បុរសជប៉ុនទាំង ៣ រូបសាកពរពោះដើម្បីយល់ពីអារម្មណ៍​ស្រ្តី​មាន​ផ្ទៃ​ពោះ

ក្រុមបុរសជនជាតិជប៉ុន ៣ នាក់សាកល្បងពរពោះដើម្បីទទួលបានបទពិសោធន៍អំឡុងពេលស្រ្តីមានផ្ទៃពោះ ត្រៀម​សម្រាប់​ធ្វើគោលនយោបាយសម្រាលកូន។

កាលពីថ្ងៃទី ៨ ខែមេសាសមាជិកសភាលោក Masanobu Ogura អាយុ ៣៩ ឆ្នាំ លោក Norikazu Suzuki អាយុ ៣៩ ឆ្នាំ និងលោក Takashi Fujiwara អាយុ​ ៣៧ ឆ្នាំ ចូលរួមសាកល្បងធ្វើត្រាប់តាមសភាពតានតឹងផ្នែករាងកាយក្នុងដំណាក់​កាលចុងក្រោយរបស់ស្រ្តីមានផ្ទៃពោះ។

រូបភាព https://mainichi.jp/

បុរសទាំង ៣ នាក់ពាក់អាវមានទម្ងន់ប្រហែល ៧,៣ គីឡូក្រាមក្នុងរយៈពេល ២ ថ្ងៃ ទាំងពេលគេង និងពេលបរិភោគ ដើម្បីយល់ពីអារម្មណ៍របស់ស្ត្រីអំឡុងពេលមានផ្ទៃពោះខែទី ៧ ។ បុរសទាំង ៣ រូបចាប់ផ្តើមពាក់អាវកាលថ្ងៃ​ទី ៨ ខែមេសា ដោយសង្ឃឹមថាអាចយល់ពីបន្ទុកផ្នែករាងកាយ និងការលំបាករបស់ស្រ្តី។

រូបភាព https://www.japantrends.com/

ទន្ទឹមនឹងនេះពួកគេក៏ចង់យកបទពិសោធន៍ផ្ទាល់ខ្លួនទាំងនេះជាឯកសារយោងដើម្បីថ្លឹងថ្លែងវិធានការណ៍ថែទាំស្ត្រីមានផ្ទៃពោះ និងការចិញ្ចឹមបីបាច់កូន។

បន្ទាប់ពីលោក Masanobu Ogura ពាក់អាវពរពោះនិយាយថា៖

“ខ្ញុំយល់ឃើញថាការធ្វើចលនាធម្មតាដូចជាអង្គុយឬក្រោកឈរក្នុងអំឡុងពេលនេះពិតជាពិបាក។ ទម្ងន់កំពុងសង្កត់​មកលើពោះរបស់ខ្ញុំជាទម្ងន់នៃជីវិតថ្មី” ។

រូបភាព https://www.japantrends.com/

ហើយបុរសទាំង ៣ រូបនេះមានបំណងពាក់ “អាវពរពោះ” ក្នុងរយៈពេល ២៤ ម៉ោងរហូតដល់រសៀលថ្ងៃទី ៩ ខែមេសាទាំង​ពេលចូលគេង និងសកម្មភាពប្រចាំថ្ងៃនៅផ្ទះ។

រូបភាព https://www.japantrends.com/

លោកស្រី Karen Makishima ប្រធានគណៈកម្មាធិការយុវជន LDP ជាអ្នកផ្តួចផ្តើមពិសោធន៍នេះបានអោយដឹង​ថា៖

“ទោះបីជាពាក់អាវពរពោះក៏មិនអាចយល់ច្បាស់ពីអារម្មណ៍របស់ស្ត្រីក្នុងពេលមានផ្ទៃពោះទាំងស្រុងដែរ ប៉ុន្តែរឿងនេះចាំ​បាច់​ក្នុង​ការពិចារណាអំពីគោលនយោបាយ” ។

ផ្នែកពោះរបស់អាវមានថង់ទឹកមួយបង្ហាញពីការលូតលាស់របស់ទារកក្នុងផ្ទៃម្តាយ រីឯដើមទ្រូងក៏ធ្វើដូច​ជាសុដន់ដែល​ពោរ​ពេញទៅដោយទឹកដោះគោ​ផងដែរ។

ឧបករណ៍មួយចំនួនដែលដាក់នៅពោះធ្វើឱ្យអ្នកពាក់មានអារម្មណ៍ថាទារកកំពុងធាក់។

បន្ទាប់ពីការសាកល្បងបញ្ចប់ បុរសទាំងបីនាក់នឹងរាយការណ៍ជូនសមាជិកក្រុមអំពីបទពិសោធន៍របស់ពួកគេក្នុងកិច្ច​ប្រជុំ។

AD

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: