ប្រសិនបើអ្នកចំបាប់ស៊ូម៉ូធ្វើធ្លាក់សំពត់ប៉ឹងលើសង្វៀននឹងទៅជាយ៉ាងណា?

ថ្ងៃចន្ទ 19/04/2021 | 15:21 ល្ងាច

នៅប្រទេសជប៉ុនមានវប្បធម៌ពិសេសៗជាច្រើនក្នុងចំណោមនោះមានដូចជាកីឡាជាតិស៊ូម៉ូ។

ការប្រកួតស៊ូម៉ូ អ្នកចំបាប់ទាំងពីរឈរនៅលើសង្វៀនរាងមូលដែលធ្វើពីដីរឹង ដោយគ្រាន់តែស្លៀកសំពត់ប៉ឹង ឬគេហៅថា Mawashi ប៉ុណ្ណោះ។

រូបភាព https://chigai-allguide.com/力士と関取/

ប្រវត្តិកីឡាស៊ូម៉ូត្រូវបានបង្កើតឡើងដោយពិធីសាសនាសម្រាប់ទេវតា យោងទៅតាមទេវកថាមានដើមកំណើតនៅជប៉ុនតាំងពីសម័យបុរាណ។

នៅពេលមើលការប្រកួតស៊ូម៉ូ តើអ្នកធ្លាប់ឆ្ងល់ថានៅក្នុងសំពត់ប៉ឹង Mawashi ជាអ្វីដែរទេ? ប្រសិនបើភាគីម្ខាងទាញធ្លាក់ Mawashi របស់ភាគីម្ខាងទៀត តើមិនវីវរទៅហើយ?

ក្រៅពីនេះ កីឡាស៊ូម៉ូផ្សាយផ្ទាល់លើកញ្ចក់ទូរទស្សន៍ NHK ដែលជាស្ថានីយ៍ទូរទស្សន៍តឹងរឹងបំផុតនៅជប៉ុន។ ប្រសិនបើចៃដន្យធ្វើធ្លាក់សំពត់ប៉ឹងពេលកំពុងចាក់ផ្សាយលើកញ្ចក់ទូរទស្សន៍ តើមិនគួរឲ្យខ្មាស់ទេឬ?

ជាក់ស្តែងក្នុងរូបភាពឃើញថា អ្នកចំបាប់ប្រើកម្លាំងផ្តួលគូប្រកួត ហើយនៅលើរាងកាយគ្មានកន្លែងណាអាចកាន់ក្រៅពីសំពត់ប៉ឹងនោះទេ។

តាមពិតទៅ កីឡាចំបាប់ស៊ូម៉ូមានច្បាប់កំណត់ជាក់លាក់ចំពោះរឿងនេះ។ ប្រសិនបើភាគីណាមួយធ្វើធ្លាក់សំពត់ប៉ឹងត្រូវចាត់ទុកថាចាញ់។ ដូច្នេះតើអ្នកចំបាប់ស៊ូម៉ូអាចប្រើល្បិចទាញសំពត់ប៉ឹងដើម្បីឈ្នះដែរទេ? ចម្លើយមិនអាចឡើយ ព្រោះភាគីដែលលួចទាញសំពត់ប៉ឹងនឹងត្រូវកាត់ឲ្យចាញ់ដូចគ្នា។

ដូច្នេះហើយ ភាគីទាំងសងខាងត្រូវរក្សាសំពត់ប៉ឹងរបស់ខ្លួន និងរបស់គូប្រកួតផងដែរ។

ប្រហែលជាអ្នកគិតថា រឿងធ្លាក់សំពត់ប៉ឹងកម្រនឹងកើតឡើងណាស់ ប៉ុន្តែតាមពិតធ្លាប់មានប្រវត្តិកើតឡើងពីរដងរួចមកហើយ។ លើកដំបូងគឺនៅឆ្នាំ ១៩១៧ និងឆ្នាំ ២០០០ ។

Mawashi ជាក្រណាត់ដែលមានប្រវែង ៩ ម៉ែត្រ ហើយរុំតឹងនឹងចង្កេះជួយបង្កើនស្មារតីប្រយុទ្ធរបស់អ្នកចំបាប់ស៊ូម៉ូ។ ទោះជាយ៉ាងណា សំពត់ប៉ឹងក៏ជាកន្លែងតែមួយកត់ដែលគូប្រកួតកាន់ដើម្បីផ្តួលភាគីម្ខាងទៀត ដូច្នេះចៃដន្យបើធ្លាក់សំពត់ប៉ឹងជារឿងធម្មតា។

ជាការពិតណាស់ អ្នកដែលមានចេតនាចងបន្ធូរសំពត់ប៉ឹងក៏នឹងត្រូវទទួលកំហុសដែរ។

ចំពោះអ្នកចំបាប់ Chiyonofuji កម្រិត yokozuna (ឋានៈរបស់អ្នកចំបាប់ស៊ូម៉ូ) ដែលល្បីត្រូវបានកត់ត្រាក្នុងប្រវត្តិសាស្ត្រសម័យ Showa ។ លោកជាមនុស្សម្នាក់គិតគូរដិតដល់ រីឯ Mawashi របស់គាត់តែងស្ថិតក្នុងសភាពសមសួនជានិច្ច។