តើអ្នកដឹងទេថាសាមូរ៉ៃធ្លាប់ប្រកបមុខរបរធ្វើចម្លាក់ឈើខ្លាឃ្មុំ?

កោះហុកកៃដូគឺជាទឹកដីនៃធម្មជាតិដ៏សម្បូរបែប ជាមួយនឹងការអភិវឌ្ឍរបស់សត្វព្រៃជាច្រើនប្រភេទ។ ក្នុងចំណោម​​នោះ​​ខ្លា​ឃ្មុំ​ពណ៌ត្នោតជាសត្វព្រៃដែលមានគ្រោះថ្នាក់បំផុត។

រូបភាព https://news.nicovideo.jp/watch/nw5803724/comments/32647052

ប្រសិនបើគ្រាន់តែក្រឡេកមើលរូបភាព មនុស្សភាគច្រើនឃើញថាវាគួរអោយស្រលាញ់ព្រោះតែភ្នែកមូលធំ។ សត្វខ្លាឃ្មុំពណ៌ត្នោតមានប្រវែង ២ ម៉ែត្រ ទម្ងន់ប្រហែល ៤០០ គីឡូក្រាម អាចរត់ក្នុងល្បឿន ៥០ គីឡូម៉ែត្រក្នុងមួយម៉ោង ដូច្នេះ​បើ​ត្រូវវាវាយប្រហារឳកាសរនៅ​រស់​ពិតជាទាបណាស់។

នៅហុកកៃដូរូបចម្លាក់ឈើមានរូបរាងខ្លាឃ្មុំជាវត្ថុអនុស្សាវរីយ៍ដ៏ល្បីក្នុងស្រុក។

រូបភាព https://page.auctions.yahoo.co.jp/jp/auction/s671640049/

រូបចម្លាក់ខ្លាឃ្មុំយកតម្រាប់តាមសកម្មភាពរបស់វាពេលកំពុងចាប់ចំណី សត្វខ្លាឃ្មុំកំពុងពាំត្រីសាម៉ុនមួយក្បាល។

រូបភាព https://blog.goo.ne.jp/dollyvardensalvelinus/e/8f827faf48c7ddb6cb4c1af83d1f64b5

អាជីពឆ្លាក់ឈើមានតាំងពីយូរណាស់មកហើយ ពាក្យចចាមអារ៉ាមខ្លះនិយាយថានេះជាការងាររបស់សាមូរ៉ៃ។ សម័យ​កាល​ផ្លាស់ប្តូរ សព្វថ្ងៃការងារនេះទទួលខុសត្រូវដោយសិប្បករ។ ប៉ុន្តែនៅចុងទសវត្សឆ្នាំ ១៨០០ ដោយដឹង​ថា​សាមូរ៉ៃ​ជាអ្នកធ្វើ​រូបចម្លាក់ខ្លាឃ្មុំទាំងនេះ។

ប្រភពដើមនៃខ្លាឃ្មុំទាំងនេះប្រហែលនៅឆ្នាំ ១៨៧៨ បង្ហញខ្លួនដំបូងនៅ Yakumo ស្រុក Futami កោះហុកកៃដូ នេះជាទីក្រុងជាប់នឹងមហាសមុទ្រប៉ាស៊ីហ្វិក និងសមុទ្រជប៉ុន។

នៅឆ្នាំ ១៨៧៨ ដោយសារគោលនយោបាយរបស់រដ្ឋាភិបាលនាពេលនោះ ភាគច្រើនសាមូរ៉ៃបាត់បង់ការងារ ហើយ​ក៏​ជាសម័យកាលដ៏រុងរឿងរបស់សាមូរ៉ៃត្រូវបញ្ចប់ផងដែរ។ ទោះជាយ៉ាងណាសាមូរ៉ៃនៅតែបន្តមុខ​របរ​ចិញ្ចឹម​ជីវិត។ នៅពេលនោះស្តេចក្រាញ់របស់ Owari-han (សព្វថ្ងៃគឺ Nagoya) បានបញ្ជូនអ្នកក្រោមបង្គាប់ទៅរស់នៅតំបន់​ហុកកៃដូ ពួកគេត្រូវបង្ខំអោយរុករកដីថ្មីដើម្បីកសាងទឹកដីរបស់ខ្លួន។

ក្រោយមកនៅឆ្នាំ ១៩២៣ ស្តេចក្រាញ់ជំនាន់បន្តបន្ទាប់នៅតំបន់ហុកកៃដូទៅដល់អឺរ៉ុប ហើយនាំយករូបចម្លាក់ខ្លាឃ្មុំពីប្រទេសស្វីស។ ពេលនោះការចំណាយក្នុងការរស់នៅរបស់សាមូរ៉ៃពឹងផ្អែកទាំងស្រុងលើកសិកម្ម។ គេនិយាយថារូបចម្លាក់ខ្លាឃ្មុំឈើអាចធ្វើអោយជីវភាពប្រសើជាងមុន។

នៅផ្លូវ Yakumo ជាកន្លែងដំបូងធ្វើចម្លាក់ឈើខ្លាឃ្មុំ ហើយក៏មានសារមន្ទីរមួយដាក់តាំងស្នាដៃចម្លាក់ដែរ។

រូបភាព https://dime.jp/genre/1043413/

នៅទីនោះអ្នកអាចមើលដំណើរការឆ្លាក់ចម្លាក់ឈើ។

រូបភាព https://dime.jp/genre/1043413/

នៅខាងឆ្វេងជារូបចម្លាក់ដែលនាំមកពីប្រទេសស្វីស រីឯរូបខាងស្តាំត្រូវបានធ្វើនៅប្រទេសជប៉ុន។

ដំបូងស្នាដៃមានលក្ខណៈសាមញ្ញ ប៉ុន្តែក្រោយមកជនជាតិជប៉ុនបានអភិវឌ្ឍបច្ចេកទេសផ្ទាល់ខ្លួន។ ចម្លាក់ឈើឆ្លាក់​ចេញ​ជារោមខ្លាឃ្មុំបង្កើតបានជាអារម្មណ៍រស់រវើក។

ចំពោះចម្លាក់ឈើខាងក្រោម ពេលក្រឡេកមើលដំបូងដូចជាឈើមួយដុំ តែបើមើលជិតនឹងឃើញរាងខ្លាឃ្មុំ។

ប្រសិនបើអ្នកមានឱកាសទៅលេងហុកកៃដូអាចឆ្លៀតទិញរូបចម្លាក់ខ្លាឃ្មុំក្នុងហាងលក់វត្ថុអនុស្សាវរីយ៍។ លើសពីនេះទៅទៀតមិនមែនគ្រប់គ្នាសុទ្ធតែដឹងអំពីទំនាក់ទំនងពិសេសរវាងចម្លាក់ខ្លាឃ្មុំ និងសាមូរ៉ៃនោះទេ រួមទាំងជន​ជាតិ​ជប៉ុន​ផង​ដែរ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: