កាបូបសង្គ្រោះជីវិតសត្វនៅពេលមានគ្រោះធម្មជាតិកើតឡើង

ក្នុងស្ថានភាពអាសន្នជីវិតមនុស្សជាអាទិភាពទីមួយនោះជារឿងធម្មតា។ ទោះជាយ៉ាងណាពេលក្រឡេកមើលសត្វចិញ្ចឹមត្រូវគេបោះ​បង់​ចោល ជាប់​គាំង​ឬបាត់ខ្លួនក្នុងគ្រោះមហន្តរាយធម្មជាតិធ្វើអោយម្ចាស់មានចិត្តអាណិតអាសូរ។

ជាមួយនឹងគំនិតនេះ ក្រុមហ៊ុន Pet Memorial Shop ជប៉ុនបានរចនាកាបូបពិសេសមួយផ្ទុករបស់របរជួយសង្រ្គោះសត្វ​ចិញ្ចឹម​នៅពេលគ្រោះធម្មជាតិកើតឡើង។

រូបភាព Pet Memorial Shop

កាបូបសង្គ្រោះជីវិតទាំងនេះផលិតពី polyurethane និង polyester ការពារមិនឆេះ មិនជ្រាបទឹក ដាក់ល្មមក្រោមទ្រូងឆ្កែ និងសុវត្ថិភាព។ ក្រៅពីនេះមានខ្សែជួយអោយម្ចាស់អាចនាំយកសត្វចិញ្ចឹមតាមបានយ៉ាងងាយស្រួល។

នៅក្នុងកាបូបមានស្រោមដៃជ័រ បង់រុំ និងឧបករណ៍បិទមាត់ឆ្កែ ក្នុងករណីមាននរណាម្នាក់ប្រទះឃើញហើយ​ជួយ​សង្គ្រោះ​វា។

រូបភាព https://youpouch.com/2021/03/11/741285/

លើសពីនេះមានកាបូបធំពីរ សម្រាប់ម្ចាស់ឆ្កែរក្សាទុកចំណី ទឹកឬរបស់ដែលចាំបាច់ផ្សេងទៀត។ ម្យ៉ាងមានកន្លែងសរសេរ​ឈ្មោះឆ្កែ និងព័ត៌មានទំនាក់ទំនងក្នុងករណីបាត់។

កាបូបសង្គ្រោះសត្វចិញ្ចឹមមាន ២ ប្រភេទគឺទំហំមធ្យម និងតូចក្នុងតម្លៃ ១៣.០០០ យ៉េនសម្រាប់កូនឆ្កែ។ រីឯប្រភេទ​ធំ​មាន​តម្លៃ ១៥.០០០ យ៉េន។

Sacchan