ក្នុងកំឡុងពេលធ្វើការនៅផ្ទះ តើជនជាតិ​ជប៉ុនធ្វើអ្វីខ្លះដើម្បីបំបាត់​ភាព​តាន​តឹង?

ដោយសារបញ្ហាជំងឺកូវីដមនុស្សជាច្រើនចាប់ផ្តើមប្តូរទៅធ្វើការនៅផ្ទះ។ ដំបូងពួកគេមានការលំ​បាក​ព្រោះ​អុីន​ធឺ​ណេត​​គ្មាន​ស្ថេរភាព ហើយមិនធ្លាប់ធ្វើការនៅផ្ទះ ប៉ុន្តែក្រោយមកប្រជាជនជប៉ុនភាគច្រើនបានសម្របខ្លួនបន្តិចម្តងៗ ។ មិនថាល្អឬអាក្រក់នោះទេ ប៉ុន្តែការរីករាលដាលជំងឺដល់សាហាវមួយនេះបានធ្វើអោយក្រុមហ៊ុនដែលប្រើទម្រង់ធ្វើការពីចម្ងាយកើនឡើង។

រូបភាព https://woman.excite.co.jp/article/lifestyle/rid_Kurasso_9019/

តាមទស្សនៈរបស់ក្រុមហុនដែលអនុញ្ញាតឱ្យបុគ្គលិកធ្វើការពីចម្ងាយអាចកាត់បន្ថយថ្លៃជួលការិយាល័យ​ឬ​ការ​ធ្វើដំណើររបស់បុគ្គលិក។ ទោះជាយ៉ាងណាសម្រាប់អ្នកដែលធ្វើការនៅផ្ទះក៏មានសម្ពាធណាស់ដែរ។

ឧទាហរណ៍៖ ធម្មតាប្តីចេញទៅធ្វើការ ប្រពន្ធនៅផ្ទះចាត់ចែងកិច្ចការងារក្នុងផ្ទះ សម្អាតគេហដ្ឋាន … ប៉ុន្តែនៅពេលប្តីធ្វើការនៅផ្ទះបន្ទុកលើប្រពន្ធកើនឡើង ប្រពន្ធត្រូវរៀបចំអាហារ ៣ ពេលសម្រាប់ប្តី។

ជាមួយនឹងបញ្ហាខាងលើនេះមានការស្ទង់មតិមួយត្រូវបានធ្វើឡើងដោយមនុស្ស ១០ មុឺននាក់ក្រោមសំណួរថា “តើអ្នកធ្វើអ្វីដើម្បីបំបាត់​ភាព​តាន​តឹង​ក្នុងកំឡុងជំងឺកូវីដ?”

យើងដឹងហើយថាប្រជាជនជប៉ុនមិនមែនជាជនជាតិតែមួយគត់ដែលជួបបញ្ហាជំងឺកូវីដនោះទេ តើពួកគេធ្វើអ្វីខ្លះដើម្បីបំបាត់ភាពតានតឹង?

រូបភាព https://media.karakoto.com/health/IL6lH

១. គេង ៣៩.៣%

២. មើលទូរទស្សន៍ ៣៧,៣%

៣. ប្រើប្រាស់អុីនធឺណេត ៣៦,៨%

៤. ធ្វើចិត្តអោយធូរស្រាល ៣៤% 

៥. ផឹកកាហ្វេ ៣៤%

៦. ហូបបង្អែម ៣០,៧% 

៧. ស្តាប់ចម្រៀង ២៦,៨%

៨. ហាត់ប្រាណ ២៦.៥%

៩. មិនគិតពីអ្វីទាំងអស់ ២៥.១%

១០. មើលវីដេអូលើ Netflix ២៤,៥%

១១. ប្រើបណ្តាញសង្គម ២២.៦%

១២. មើលភាពយន្តនៅផ្ទះ ២២.៥%

១៣. ដេកថ្ងៃត្រង់ ២១,៦%

១៤. និយាយទូរស័ព្ទ ២០.៣%

១៥. សម្អាតផ្ទះ ២០,១%

១៦. អានសៀវភៅ ២០,០%

១៧. ផឹកស្រា Sake នៅផ្ទះ ១៨.០%

១៨. លេងហ្គេម ១៧.១%

១៩. ងូតទឹក ១៧.០%

២០. ធ្វើការ ១១,៤%

ចម្លើយមានច្រើនដូចជាគេង អានសៀវភៅ មើលភាពយន្តជាដើម… ប៉ុន្តែក្នុងនោះមានចម្លើយខ្លះស្តាប់ទៅដូច​ជា​ប្លែក​ណាស់ “ផឹកស្រា Sake នៅផ្ទះ” ។

តើអ្នកធ្វើអ្វីខ្លះដើម្បីបំបាត់ភាពតានតឹងក្នុងកំឡុងជំងឺកូវីដរាតត្បាត?

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: