ហេតុ​អ្វីព្រះសង្ឃជប៉ុនអាចបរិភោគសាច់ ផឹកស្រា រៀបការ និងមានកូន?

វប្បធម៌ព្រះពុទ្ធសាសនារីកផ្សព្វផ្សាយនៅទូទាំងពិភពលោក ជាពិសេសបណ្តាប្រទេសនៅអាស៊ី។ នៅប្រទេសជប៉ុនពុទ្ធ​សាសនិកមានចំនួនច្រើន ហើយចំនួនប្រាសាទព្រះពុទ្ធសាសនាក៏ច្រើនណាស់ដែរ។

នៅជប៉ុនព្រះពុទ្ធសាសនាមានប្រភពមកពីប្រទេសឥណ្ឌា និងចិន ដូច្នេះមានលក្ខណៈស្រដៀងនឹងប្រទេសដទៃទៀត។ ទោះជាយ៉ាង​ណា​ ក៏​មាន​ភាព​ខុសគ្នាមួយចំនួនដូចខាងក្រោម៖

• ព្រះសង្ឃត្រូវបានអនុញ្ញាតឱ្យផឹកស្រា
• ព្រះសង្ឃអាចបរិភោគសាច់
• ព្រះសង្ឃក៏អាចរៀបការ និងមានកូនបានដែរ

បទប្បញ្ញត្តិខុសគ្នាអាស្រ័យលើសាសនា ប៉ុន្តែជាទូទៅបទប្បញ្ញត្តិប្លែកៗទាំងនេះធ្វើអោយពុទ្ធសាសនិកជាច្រើន ឬសូម្បីតែអ្នកមិនកាន់ពុទ្ធសាសនាក៏មានការភ្ញាក់ផ្អើលផងដែរ។

ភាគច្រើនមនុស្សគិតថា អ្នកបួសត្រូវវាចាកអ្វីដែលទាក់ទងនឹងលោកីយ រក្សាចិត្តស្ងប់ ហេតុ​អ្វីបានជាប្រព្រឹត្តិដូចមនុស្ស​​ធម្មតា?

ចូរស្វែងយល់អំពីទំនាក់ទំនងរវាងព្រះពុទ្ធសាសនានៅប្រទេសជប៉ុន និងស្រា Sake ។

មិនត្រឹមតែព្រះពុទ្ធសាសនាប៉ុណ្ណោះទេ សូម្បីតែសាសនាដទៃទៀតក៏ហាមមិនអោយពុទ្ធបរិស័ទផឹកស្រាផងដែរ។ នៅក្នុងបទបញ្ញត្តិព្រះ​ពុទ្ធ​សាសនាជប៉ុនក៏ណែនាំមិនឱ្យផឹកស្រាច្រើន ប៉ុន្តែមិនហាមឃាត់ទាំងស្រុងនោះទេ។ ហេតុតែដូច្នោះដោយសារឥទ្ធិពលរបស់ស៊ីនតូ។

ដើម្បីកាន់តែងាយយល់សូមស្រមៃគិតអំពីស៊ីនតូដូចជាពិភពរបស់ព្រះនាង Mononoke ផលិតកម្ម Ghibli នោះជាពិភពមួយមានទេវតាខុសៗគ្នាគង់ក្នុងព្រៃ។ ស្រា Sake មានតួនាទីបន្សុទ្ធកន្លែងបែបនោះ។

ព្រោះតែគំនិតនេះការរួមបញ្ចូលគ្នារវាងស៊ីនតូ និងពុទ្ធសាសនាក្នុងវប្បធម៌សាសនារបស់ជនជាតិជប៉ុន ដូច្នេះនៅក្នុងព្រះពុទ្ធ​សាសនា​ផឹក​​ស្រា Sake ត្រូវបានអនុញ្ញាត។

នៅវត្តព្រះសង្ឃថែមទាំងធ្វើស្រាទុកជាតង្វាយ ហើយស្រាក៏ត្រូវបានប្រើក្នុងពិធីជប់លៀងនៅវត្តផងដែរ។

ចុះការបរិភោគសាច់វិញ?

អាហារបួសក្នុងវត្ត

រូបភាព https://sousou-shiki.jp/column/other/7859/

ព្រះពុទ្ធសាសនាជប៉ុនហាមឃាត់ការសម្លាប់សត្វ ដូច្នេះសាច់ ត្រី និងស៊ុតជាអាហារដែលត្រូវហាមឃាត់។

មិនត្រឹមតែប៉ុណ្ណឹងរុក្ខជាតិមានក្លិនមួយចំនួនដូចជាខ្ទឹម ស្លឹកខ្ទឹម ស្លឹកកាឆាយ ខ្ទឹមជ្រក់ក៏ត្រូវហាមឃាត់ផងដែរ។ ទន្ទឹមនឹងការហាមឃាត់មានលក្ខខណ្ឌពិសេសមួយចំនួន។

រឿងនេះកើតចេញមកពីក្រុមព្រះសង្ឃឥណ្ឌាដើរបិណ្ឌបាត ក្នុងអំឡុងពេលនោះពួកគេបរិភោគត្រី និងសាច់បើស្ថិតក្នុងលក្ខខណ្ឌ ៣ ដូចខាងក្រោម៖

• មិនឃើញសត្វដែលត្រូវសម្លាប់
• សត្វមិនត្រូវបានសម្លាប់ដោយអ្នកបួស
• លក្ខខណ្ឌទាំងពីរខាងលើប្រាកដជាគ្មានអ្វីត្រូវសង្ស័យឡើយ

ព្រះពុទ្ធសាសនាដើមក៏មិនហាមការទទួលទានសាច់ គ្រាន់តែហាមមិនអោយសម្លាប់សត្វ។ បទប្បញ្ញត្តិហាមមិនអោយ​បរិភោគសាច់មានប្រភពមកពីប្រទេសចិន ហើយជះឥទ្ធិពលមកលើប្រទេសដទៃទៀត។

នៅប្រទេសជប៉ុនព្រះសង្ឃមួយចំនួននៅតែបរិភោគអាហារបួស ក្រៅពីនេះព្រះសង្ឃផ្សេងទៀតអាចបរិភោគសាច់ដូច​មនុស្ស​ធម្មតា។

ហេតុអ្វីអាចរៀបការ មានកូន?

ពុទ្ធសាសនា jōdo-shin-shū ជាសាសនាមួយនៅជប៉ុន ត្រូវបានបង្កើតឡើងដោយ Shinran រៀបការផ្លូវការ ហើយ​មានកូន ៧ នាក់។ មូលហេតុរៀបការមានកូនព្រោះខ្លាចគ្មានអ្នកស្នងតំណែង។

នៅជប៉ុន ការរស់នៅរបស់ព្រះសង្ឃមិនខុសពីមនុស្សធម្មតាប៉ុន្មានឡើយ។

Kengo Abe