនៅលើភ្នំ Unzen ដែលបណ្តាលអោយកើតមានរញ្ជួយដី និងរលកយក្សនៅឆ្នាំ ១៧៩២ ។ គ្រោះមហន្តរាយធម្មជាតិដ៏សាហាវបានសម្លាប់មនុស្ស ១៥,០០០ នាក់ ប៉ុន្តែក៏បានផ្គត់ផ្គង់ប្រព័ន្ធទឹកសាបជាច្រើនផងដែរ។ ទឹកស្អាតចាប់ផ្តើមហូរកាត់បណ្តាញលូនៅក្នុងទីក្រុង ដូច្នេះក្នុងឆ្នាំ ១៩៧៨ អាជ្ញាធរបានសម្រេចប្រលេងត្រី koi ចម្រុះពណ៌ក្រោមប្រឡាយលូដែលមានប្រវែង ១០០ ម៉ែត្រ។

៥. កោះដាច់ស្រយាលនៅជប៉ុន

កោះ Hashima (端島) ឬគេហៅថា Gunkanjima (軍艦島) គឺជាកោះដែលត្រូវគេបោះបង់ចោលនៃ Nagasaki មានចម្ងាយប្រហែល ១៥ គីឡូម៉ែត្រពីទីប្រជុំជនក្រុង។

៦. សត្វចម្លែក Rajang ក្នុងផ្សារទំនើបជប៉ុន

សត្វចម្លែក Rajang ជាសត្វចម្លែកមួយក្នុងចំណោម Monster Hunter World (MHW) ដែលខ្លាំងក្លា និងសាហាវឃោរឃៅ។ តើនឹងទៅជាយ៉ាងណាប្រសិនបើសត្វចម្លែកនេះបង្ហាញខ្លួនក្នុងផ្សារទំនើប?