តើប្រទេសណាមានអាយុកាលចំណាស់ជាងគេនៅលើ​ពិភព​លោក?

តើអ្នកដឹងទេថាប្រទេសរបស់អ្នកមានអាយុកាលប៉ុន្មាន?

ឧទាហរណ៍ប្រទេសមួយដែលមានប្រវត្ដិសាស្ដ្រយូរអង្វែងដូចប្រទេសចិនមានប្រវត្ដិ ៤០០០ ឆ្នាំមកហើយ ដូច្នេះវប្បធម៌សម្បូរ​បែប​ណាស់។

ទោះជាយ៉ាងណាពេលនិយាយពីអាយុកាលរបស់ប្រទេសចិន ត្រូវគិតចា​ប់ពីថ្ងៃឯករាជ្យភាពក្នុងឆ្នាំ ១៩៤៩ ដូច្នេះប្រទេស​ចិនមានអាយុកាលប្រហែលជា ៧០ ឆ្នាំប៉ុណ្ណោះ។

ពីព្រោះប្រទេសនីមួយៗត្រូវឆ្លងកាត់ការផ្លាស់ប្តូរដ៏ធំ និងទទួលឥទ្ធិពលពីប្រព័ន្ធផ្សេងៗគ្នា។ ភាគច្រើនប្រទេស និងទឹកដីមានប្រវត្តិយូរយារ ប៉ុន្តែឆ្លងកាត់រដ្ឋប្រហារធ្វើអោយមានការផ្លាស់ប្តូររចនាសម្ព័ន្ធអំណាច រីឯប្រទេសខ្លះធ្លាក់ក្នុងស្ថានភាពត្រូវគេគ្រប់គ្រង។ និយាយដោយសង្ខេបអាយុកាលរបស់ប្រទេសមួយចាប់រាប់ពីពេលឯករាជ្យ។

ហេតុដូច្នេះសហរដ្ឋអាមេរិកកើតនៅឆ្នាំ ១៧៧៦ បារាំង ១៧៨៩ ហូឡង់ ១៥៨១ រុស្ស៊ី ១៩៩១ វៀតណាម ១៩៤៥ មីយ៉ាន់ម៉ា ១៩៤៨ កម្ពុជា ១៩៥៣ ។ល។

ចុះចំណែកជប៉ុន?

រូបភាព http://yokoushijima.com/column/z_diary/kenkokukinen/

យោងតាមការគណនានេះប្រទេសជប៉ុនមានអាយុកាល ២៦៨១ ឆ្នាំមកហើយ។

ក្នុងកំឡុងពេលនោះជប៉ុននៅតែជាប្រទេសជប៉ុន។ ទោះបីជាប្រទេសជប៉ុនបានរួចផុតពីនឹមនៃការគ្រប់គ្រងរបស់អាណា​និគម ប៉ុន្តែនៅតែជាប្រទេសដែលចាញ់ដដែល។ នៅពេលនោះកងកម្លាំងសម្ព័ន្ធមិត្ត ជាពិសេសយោធាអាមេរិក​​បាន​ឈរជើងនៅជប៉ុនដើម្បីគ្រប់គ្រង។ ជាលទ្ធផលប្រទេសជប៉ុនមិនស្ថិតក្រោមការគ្រប់គ្រង ហើយក៏មិន​បែក​បាក់ដែរ។

បច្ចុប្បន្នព្រះចៅអធិរាជគឺជំនាន់ទី ១២៦ ទៅហើយ។ កាលពីមុនមនុស្សជាច្រើនជឿថាសាមូរ៉ៃទើបជាអ្នកដឹកនាំប្រទេស ប៉ុន្តែដើម្បីធ្វើដូច្នោះសាមូរ៉ៃនៅតែត្រូវការការយល់ព្រមពីអធិរាជដដែល។ ហេតុ​នេះបើនិយាយពី​រចនាសម្ព័ន្ធ​អំណាច អធិរាជ​ជាអ្នកនាំមុខ។ 

ចុះចំណែកឥឡូវនេះ? បច្ចុប្បន្នបន្ទាប់ពីត្រូវបានតែងតាំងជារដ្ឋមន្រ្តីខុទ្ទកាល័យក្នុងរដ្ឋសភា ត្រូវទទួលបានការយល់​ព្រម​ពី​ព្រះចៅអធិរាជ ទើបបុគ្គលនោះអាចក្លាយជានាយករដ្ឋមន្ត្រី។

ព្រះចៅអធិរាជជានិមិត្តរូបនៃប្រទេសជប៉ុន ទោះជាមិនអាចដកតំណែងនៅក្នុងរដ្ឋសភាក៏ព្រះអង្គមានសិទ្ធិអំណាច​ក្នុងការតែងតាំងប្រមុខ​នៃ​ប្រទេសជាតិ។

ហេតុអ្វីបានជាសាមូរ៉ៃមិនផ្តួលរំលំអធិរាជដើម្បីកាន់កាប់អំណាច? ខ្ញុំគិតថាការធ្វើបែបនេះអាចធ្វើទៅបានយ៉ាងងាយ​ស្រួល ព្រោះថាកងកម្លាំងរបស់ក្រុមសាមូរ៉ៃមានចំនួនច្រើនលើសលប់។ នៅប្រទេសដទៃអធិរាជត្រូវបានផ្ដួលរំលំ​ដោយ​អ្នកក្រោមបង្គាប់ឬត្រូវ​ប្រជាជន​ទម្លាក់​រាជ្យ។

ប៉ុន្តែជនជាតិជប៉ុនមានទស្សនៈច្បាស់លាស់ មិនផ្តួលរំលំអធិរាជនោះទេ ទោះបីទស្សនៈនេះគ្រាន់តែជាមនោ​សញ្ចេតនា។

តាមពិតនៅក្នុងប្រវត្តិសាស្ត្រជប៉ុន គ្មានអធិរាជណាមួយប្រើអំណាចហួសហេតុ ធ្វើរឿងមិនសមហេតុផលរហូតត្រូវទម្លាក់​​រាជ្យ​ឡើយ។ ប៉ុន្តែ​វា​មិនគ្រប់គ្រាន់ទេក្នុងការពន្យល់អំពីរបបអធិរាជដែលមានជាយូរមកហើយនៅប្រទេស​ជប៉ុន។

ហើយវាប្រហែលជាអាថ៌កំបាំងដ៏យូរលង់បំផុតរបស់ជប៉ុនផងដែរ។

Kengo Abe