រៀនអំពីទម្លាប់ឱនក្បាលគោរពរបស់ជនជាតិជប៉ុន

ការឱននៅមុខអ្នកដទៃជា “របៀបគោរព” នៅក្នុងប្រទេសជប៉ុន។ ភាគច្រើនជនបរទេសមិនទម្លាប់នឹងសកម្មភាព​នោះទេ តែងចោទជាសំណួរ​ថាហេតុអ្វីពួកគេត្រូវធ្វើដូច្នោះ?

របៀបគោរពដោយឱនក្បាលបានក្លាយជាទម្លាប់របស់ប្រជាជនជប៉ុន សូម្បីតែពេលស្តាប់ទូរស័ព្ទទោះគ្មាននរណាម្នាក់មើលឃើញក៏ពួកគេនៅតែឱនក្បាល។ សម្រាប់ជនជាតិជប៉ុននេះជារឿងធម្មតា ហើយគ្មាននរណាម្នាក់ឆ្ងល់ឡើយ ប៉ុន្តែជនជាតិអាមេរិកតែងតែនាំយកសកម្មភាពនេះមកនិយាយកំប្លែងសំដៅទៅលើជនជាតិជប៉ុន។

ដូច្នេះតើទម្លាប់ឱនក្បាលគោរពរបស់ជនជាតិជប៉ុនផ្តើមចេញពីណា?

ដូចដែលបានរៀបរាប់ខាងលើសកម្មភាពនេះជា “របៀបគោរព” តើគេប្រើនៅពេលណា?

ក្នុងស្ថានភាពដូចខាងក្រោម៖

  • ពេលសួរសុខទុក្ខនរណាម្នាក់
  • បង្ហាញការដឹងគុណ
  • បង្ហាញការដឹងកំហុស
  • ពេលពឹងនរណាម្នាក់
  • ពេលទៅប្រាសាទព្រះវិហារ

អត្ថន័យនៃសកម្មភាពឳនក្បាល៖

ទិសដៅក្បាលត្រូវចាត់ទុកជាចំណុចខ្សោយឆ្ពោះទៅរកភាគី ក្រៅពីនេះដើម្បីគេចពីក្រសែភ្នែកភាគី។ គ្មាននរណាម្នាក់បង្ហាញសកម្មភាពបែបនេះដោយមិនទុកចិត្តអ្នកដទៃទេ ដូច្នេះសកម្មភាពនេះក្នុងគោលបំណងបង្ហាញការ​ជឿ​ទុក​ចិត្តទាំងស្រុង។

យ៉ាងណាមិញមុនការប្រកួត Kendo ចាប់ផ្តើម ភាគីទាំងពីរឳនក្បាលគោរពគ្នា ប៉ុន្តែមិនភ្លេចក្រឡែកមើលគូប្រកួត​ឡើយ។ មូលហេតុនៃការ​ឳនក្បាលដើម្បីបង្ហាញការគោរពចំពោះអ្នកដទៃ ទោះបីជាភាគីទាំងពីរត្រូវប្រយុទ្ធគ្នាក៏ដោយ។ នៅសម័យបុរាណការប្រកួត Kendo មនុស្សម្នាក់ត្រូវយកជីវិតសម្នាក់ទៀត។

ប្រភេទនៃរបៀបឱនក្បាល

របៀបឳនក្បាលមាន ៣ ប្រភេទអាស្រ័យលើកម្រិត

របៀបឳនក្បាល Eshaku ឳនក្បាលទៅមុខបន្តិច ប្រហែល ១៥ ដឺក្រេ។ នេះជារបៀបគោរពមូលដ្ឋាន។

របៀបឳនក្បាល Keirei ឳន ៣០ ដឺក្រេ ប្រើសម្រាប់សួរសុខទុក្ខ គួរសម (ឧទាហរណ៍គោរពគ្រូមុនពេលចាប់ផ្តើមថ្នាក់) ។

របៀបឳនក្បាលចុងក្រោយឳន ៤៥ ដឺក្រេ ឧឡារិកបំផុតតែងប្រើសម្រាប់បង្ហាញការដឹងកំហុស។

ប្រសិនបើប្រើរបៀបឳនក្បាលខុសនឹងធ្វើអោយបាត់បង់អត្តន័យ។ ឧទាហរណ៍ប្រសិនបើអ្នកធ្វើខុស ប៉ុន្តែឳនក្បាល​ត្រឹម ១៥ ដឺក្រេ ម្នាក់នោះនឹងឆ្ងល់ថាតើអ្នកចង់សុំទោសដោយស្មោះទេ។ ផ្ទុយទៅវិញក្នុងស្ថានភាពគោរពស្វាគមន៍​ធម្មតាបែរជាជ្រុលឳនក្បាល ៤៥ ដឺក្រេ អ្នកដែលទទួលការគោរពនឹងមានអារម្មណ៍ច្របូកច្របល់ឬអាចនឹង​សួរ​ថា “តើមានបញ្ហាអ្វី?” តើអ្នកបានធ្វើអ្វីខុសឬ?

របៀបឳនក្បាលស្តង់ដា

ដោយសារការឳនក្បាលជាសកម្មភាពមូលដ្ឋាន គ្មានអ្វីច្រើនត្រូវកត់សម្គាល់ឡើយ។ គ្រាន់តែពេលឳនក្បាលគោរពអ្នក​ត្រូវ៖

  • ឈរស្ងៀម
  • តម្រឹមជើងទាំងសងខាង
  • កុំពត់ខ្នងរបស់អ្នក
  • ដៃទាំងពីរដាក់ស្របនឹងត្រគាករបស់អ្នកឬដាក់ទៅមុខបន្តិច។

ចំណុចមួយទៀតដែលត្រូវកត់សំគាល់គឺមិនត្រូវងើបមុខឡើងមុនថ្នាក់លើនោះទេ (អ្នកដែលមានឋានៈខ្ពស់) ។

ហេតុអ្វីបានជាជនជាតិជប៉ុនឳនក្បាលទាំងពេលនិយាយទូរស័ព្ទ?

ដោយសារនោះជាទម្លាប់របស់ជនជាតិជប៉ុន។ ទោះបីជាពួកគេមើលមិនឃើញភាគី ប៉ុន្តែពួកគេនៅតែចង់បង្ហាញ​ពី​អារម្មណ៍​របស់​ពួកគេតាមរយៈសកម្មភាព។

សូមយោគយល់ចំពោះសកម្មភាពរបស់ប្រជាជនជប៉ុន។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: