អត្តន័យរូបសាក់បែបជប៉ុនដែលនិយមរបស់ Yakuza

ពេលនិយាយពីរូបសាក់ ជនជាតិជប៉ុនតែងគិតទៅដល់ Yakuza ដែលជាក្រុមអន្តពាល ឬក្រុមប្រឆាំងនឹងសង្គម។ ដូច្នេះកន្លែងត្រាំទឹកក្តៅ ឬអាងហែលទឹកមួយចំនួនហាមមិនអោយអ្នកដែលមានរូបសាក់ចូល។

ទោះជាយ៉ាងណា រូបសាក់តាមបែបជប៉ុនបែរជាពេញនិយមនៅលើពិភពលោក។ រូបទាំងនេះគេហៅថា Wabari មើល​ទៅ​ឡូយណាស់ ប៉ុន្តែតើអ្នកយល់ពីអត្តន័យរូបទាំងនោះដែរទេ?

ថ្ងៃនេះខ្ញុំនឹងណែនាំអោយអ្នកបានដឹង។

រូបភាព https://i-kyu.com/irezumi_zuan_201804/

រូបសាក់ដែលពេញនិយមជាងគេគឺរូបនាគ។

នាគបង្កប់អត្តន័យនៃភាពជោគជ័យ នាគហោះដូចក្នុងរូបគេហៅថា “Nobori Ryuu” នាំមកនូវប្រផ្នូលល្អ។ លើសពីនេះចំនួនក្រញាំនាគបង្ហាញពីកម្រិតឋានៈ ជាទូទៅពី ៣ ទៅ ៥ ចំនួនក្រញាំកាន់តែច្រើនកាន់តែល្អ។

រូបខ្លា

ប្រសិនបើនាគបង្ហាញពីភាពរឹងមាំខាងចិត្តគំនិត រីឯខ្លាបង្ហាញពីភាពរឹងមាំខាងរាងកាយ។

ត្រីគល់រាំង

ត្រីគល់រាំងហែលបញ្ច្រាសទឹក ដូច្នេះវាតំណាងអោយកម្លាំង រឿងព្រេងជប៉ុនតំណាលថាត្រីគល់រាំងហែលបញ្ច្រាសទឹកប្រែក្លាយជានាគ។ 

រូបហង្ស

ភាគច្រើនរូបហង្សសំដៅទៅលើស្រ្តី ពីព្រោះវាជានិមិត្តរូបនៃសេចក្តីស្រឡាញ់ សន្តិភាព និងសុភមង្គល។

ពស់

ពស់ជានិមិត្តរូបនៃសំណាង ហើយមនុស្សជាច្រើនជឿថាអ្នកអាចសន្សំប្រាក់ដោយដាក់ស្បែកពស់ក្នុងកាបូប។ ខ្ញុំមិនដឹងថាប្រទេសរបស់អ្នកមានជំនឿយ៉ាងណា រីឯជប៉ុនជឿថាសត្វពស់ជាសញ្ញាល្អ ពិសេសពស់ស។

អណ្តើក

ក្នុងរឿងព្រេងជប៉ុន សត្វអណ្តើកអាចរស់បាន ១ ម៉ឺនឆ្នាំ ដូច្នេះវាមានអត្ថន័យថាអាយុយឺនយូរ និងអមត។ ជាការពិត​សត្វអណ្តើកមិនរស់ដល់ ១ ម៉ឺនឆ្នាំនោះទេ។

ក្បាលដែលទើបនឹងកាប់

ប្រហែលជាមនុស្សភាគច្រើនភ័យខ្លាចនៅពេលមើលឃើញរូបភាពនេះ ប៉ុន្តែវាមានអត្តន័យប្រៀបដូចជាយ័ន្តការ​ពារ​ជីវិត។

Ashura

នេះជារូបទេវតាឥណ្ឌាបុរាណ ទេវតាមានមុខ ៣ ដៃ ៦ ជាទេវតានៃអំពើហឹង្សា និងជម្លោះ។ សាកសមសម្រាប់ក្រុម Yakuza ។

Bishamonten

រូប Bishamonten ក្នុងព្រះពុទ្ធសាសនាមានន័យថាការការពារ បួងសួងសូមអោយមានសំណាងល្អ ប្រទានទ្រព្យសម្បត្តិ ភាពរុងរឿង និងវាងវៃ។

Unicorn 

ជាសត្វដ៏ពិសិដ្ឋក្នុងរឿងព្រេង មានកន្ទុយគោ និងជើងសេះ សត្វឈ្មោលមានស្នែកលើក្បាល។ Unicorn ជានិមិត្តរូបនៃសំណាង។

ពាក្យ Kirin ក្នុង Kirin Beer ជាពាក្យ Kirin មិនមែនសត្វកវែងឡើយ (ពាក្យ Kirin ដែលសរសេរជា Katakana ទើបសំដៅលើសត្វកវែង) ។ គេជឿថា Kirin នាំព្រលឹងអ្នកស្លាប់ ដូច្នេះការរចនាឡានដង្ហែសពក៏យកគំរូតាមនោះដែរ។

ត្រីមាស

ត្រីមាសកើតកូនត្រីច្រើន ដូច្នេះវាជានិមិត្តរូបនៃ “កូនចៅ” ពេញផ្ទះ។

កង្កែបជើងបី

កង្កែបជើងបីហាមាត់ធំចាំទទួលប្រាក់ ដូច្នេះនរណាចង់ក្លាយជាអ្នកមាន គេប្រាកដជាសាក់រូបកង្កែបជើងបីនេះ។

រូបសាក់បែបជប៉ុនបង្ហាញពីអត្តន័យរបស់ Yakuza ម្នាក់ៗ ហេតុដូច្នេះ Yakuza ជ្រើសរើសរូបដែលសាកសមនឹងខ្លួន។ ទាំងនេះជារូបសាក់ដែលពេញនិយម នៅមានរូបសាក់ជាច្រើនផ្សេងទៀត។

នៅក្នុងសង្គមជប៉ុនសព្វថ្ងៃ មនុស្សភាគច្រើនគិតថារូបសាក់សម្រាប់ Yakuza ដូច្នេះប្រសិនបើអ្នកចង់សាក់រូប អ្នក​​គួរ​តែពិចារណាអោយបានច្បាស់។

Kengo Abe