ហេតុ​អ្វីព្រះសង្ឃដែលរស់នៅបែបសេរីនិយមម្នាក់អាចក្លាយជា “អ្នក​ណែនាំផ្នែកស្មារតី” ដល់​លោក Steve Jobs ?

លោក Steve Job ដែលជាសហស្ថាបនិករបស់ក្រុមហ៊ុន Apple ហើយក៏ជាអ្នកស្រោចស្រង់ Apple ដែលជិតដួលរលំ​ដោយ​ការ​បង្កើត iMac ផងដែរ។ លោកបានផ្លាស់ប្តូរការស្តាប់តន្រ្តីដោយប្រើ iPod មិនត្រឹមតែបង្កើតនិយមន័យថ្មីនៃទូរស័ព្ទប៉ុណ្ណោះទេ ថែមទាំងបង្ហាញពី​របៀប​ដែល​មនុស្ស​ប្រាស្រ័យ​ទាក់​ទងគ្នាលើអុីនធឺណេតតាមរយៈទូរស័ព្ទ iPhone ដ៏ល្បី​ផង​​ដែរ។

រូបភាព https://techwave.jp/archives/51704553.html

ដូចដែលអ្នកបានដឹងហើយថា បុគ្គលម្នាក់នេះធ្លាប់មានសេចក្តីថ្លែងជាច្រើនដែលធ្វើឲ្យពិភពលោកភ្ញាក់ផ្អើល។

ទោះជាយ៉ាងណា លោក Steve Jobs ក៏ត្រូវ​ការ “អ្នកណែនាំផ្នែកស្មារតី” ដែលជាព្រះសង្ឃជប៉ុនលោក Kobun Chino Otogawa ផង​ដែរ។

រូបភាព http://www.eigonoshinzui.com/jinbutsuden15.html

ព្រះសង្ឃ Otogawa ធំដឹងក្តីនៅប្រាសាទវត្តនៅ Niigata ហើយផ្លាស់ទៅសហរដ្ឋអាមេរិកក្នុងឆ្នាំ ១៩៦៧ ។ គាត់បំពេញ​​ការ​​ងារនៅសហរដ្ឋអាមេរិក ហើយត្រូវបានតែងតាំងជាអ្នកដឹកនាំសាសនា NeXT ដែលស្ថិតក្រោមការគ្រប់គ្រងរបស់លោក Jobs ក្នុងឆ្នាំ ១៩៨៦។ រហូតដល់លោក Jobs ជឿទុកចិត្តអោយលោកធ្វើជាអ្នកចាត់ចែងមង្គលការ​របស់​ខ្លួនក្នុងឆ្នាំ ១៩៩១ ។

ជាអកុសលកាលពីខែកក្កដាឆ្នាំ ២០០២ លោក Otogawa ទទួលមរណភាពនៅប្រទេសស្វីស មូលហេតុ​ស្លាប់ដោយ​សារ​ជួយ​សង្គ្រោះកូនស្រីអាយុ ៥ ឆ្នាំលង់ទឹកក្នុងអាងហែលទឹក។ ទោះជាយ៉ាងណា ជីវិតរបស់លោកមុននោះគឺជារឿងរ៉ាវដែលគួរ​ឲ្យចាប់អារម្មណ៍។

លោក Otogawa មិនត្រឹមតែផឹកគ្រឿងស្រវឹងប៉ុណ្ណោះទេ ថែមទាំងចំណាយច្រើន ជាពិសេសមានចំណូលចិត្តទៅលើវត្ថុប្រណីត។ លោក Jobs ធ្លាប់ខឹងសម្បារយ៉ាងខ្លាំងនៅពេលដែលលោក Otogawa ប្រើកាតឥណទានរបស់ខ្លួនទៅ​លើ​​​រឿង​ឥត​ប្រយោជន៍។

មិនត្រឹមតែប៉ុណ្ណឹង បុគ្គលម្នាក់នេះតែងតែខកខានការណាត់ជួបដោយសារស្រវឹងស្រា ទាំង​គាត់​ជា​អ្នក​បួស​បែរជាទុក​សក់។

ក្នុងនាមជាបុរសម្នាក់ លោក Otogawa ស្រលាញ់ចូលចិត្តស្ត្រី។ គាត់ធ្លាប់នាំស្រ្តីដែលរស់នៅជាមួយទៅចូលរួមសន្និសិទសាសនា​​អន្តរ​ជាតិ ហើយត្រូវព្រះសង្ឃដទៃទៀតបដិសេធ។ កាលអាយុ ៦០ ឆ្នាំលោក Otogawa មានកូនជាមួយស្រ្តីស្បែកសវ័យក្មេងម្នាក់ បន្ទាប់មកអ្នកទាំងពីររៀបការជាមួយគ្នា។

នោះជាអ្វីដែលយើងដឹងអំពីព្រះសង្ឃ Kobun Chino Otogawa ប៉ុន្តែតើលោក Steve Jobs គិតយ៉ាងណាចំពោះបុគ្គល​​ម្នាក់​នេះ?

ថ្វីត្បិតតែនិយាយអង់គ្លេសតុងជប៉ុន ប៉ុន្តែវាក្យស័ព្ទមានភាពសម្បូរបែបណាស់។ លោកជាមនុស្សពូកែខាងទស្សនវិជ្ជា និងកំណាព្យ ដូច្នេះពាក្យសម្តីរបស់គាត់សាមញ្ញគ្មានអារម្មណ៍ថាសម្តែងឡើយ។

លោក​តែង​តែ​រិះគិតរកពាក្យពេចន៍និយាយឲ្យសមរម្យ មើលទៅដូចជាក្មេងម្នាក់។ គំនិតបរិសុទ្ធ និងឥតសៅហ្មងធ្វើឲ្យមនុស្សនៅចំពោះមុខមានអារម្មណ៍ធូរស្រួល ហើយនាំមកនូវស្នាមញញឹម។

មើលទៅជាមនុស្សពេញវ័យតែដូចជាក្មេងម្នាក់។

ចំពោះលោក Steve Jobs បុគ្គលម្នាក់នេះហាក់ដូចជាមានភាពទាក់ទាញដ៏អាថ៌កំបាំង។

លោក Jobs ធ្លាប់ត្រូវបណ្តេញចេញពីក្រុមហ៊ុនដែលគាត់បានបង្កើត ឆ្លងកាត់អារម្មណ៍អស់សង្ឃឹមជាច្រើន។ កាលនោះលោក Jobs ធ្លាប់ទៅជប៉ុន ជាវត្តដែលលោក Otogawa កើត និងធំដឹងក្តី។

នៅទីនោះលោក Jobs បានរកឃើញថា គាត់ជានរណា និងអ្វីដែលត្រូវធ្វើបន្ទាប់។

លោក Jobs ត្រូវគេចាត់ទុកជាមនុស្សពូកែម្នាក់ ប៉ុន្តែគាត់មានចរិតក្រអឺតក្រទម តែងតែយល់ថា ខ្លួនឯងត្រូវ។ ប្រភេទមនុស្សដែលមានបុគ្គលិកលក្ខណៈរឹងមាំដូចជាលោក Jobs ច្រើនតែខ្វះអ្វីមួយ។ ហើយប្រសិនបើអ្នកមិនអាច​រក្សាតុល្យភាពរវាងការងារ ស្មារតី និងរាងកាយនឹងរងផលប៉ះពាល់អវិជ្ជមាន។

លោក Otogawa ជាព្រះសង្ឃមិនធម្មតាមួយរូប ប្រហែលជាអ្វីដែលលោក Steve Jobs កំពុងត្រូវការ។ លើសពីនេះលោក Jobs ចាប់ផ្តើមរៀន ហើយអនុវត្តការធ្វើសមាធិ (Zen) ក្នុងគំនិត។ មិនត្រឹមតែលោក Jobs អនុវត្ត Zen រួមទាំង​​មនុស្ស​ជោគជ័យជាច្រើនផ្សេងទៀតផងដែរ។

គំនិតសមាធិ (Zen) គឺលះបង់ចោលគំនិត ដើម្បីសម្រេចអ្វីម្យ៉ាង ហ៊ានបោះបង់អ្វីដែលខ្លួនបានរក្សាទុក ចោល​អ្វីដែល​មិន​ចាំ​​បាច់។ ដូច្នេះ​ហើយអ្នកអាចយល់ពីលក្ខណៈនៃវត្ថុ ឬហេតុ​ការណ៍។

លោក Otogawa បានទៅគ្រប់ទីកន្លែងដើម្បីបង្រៀនគោលលទ្ធិ Zen នេះ។ ជាការពិតវាជាក្រមសីលធម៌មួយដែលមិនមានចែងក្នុងបទបញ្ញត្តិ ស្រដៀង​នឹង​បុគ្គលិក​លក្ខណៈ​របស់​លោក Steve Jobs ។

Kengo Abe