ទម្រង់នៃការដាក់ទណ្ឌកម្មដ៏សាហាវបំផុតរបស់ជប៉ុននៅសម័យ​អេដូ

មិនថានៅប្រទេសណាសុទ្ធតែត្រូវគោរពតាមច្បាប់ អ្នកដែលប្រព្រឹត្តអំពើអាក្រក់ត្រូវទទួលទណ្ឌកម្ម។ នៅប្រទេស​ជប៉ុន​ទណ្ឌកម្មដែលធ្ងន់បំផុតគឺទោសប្រហារជីវិត។

បច្ចុប្បន្នវិធីសាស្រ្តដាក់ទណ្ឌកម្មគឺព្យួរក ទោះបីទទួលរងការឈឺចាប់ក៏គ្រាន់តែមួយរយៈពេលប៉ុណ្ណោះ វិធីសាស្ត្រដាក់ទណ្ឌកម្មបែបនេះត្រូវបានគេពិចារណាដើម្បីកាត់បន្ថយការឈឺចាប់ដែលមិនចាំបាច់។

ទោះជាយ៉ាងណានាពេលកន្លងមកទម្រង់ទោសប្រហារជីវិតរបស់ជប៉ុនហាក់ដូចជាធ្ងន់។ អត្តបទថ្ងៃនេះនិយាយអំពីវិធីសាស្រ្តដ៏គួរឱ្យខ្លាចបំផុតដែលគេហៅថា 鋸挽 (Nokogiribiki) ។

កាលនោះការដាក់ទណ្ឌកម្មអាស្រ័យទៅលើតំបន់់នីមួយៗ ជាទូទៅគេកប់អ្នកទោសក្រោមដីកុំអោយរើបំរាស់ទុក​តែ​ក​ប៉ុណ្ណោះ ម្យ៉ាងក្បែរនោះមានរណាមួយ។

នៅកន្លែងកាត់ទោសមានផ្លាកដែលសរសេរថា “ជននេះបានប្រព្រឹត្តកំហុសធ្ងន់ធ្ងរ ប្រសិនបើនរណាម្នាក់ចង់អាច​ទាញ​រណា​អារ។”

នេះជារូបភាពបង្ហាញពីទិដ្ឋភាពកាត់ទោសប្រហារជីវិត។

រូបភាព https://www.excite.co.jp/news/article/Japaaan_91504/?p=2

អ្នកដែលធ្លាប់ប្រើឧបករណ៍នេះប្រហែលជាដឹងថាផ្លែរណាមិនអាចកាត់ដាច់ក្បាលភ្លាមៗបានទេ មានន័យថាត្រូវរងការឈឺចាប់រយៈពេលយូរ។ ក្រៅពីនេះនាំទុក្ខដល់ក្រុមគ្រួសារ និងអ្នកដទៃផងដែរ។

បន្ទាប់ពីកាត់ក្បាលត្រូវគេយកទៅដាក់បង្ហាញក្បែរច្រាំងទន្លេឬជើងស្ពានក្នុងគោលបំណងព្រមានដល់អ្នកផ្សេង។

ក្រោយមកនៅសម័យអេដូទម្រង់ដាក់ទណ្ឌកម្មត្រូវបានផ្លាស់ប្តូរពីព្រោះគ្មាននរណាម្នាក់ទាញរណារនោះទេ។ 

នៅក្នុងសម័យអេដូទម្រង់ដាក់ទណ្ឌកម្មត្រូវបានបែងចែកជាបួនដំណាក់កាល៖

១. ប្រកាស

ដង្ហែឧក្រិដ្ឋជនអង្គុយលើខ្នងសេះប្រកាសអំពីទោសកំហុស។

២. រង់ចាំការប្រហារជីវិត

នេះជាទម្រង់ពង្រីកការប្រកាសដំណឹង ក្នុងរយៈពេលប្រហែល ២-៣ ថ្ងៃឧក្រិដ្ឋជនត្រូវបញ្ជូនចេញទៅច្រាំងទន្លេ នៅទីនោះមានអ្នកបកស្រាយទោសកំហុសចំពោះអ្នកមានចម្ងល់។

៣. ប្រហារជីវិត

ស្រដៀងនឹងវិធីសាស្រមុនដែរ អ្នកដែលចង់អាចទាញរណាអារកអ្នកទោស។

៤. ឆ្កាង

ទោះជាអ្នកទោសប្រហារជីវិតស្លាប់ឬនៅរស់ក៏ត្រូវឆ្កាងលើសសរធំ ហើយទុកចោលរហូតដល់ស្លាប់។

តើបទឧក្រិដ្ឋអ្វីខ្លះដែលនឹងត្រូវដាក់ទណ្ឌកម្មបែបនេះ? នៅសម័យអេដូការបង្កអគ្គីភ័យឬប្លន់ជាឧក្រិដ្ឋកម្មធ្ងន់​ធ្ងរ។ ក្នុងសម័យអេដូផ្ទះធ្វើពីឈើ ដូច្នេះប្រសិនបើមានអគ្គីភ័យកើតឡើង ភ្លើងនឹងរាលដាលយ៉ាងឆាប់រហ័សហើយពិបាក​ក្នុងការពន្លត់។ បទឧក្រិដ្ឋទាំងពីរខាងលើសុទ្ធតែត្រូវទទួលទោសប្រហារជីវិត ដូច្នេះទម្រង់ដាក់ទណ្ឌកម្មបែប Nokogiribiki ឬបូជា។ 

ក្រៅពីនេះបទឧក្រិដ្ឋធ្ងន់ជាងគេគឺសម្លាប់ស្តេចក្រាញ់។ ស្តេចក្រាញ់ជាអ្នកដែលទទួលបានការគោរពប្រតិបត្តិយ៉ាង​​ពេញ​លេញពីសាមូរ៉ៃនៅក្នុងតំបន់។ មិនអាចប៉ះពាល់បានឡើយ អ្នកដែលមានបំណងធ្វើឃាតស្តេចក្រាញ់នឹងទទួលទណ្ឌកម្មធ្ងន់បំផុត។

លើសពីនេះការសម្លាប់ឪពុកក៏ជាបទឧក្រិដ្ឋដែលមិនអាចលើកលែងបានដែរ ព្រោះឪពុកជាម្ចាស់គ្រួសារ (ខណៈដែល​ស្តេច​ក្រាញ់ជាម្ចាស់​លើទឹកដី) ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: