ការរៃអង្គាសមូលនិធិសហគមន៍ដើម្បីទ្រទ្រង់កន្លែងចិញ្ចឹមខ្ញែសមុទ្រដ៏ធំបំផុតនៅជប៉ុន

អាងចិញ្ចឹមត្រីមួយដែលស្ថិតនៅខេត្ត Yamagata ភាគខាងជើងប្រទេសជប៉ុន បានចាប់ផ្តើមការប្រមូល​មូល​និធិ​សហគមន៍ក្នុងគោល​បំណង​រៃអង្គាសប្រាក់ដើម្បីចិញ្ចឹមខ្ញែសមុទ្រ ដោយសារជួបការលំបាកដែលបណ្តាលមកពីជំងឺរាតត្បាតកូវីដ-១៩ ។

រូបភាព https://english.kyodonews.net/

នៅ Tsuruoka អាងចិញ្ចឹមត្រី Kamo ទាក់ទាញភ្ញៀវទេសចរណ៍ប្រមាណ ៥០ ម៉ឺននាក់ក្នុងមួយឆ្នាំ ប៉ុន្តែដោយសារការរីករាលដាលនៃជំងឺរាតត្បាត រហូតមកដល់ខែមករាឆ្នាំនេះអាងចិញ្ចឹមត្រីទទួលភ្ញៀវបានត្រឹមតែ ២១០,០០០ នាក់​ប៉ុណ្ណោះ។

រូបភាព https://camp-fire.jp/

ជាមួយនឹងភាពជោគជ័យរបស់អាងចិញ្ចឹមត្រីបានទាក់ទាញចំណាប់អារម្មណ៍ភ្ញៀវទេសចរណ៍ជាច្រើន ដែលមុននោះ​លោក Osamu Shimomura ជាអតីតនាយករបស់អាងចិញ្ចឹមត្រី ហើយក៏ជាអ្នកឈ្នះរង្វាន់ណូបែលផ្នែកគីមីវិទ្យាបាន​ណែ​នាំអាងចិញ្ចឹមអំពីរបៀបធ្វើឱ្យសត្វសមុទ្របញ្ចេញពន្លឺ។

រូបភាព https://camp-fire.jp/

ចំនួនភ្ញៀវទេសចរណ៍ធ្លាក់ចុះធ្វើអោយអាងចិញ្ចឹមត្រីជួបបញ្ហាលំបាកក្នុងការទិញបង្គាត្រាំទឹកអំបិល យកធ្វើជាចំណី​សម្រាប់​ខ្ញែសមុទ្រប្រហែល ៦០ ប្រភេទ។

រូបភាព https://camp-fire.jp/

ហេតុ​នេះកាលពីថ្ងៃទី ២១ ខែមករាអាងចិញ្ចឹមត្រីបានបើកយុទ្ធនារៃអង្គាសប្រាក់រយៈពេលមួយខែលើគេហទំព័រ​សហគមន៍​ជប៉ុនដែលមានឈ្មោះថា Campfire Inc. ។ ដើម្បីទទួលបានប្រាក់រៃអង្គាសចំនួន ៥ លានយ៉េនសម្រាប់ចំណាយក្នុងការចិញ្ចឹមខ្ញែសមុទ្ររយៈពេល ១ ឆ្នាំ ការរៃអង្គាសទទួលបានជាង ៣ លានយ៉េនគិតត្រឹមថ្ងៃទី ៣ ខែកុម្ភៈ។

បុគ្គលិកអាងចិញ្ចឹមត្រី Kamo ម្នាក់បានអោយដឹងថា៖ “យើងសង្ឃឹមថានឹងទទួលបានជំនួយក្នុងការការពារខ្ញែសមុទ្រ​អោយ​មាន​សុខភាពល្អ និងស្រស់ស្អាត”។

រូបភាព https://camp-fire.jp/

អ្នកដែលមានបំណងឧបត្ថម្ភអាចបរិច្ចាគប្រាក់ចំនួន ៣០០០ យ៉េនដើម្បីប្តូរសំបុត្រចូលមើលអាងចិញ្ចឹមត្រី និងវត្ថុ​អនុស្សាវរីយ៍មួយចំនួន។

អាងចិញ្ចឹមត្រី Kamo បើកតាំងពីឆ្នាំ ១៩៦៤ ហើយឆ្លងកាត់រយៈពេលដ៏លំបាកជាច្រើន ដោយសារតែចំនួនភ្ញៀវទេសចរណ៍ថយចុះបន្ទាប់ពីអាងចិញ្ចឹមត្រីផ្សេងទៀតបើកតាមបណ្តាខេត្តជិតខាង។ នៅឆ្នាំ ១៩៩៧ ចំនួនភ្ញៀវទេសចរណ៍​ធ្លាក់ចុះប្រហែល ៩ ម៉ឺននាក់ដែលបង្កឱ្យមានពាក្យចចាមអារ៉ាមត្រូវបានបិទ។

ក្នុងគ្រាលំបាកនោះអ្នកគ្រប់គ្រង Tatsuo Murakami មានគំនិតផ្តោតការយកចិត្តទុកដាក់ទៅលើខ្ញែសមុទ្រ បន្ទាប់​ពី​បាន​ឃើញ​ការឆ្លើយតបវិជ្ជមានរបស់ភ្ញៀវទេសចរណ៍ដែលចូលរួមពិព័រណ៍ខ្ញែសមុទ្រ។

រូបភាព https://camp-fire.jp/

ដើម្បីអភិវឌ្ឍ អាងចិញ្ចឹមត្រីបានដាក់ពាក្យសុំចុះឈ្មោះក្នុងសៀវភៅកំណត់ត្រាហ្គីនណេស បន្ទាប់មកខ្ញែសមុទ្រដែលប្រមូលបានជាង ៣០ ក្នុងឆ្នាំ ២០០៧ ។ ហើយនៅឆ្នាំ ២០២១ អាងចិញ្ចឹមត្រីត្រូវបានទទួលស្គាល់ជាឯតទគ្គកម្មពិភព​​លោក​​ហ្គីន​ណេស ដែលក្លាយជាអាងចិញ្ចឹមត្រីមានខ្ញែសមុទ្រច្រើនប្រភេទបំផុត។

AD