ការផ្តល់ជូនវ៉ាក់សាំងការពារជំងឺកូវីដ-១៩ ដំបូងរបស់ជប៉ុន

ថ្ងៃ​សុក្រ 19/02/2021 | 18:15 ល្ងាច

មជ្ឈមណ្ឌលវ៉ាក់សាំងទាំង ៨ នៅជប៉ុនបានចាប់ផ្តើមផ្តល់ថ្នាំងបង្ការជំងឺកូវីដដំបូង។

បច្ចុប្បន្នប្រទេសជប៉ុនកំពុងស្ថិតក្នុងស្ថានភាពអាសន្នទី ២ ដែលប្រកាសដោយរដ្ឋាភិបាល ព្រោះតែករណីឆ្លងមានការ​កើន​ឡើង។ ក្នុងរយៈពេល ១២​ ខែកន្លងមកនេះពត៌មានគួរអោយសោកស្តាយជាច្រើនចុះផ្សាយដូចជាអាជីវកម្មក្ស័យ​ធន បិទច្រកព្រំដែន ការពន្យារពេលព្រឹត្តិការណ៍ផ្សេងៗ -ល- កើតឡើងជាបន្តបន្ទាប់។

បន្ទាប់ពីវ៉ាក់សាំងដែលផលិតដោយក្រុមហ៊ុនឱសថ Pfizer របស់អាមេរិកបញ្ជូនចូលប្រទេសជប៉ុន ប្រទេសនេះក៏បន្ត​ការចាក់វ៉ាក់សាំងភ្លាមៗ។

គណនី Twitter ស្តីអំពីព័ត៌មានការទទួលវ៉ាក់សាំងនៃការិយាល័យនាយករដ្ឋមន្ត្រីជប៉ុនបានប្រកាស រួមទាំងរូបភាព​​លើ​គេហទំព័រគ្រប់គ្រង “ការទទួលវ៉ាក់សាំងវីរុសមកដល់ហើយ” ។ “យើងនឹងព្យាយាមបន្តចាក់វ៉ាក់សាំង​ការ​ពារប្រជាជនទូទាំងប្រទេស” ។

ការចាក់ថ្នាំបង្ការប្រព្រឹត្តទៅក្នុងរយៈពេលខ្លី ប៉ុន្តែជាការខិតខំប្រឹងប្រែងដែលមិនធ្លាប់មានពីមុននៃផ្នែកវេជ្ជសាស្ត្រ។

ដូចជាបណ្តាប្រទេសដទៃទៀតដែរ ការចាក់វ៉ាក់សាំងត្រូវបានផ្តល់ជូនបុគ្គលិកពេទ្យក្រុមទីមួយ មនុស្សចាស់ និងអ្នកដែលមានជំងឺប្រចាំខ្លួនងាយឆ្លងជំងឺកូវីដឬអ្នកឆ្លងជំងឺដែលធ្ងន់ធ្ងរ។ អ្នកដែលមិនស្ថិតក្នុងករណីខាង​លើត្រូវរង់ចាំដោយអំណត់ ព្រោះកង្វះសឺរាុំងឯកទេស ហើយមជ្ឈមណ្ឌលផ្តល់វ៉ាក់សាំងក្នុងប្រទេសមិនអាចផ្គត់ផ្គង់សឺរាុំងគ្រប់ចំនួន។ រដ្ឋាភិបាលបានអោយដឹងវ៉ាក់សាំងនឹងផ្តល់ជូនដោយឥតគិតថ្លៃដល់មនុស្សគ្រប់​គ្នា​នៅក្នុងប្រទេស​ជប៉ុន។

មជ្ឈមណ្ឌលផ្តល់វ៉ាងសាំងទាំង ៨ កន្លែងបានចាប់ផ្តើមចាក់ថ្នាំចំនួន ១២៥ ម្ជុលដំបូង។ ទោះចំនួនអ្នកទទួលវ៉ាក់សាំងមិនច្រើន ក៏តួលេខនេះនាំមកនូវក្តីសង្ឃឹមថ្មី ព្រោះស្ថានភាពជំងឺរាតត្បាតស្មុគស្មាញនៅជុំវិញពិភព​លោក​។

ប្រភព Twitter/@kantei_vaccine

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: