ស្វែងយល់អំពីជីវិតប្រចាំថ្ងៃរបស់ព្រះសង្ឃជប៉ុនថាតើត្រូវធ្វើអ្វីខ្លះ?

នៅប្រទេសជប៉ុនវត្តប្រាសាទព្រះពុទ្ធសាសនានីមួយៗមានលក្ខណៈស្ថាបត្យកម្មរៀងខ្លួន ហើយខុសពីវត្តនៅបណ្តាប្រទេស​អាសុីផ្សេងទៀត។

សូម្បីតែការអនុវត្តតាមសាសនារបស់ព្រះសង្ឃជប៉ុនក៏ដូចជាពួកគេអាចរៀបការនឹងធ្វើអោយអ្នកមានការភ្ញាក់ផ្អើល។

ទោះជាយ៉ាងណាមានរឿងមួយប្រាកដជាមិនដូចក្នុងខ្សែភាពយន្តទេ ព្រះសង្ឃជប៉ុនគ្មានពេលទំនេរទាល់តែសោះ។

ជួបជាមួយ JAPO ស្វែងយល់ដំណើររបស់ព្រះសង្ឃនៅប្រសាទ Daihonzan Eiheiji ខេត្ត Fukui ប្រទេស​ជបុន​ទាំង​អស់​គ្នា។

រូបភាព https://ja.wikipedia.org/wiki/永平寺

ប្រាសាទនេះកសាងឡើងនៅឆ្នាំ ១២៤៤ មានអាយុកាលយូរ ហើយក៏ជាកន្លែងយ៉ាងឱឡារិកសម្រាប់ព្រះពុទ្ធសាសនា។ សូម្បីតែភ្ញៀវទេសចរណ៍ដែលមកដល់ទីនេះក៏ត្រូវរក្សាភាពស្ងៀមស្ងាត់ដែរ។ ជីវិតប្រចាំថ្ងៃរបស់ព្រះសង្ឃដែល​រស់​នៅ​ប្រាសាទមានដូចខាងក្រោម។

ក្រោកពីម៉ោង ៣ៈ៣០ នាទីព្រឹក (បើរដូវរងាក្រោកពីម៉ោង ៤ៈ០០ ព្រឹក) ។ បន្ទាប់ពីភ្ញាក់ត្រូវធ្វើសមាធិភ្លាម (Zazen – 座禅) ហើយទៅសូត្រធម៌ពេលព្រឹក។

រូបភាព https://daihonzan-eiheiji.com/unsui.html

បន្ទាប់មកទៀតព្រះសង្ឃឃនឹងបរិភោគអាហារពេលព្រឹក រួចបន្តធ្វើសមាធិ បោសសម្អាត និងរៀនសូត្រ។

រហូតដល់ផុតអាហារថ្ងៃត្រង់ការធ្វើសមាធិ សម្អាត និងរៀនសូត្រត្រូវបន្ត។

ល្ងាចក្រោយពេលសូត្រធម៌ចប់បរិភោគអាហារពេលល្ងាច។

ក្រោយពេលបរិភោគអាហារពេលល្ងាចព្រះសង្ឃធ្វើសមាធិហើយចូលគេងនៅម៉ោង ៩ៈ០០ យប់។

ចុះចំណែកគេងថ្ងៃ? ប្រាកដជាគ្មានទេ។

ការបោសសម្អាតជាផ្នែកមួយក្នុងការហ្វឹកហាត់សុខភាពអោយរឹងមាំ។

ដោយសារតែត្រូវបានបោសសម្អាតរាល់ថ្ងៃទើបកម្រាលជាន់ភ្លឺរលោង ហេតុ​នេះបានជាប្រាសាទ Eiheiji ល្បីថាកម្រាល​ជាន់ស្អាតរហូតដល់អាចឆ្លុះមុខ។ មិនត្រឹមតែប៉ុណ្ណឹងផ្នែកខាងក្រៅក៏ត្រូវបានបោសសម្អាត មនុស្សគ្រប់គ្នាគោរពប្រតិបត្តិមិនត្អូញត្អែរ។ ផ្ទុយទៅវិញពួកគេមើលទៅពិតជាមានភាពធូរស្រាលនឹងការងារណាស់។

ប្រាសាទមានអាគារស្ថាបត្យកម្មចំនួន ៧ តោះចូរក្រឡេកមើលទាំងអស់គ្នា។

នៅលើពិដានត្រូវបានរចនាឡើងយ៉ាងពិសេសភ្ជាប់ផ្ទាំងគំនូរបែបជប៉ុនចំនួន ២៣០ ផ្ទាំង ដោយស្នាដៃវិចិត្រករចំនួន ១៤៤ រូបគូរនៅដើមសម័យ Showa ។

រូបភាព https://gurutabi.gnavi.co.jp/a/a_2012/

បន្ទាប់មកជាស្នាដៃចម្លាក់ដែលត្រូវបានរចនាឡើងក្នុងទម្រង់ជាទ្វាររុញ ហើយគ្មានធូលីសម្បីតែបន្តិច។

ក្នុងកន្លែងសក្ការៈបូជាក៏ធំទូលាយអស្ចារ្យផងដែរ។

ចំណែកសួនក៏ត្រូវបានថែទាំយ៉ាងយកចិត្តទុកដាក់។

ទេសភាពទាំងអស់ខាងលើនាំមកនូវភាពបរិសុទ្ធសម្រាប់ប្រាសាទ ធ្វើអោយភ្ញៀវទេសចរណ៍ចូលទៅកាន់ប្រាសាទមានអារម្មណ៍ស្ងប់ស្ងាត់ក្នុងចិត្ត។ ទាំងនេះជាការខិតខំសម្អាតរបស់ព្រះសង្ឃនៅប្រាសាទ។

ហើយនេះជាផ្នែកសំខាន់បំផុតនៃប្រាសាទគឺច្រកទ្វារធំ។

ជីវិតមនុស្សម្នាក់ៗអាចឆ្លងកាត់ច្រកទ្វារនេះបានតែ ២ ដងប៉ុណ្ណោះ។ លើកទីមួយពេលបួសជាព្រះសង្ឃ និងលើកទីពីរពេលបញ្ចប់រយៈពេលបួសចាកចេញពីវត្ត។

នៅទីនេះជាប្រាសាទតឹងរឹងតែក៏ជាកន្លែងដែលលោក Steve Jobs ធ្លាប់សុំមកបួស ប៉ុន្តែគាត់ធ្លាប់ត្រូវព្រះសង្ឃក្នុង​វត្ត​អោយបោះបង់ការសម្រេចចិត្តបួសរបស់ខ្លួន។ ព្រះសង្ឃរូបនោះមានសង្ឃដីកាដូចតទៅ៖

“អ្នកមានការងារត្រូវធ្វើ ចូរបញ្ចប់ការងារមុនសិន” ។

ការងារប្រចាំថ្ងៃរបស់ព្រះសង្ឃក្នុងវត្ត Eiheiji មើលទៅដូចជាងាយស្រួល ប៉ុន្តែមិនដូច្នេះឡើយ គ្រាន់តែពួកគេបន្តជា​ទម្លាប់​រាល់ថ្ងៃ។

បើប្រៀបជាមួយព្រះសង្ឃនៅកម្ពុជា តើមានភាពខុសគ្នាទេ? ប្រសិនបើអ្នកកំពុងរស់នៅក្នុងទីក្រុងតូក្យូអាចជិះរថភ្លើង ហើយចំណាយពេលមួយថ្ងៃទៅវត្ត។ ប្រហែលជាអ្នកនឹងមានអារម្មណ៍ធូរស្បើយ ហើយភ្លេចបញ្ហាខ្លះៗក្នុងជីវិត។

ព័ត៌មាន៖

វត្ត Daihonzan Eiheiji (大本山　永平寺)

5-15 Eiheiji, Yoshida District, Fukui Prefecture, Japan

Kengo Abe