ក្បាលប៊ិចរចនាដោយ “ពពួកព្រូនប៉ារ៉ាស៊ីត” ធ្វើអោយអ្នកប្រើមានអារម្មណ៍ញញើត

ថ្ងៃ​ចន្ទ 19/04/2021 | 9:19 ព្រឹក

ឥឡូវនេះចូរក្រឡេកមើលការរចនាប៊ិចដែលគួរអោយខ្ពើមបំផុតរបស់ជប៉ុន។

នេះជាវត្ថុអនុស្សាវរីយ៍ដែលប្រហែលជាគ្មាននរណាម្នាក់ចង់ទទួលឡើយ។

រូបភាព https://www.odditycentral.com/

Anisakis គឺជាពពួកព្រូនប៉ារ៉ាស៊ីតអាចបណ្តាលអោយឆ្លងមេរោគលើប្រព័ន្ធរំលាយអាហារ កើតមានចំពោះមនុស្សចូលចិត្តបរិភោគអាហារសមុទ្រឆៅឬចម្អិនមិនឆ្អិនមានផ្ទុកប្រភេទព្រូនមូលនេះ។

រូបភាព https://www.odditycentral.com/

ម្យ៉ាង Anisakis អាចឆ្លងទៅប្រភេទត្រីផ្សេងៗគ្នាជាច្រើន ហើយមនុស្សមួយចំនួនក៏អាចនឹងអាឡែរហ្សីដូចជាប្រតិកម្មអាណាហ្វីឡាក់​ទិច (Anaphylaxis) បន្ទាប់ពីបរិភោគត្រីដែលមានផ្ទុក anisakiasis ។ 

និយាយអោយខ្លីវាគឺជាពពួកប៉ារ៉ាស៊ីតរស់នៅក្នុងទឹកគ្មាននរណាម្នាក់ចង់ចូលទៅជិតឡើយ។ ដូច្នេះហេតុអ្វីបានជាកន្លែង​ផលិតមួយនៅជប៉ុនច្នៃប៊ិចដែលផ្ទុកព្រូន anisakiasis នៅក្នុងទៅវិញ?

រូបភាព https://www.odditycentral.com/

ផលិតផលនេះត្រូវបានដាក់បង្ហាញនៅដើមខែមេសា ដូច្នេះអ្នកប្រហែលជាមិនជឿរួចគិតថាជារឿងកំប្លែងក្នុងថ្ងៃនិយាយ​កុហក។

ទោះជាយ៉ាងណាប៊ិចនេះពិតជាមានមែន ហើយរូបភាពរបស់វាត្រូវបានផ្សព្វផ្សាយពេញបណ្តាញសង្គមនៅប្រទេស​ជប៉ុន។ នេះគឺជាផលិតផលរបស់រោងចក្រផលិតនៅខេត្ត Kochi ប្រទេសជប៉ុន។ នៅតំបន់នេះមិនត្រឹមតែអភិវឌ្ឍវិស័យកសិកម្មប៉ុណ្ណោះទេ ថែមទាំងល្បីខាងនេសាទបែបប្រពៃណីផងដែរ។

https://twitter.com/tada2547/status/1378618541247623170?ref_src=twsrc%5Etfw%7Ctwcamp%5Etweetembed%7Ctwterm%5E1378618541247623170%7Ctwgr%5E%7Ctwcon%5Es1_&ref_url=https%3A%2F%2Fjapo.vn%2Fcontents%2Fhang-hoa%2Ftieu-dung%2F125904.html

ព្រូននេះរស់ និងធ្វើចលនាក្នុងប្រអប់ទឹកថ្លានៅត្រង់ក្បាលប៊ិច។ ហើយប៊ិចក៏ត្រូវបានផ្សព្វផ្សាយដូចជាវត្ថុអនុស្សាវ​រីយ៍។

រូបភាព https://www.odditycentral.com/

ប៊ិចដែលមានផ្ទុកព្រូនលក់ក្នុងតម្លៃ ៩៥០ យ៉េនប្រមាណ ១០ ដុល្លា។

ប្រភេទប៉ារ៉ាស៊ីតរស់នៅក្នុងគំរបប៊ិចរយៈពេល ៤,៥ ថ្ងៃ បន្ទាប់មកឈប់ធ្វើចលនាហើយទីបំផុតក៏ងាប់។

ជប៉ុនជាប្រទេសមួយក្នុងចំណោមប្រទេសជាច្រើននៅលើពិភពលោកមានអត្រាអ្នកឆ្លងជំងឺប៉ារ៉ាស៊ីតក្រពះច្រើនបំផុត ដោយសារតែ​ពួក​គេ​បរិភោគអាហារសមុទ្រឆៅឬសាស៊ីមីជាប្រចាំ។ រោគសញ្ញាទូទៅបំផុតនៃជំងឺនេះគឺឈឺ​ពោះ​ធ្ងន់​ធ្ងរ។

ក្នុងរយៈពេលពីរបីម៉ោងបន្ទាប់ពីបរិភោគប៉ារ៉ាស៊ីត ព្រូន -ល- ពួកវាព្យយាមចោះពោះវៀន ប៉ុន្តែសារតែមិនអាចជ្រាប​ចូល​បានក៏ជាប់គាំងហើយងាប់ទៅ។

វត្តមានរបស់ប៉ារ៉ាស៊ីតបង្កឱ្យមានការឆ្លើយតបនៃប្រព័ន្ធភាពស៊ាំ។ កោសិកាភាពស៊ាំព័ទ្ធជុំវិញពពួកប៉ារ៉ាស៊ីតបង្កើត​ជា​រាង​ដូចបាល់ដើម្បីរារាំងអាការឈឺពោះខ្លាំង កង្វះអាហារូបត្ថម្ភ និងក្អួត។

ដំបូងពេលក្រឡេកមើលប៊ិចឃើញថាស្អាតណាស់ ប៉ុន្តែបើដឹងច្បាស់ថាមានអ្វីនៅខាងក្នុងអ្នកប្រាកដជាញញើតជាមិនខាន។

AD

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: