រូបថតបង្ហាញពីលក្ខណៈដូចគ្នានៃជំងឺរាតត្បាតនៅឆ្នាំ ១៩២០ និង ២០២១

អំឡុងពេលដែលជំងឺកូវីដ ១៩ កំពុងរាតត្បាត ប្រសិនបើមិនពាក់ម៉ាស់នោះមិនអាចចេញទៅក្រៅជួបនរណានោះទេ​។ យើង​ហាក់បីដូចជា​សាំ​នឹងផ្នត់គំនិត “New normal” ជាអ្វីមួយថ្មីនាពេលអនាគត។ ប៉ុន្តែមានមនុស្សជាច្រើនគិតថា រឿងនេះ​​កើត​​ឡើង​លឿនពេក តើស្ថាន​ភាព​នេះ​នឹងអូសបន្លាយរហូតដែរទេ?

ទោះបីជាមិនអាចឆ្លើយនឹងសំណួរនេះ ​ក៏ខ្ញុំមើលឃើញរូបភាពដ៏គួរឲ្យ​ចាប់អារម្មណ៍ដែលបានថតកាលពី ១០០ ឆ្នាំ​មុន។

រូបភាព https://www.huffingtonpost.jp/entry/color_jp_602253f9c5b689330e3264b3

នេះជារូបថតកាលពីឆ្នាំ ១៩២០ នៅពេលនោះមានជំងឺរាតត្បាតដែលគេហៅថាផ្តាសាយអេស្ប៉ាញរីករាលដាលតាំង​ពី​ឆ្នាំ ១៩១៨ ។ ជំងឺនេះបានសម្លាប់មនុស្ស ២៥ លាននាក់នៅលើពិភពលោក ហើយនៅឆ្នាំ ១៩២០ ជំងឺបានវាយប្រហារ​​ជប៉ុន។ មនុស្សមានទំនោរពាក់ម៉ាស់ចាប់តាំងពីពេលនោះមក។

និយាយម៉្យាងទៀតផ្នត់គំនិត New normal បានលេចចេញជារូបរាងតាំងពី ១០០ ឆ្នាំ​មុនមកម្ល៉េះ។ តាំងពីពេលមនុស្ស​យល់ដឹងអំពីអត្ថប្រយោជន៍នៃការពាក់ម៉ាស់ ចំនួន​អ្នកឆ្លងជំងឺផ្តាសាយអេស្ប៉ាញក៏មានការថយចុះផង​ដែរ។

មិនដឹងថាតើប្រជាជនក្នុងឆ្នាំ ១៩២០ នឹងមានអារម្មណ៍យ៉ាងណានៅពេលពួកគេបានឃើញស្ថានភាពនៅឆ្នាំ ២០២១ ទោះជាយ៉ាង​ណា​ ខ្ញុំ​គិត​ថា មិនថាមានអ្វីកើតឡើងក៏ដោយអ្វីៗទាំងអស់នឹងមានដំណោះស្រាយ។ ដោយ​សារ​តែ​មនុស្ស​មានភាពរឹងមាំអាចបន្សាំខ្លួនគ្រប់ស្ថានភាព។

Kengo Abe