ពិធីបុណ្យដើរជើងទទេរលើធ្យូងក្តៅបន់ស្រន់សុំអោយជំងឺ​កូវីដ-១៩ រលាយ​បាត់ឆាប់ៗ

ជនជាតិ​ជប៉ុនដើរជើងទទេរលើធ្យូងក្តៅដើម្បីបន់ស្រន់សុំភាពសុខសាន្តសម្រាប់ខ្លួន និងក្រុមគ្រួសារ។

រូបភាព https://www.dailymail.co.uk/news

ទីភ្នាក់ងារសារព័ត៌មាន Reuters បានអោយដឹងពិធីបុណ្យពិសេសមួយដែលមានឈ្មោះថា hiwatari matsuri ប្រារព្ធធ្វើឡើងនៅជិតភ្នំ Takaosan កាលពីថ្ងៃអាទិត្យកន្លងទៅ។

រូបភាព https://www.dailymail.co.uk/news

ក្នុងពិធីបុណ្យ hiwatari matsuri ដែលរៀបចំធ្វើឡើងនៅឆ្នាំនេះ បរិយាកាសមានភាពតានតឹងជាងធម្មតា ព្រោះអ្នក​ចូលរួមទាំងអស់ត្រូវពាក់ម៉ាស ហើយរក្សាគម្លាតសង្គមដើម្បីការពារការរាតត្បាតនៃជំងឺកូវីដ-១៩ ។

រូបភាព https://www.dailymail.co.uk/news

ហើយពិធីបុណ្យនៅឆ្នាំនេះក៏កំណត់ចំនួនត្រឹម ១០០០ នាក់ចូលរួមប៉ុណ្ណោះ។ កាលពីឆ្នាំមុនពិធីបុណ្យមិនបាន​ទទួលស្វាគមន៍​ភ្ញៀវទេសចរណ៍ដោយសារតែជំងឺកូវីដ-១៩ រាតត្បាត។

រូបភាព https://www.dailymail.co.uk/news

ព្រះសង្ឃ Koshou Kamimura នៅវិហារព្រះពុទ្ធសាសនា Takaosan Yakuouin បាននិយាយថា៖

“ដើរលើភ្លើងអាចបន្សុទ្ធព្រលឹងវិញ្ញាណរបស់អ្នក ហើយបួងសួងទៅកាន់ព្រះពុទ្ធ។ ភ្នំ Takao-san ជាកន្លែងសំខាន់សម្រាប់​បន់ស្រន់សុំអោយជំងឺរាតត្បាតឆាប់កន្លងផុត ដូច្នេះពិធីបុណ្យនៅឆ្នាំនេះត្រូវធានាពីវិធានការណ៍ការពារជំងឺ​ឆ្លង” ។

រូបភាព https://www.dailymail.co.uk/news

ពិធីបុណ្យ hiwatari matsuri ប្រារព្ធធ្វើឡើងនៅលើភ្នំ Takaosan ដែលមានអាយុកាលប្រហែល ៥០ ឆ្នាំមកហើយ។ ក្នុង​អំឡុង​ពិធីបុណ្យព្រះសង្ឃដុតឈើ និងស្លឹកដើមតាត្រៅជប៉ុនធ្វើអោយភ្លើងឆេះខ្លាំង។ បន្ទាប់មកព្រះសង្ឃប្រើទឹកពន្លត់ភ្លើងបន្តិច ប្រមូលធ្យូងក្តៅរៀបជាពីរជួរសម្រាប់អ្នកចូលរួមដើរជើងទទេរឆ្លងកាត់ព្រមទាំងសូត្រធម៌។

រូបភាព https://www.dailymail.co.uk/news

អ្នកចូលរួមនឹងដើរតាមពីក្រោយព្រះសង្ឃ ហើយព្រះសង្ឃមួយចំនួនថែមទាំងពក្មេងដើរឆ្លងកាត់ធ្យូងក្តៅកំឡុងពេល​ផ្សែង​ភាយឡើងទៀត។

រូបភាព https://www.dailymail.co.uk/news

ព្រះសង្ឃ Eriko Nakamura អាយុ ៤៦ ​ឆ្នាំមានប្រសាសន៍ថា “ជំងឺកូវីដ-១៩ កំពុងតែរីករាលដាលពាសពេញពិភព​លោក ដូច្នេះខ្ញុំបន់ស្រន់សុំអោយជំងឺរាតត្បាតមិនរីករាលដាលតទៅទៀតឡើយ” ។

រូបភាព https://www.dailymail.co.uk/news

“ពិធីបុណ្យដើរលើធ្យូងក្តៅត្រូវបានប្រារព្ធធ្វើឡើងនៅខាងក្រៅ និងកំណត់ចំនួនអ្នកចូលរួម។ នៅពេលប្រារព្ធព្រឹត្តិ​ការណ៍កីឡាអូឡាំពិក ពិធីបុណ្យនេះធ្វើឡើងនៅក្នុងផ្ទះ ដូច្នេះប្រហែលចំនួនអ្នកចូលរួមនៅតែពាក់កណ្តាលប៉ុណ្ណោះ” ។

បច្ចុប្បន្ននេះនៅជប៉ុនចំនួនអ្នកផ្ទុកជំងឺកូវីដ-១៩ មានកម្រិតទាបជាងបណ្តាប្រទេសដូចជាអាមេរិក ទោះបីជាតំបន់​មួយខ្លះរួមទាំងទីក្រុង​តូក្យូស្ថិតក្នុងស្ថានភាពអាសន្ននៅឡើយ។ បច្ចុប្បន្នប្រទេសជប៉ុនកំពុងប្រឈមនឹង​ការ​ផ្ទុះ​ជំងឺលើកទី ៣ ។

Japo Cambodia

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: