ពាក្យចចាមអារាមទាក់ទងនឹងសំណួរ “តើនរណាសម្រាកនៅក្នុង​ផ្នូរ​ដ៏​ធំ​ជាង​គេ​នៅ​លើ​ពិភព​លោក?”

ពីរ៉ាមីតគឺជាផ្នូរដ៏ធំដែលល្បីលាញបំផុតរបស់ស្តេចផារ៉ោន (ស្តេចអេហ្ស៊ីប) ។ រីឯប្រទេសជប៉ុនក៏មានផ្នូរដ៏ធំមួយដែល​សព្វ​ថ្ងៃស្ថិតនៅក្នុងទីក្រុង Sakai ខេត្ត Osaka ។

រូបភាព https://tabicoffret.com/article/76995/index.html

ប្រសិនបើអ្នកក្រឡេកមើលផ្នូរហើយធ្វើការប្រៀបធៀបជាមួយផ្ទះដែលនៅជុំវិញឃើញថាពិតជាធំណាស់។

នេះជារូបភាពប្រៀបធៀបនឹងទំហំពីរ៉ាមីតរបស់ព្រះចៅផារ៉ាអុង Khufu ដែលត្រូវគេចាត់ទុកជាផ្នូរធំជាងគេនៅ​អេហ្ស៊ីប។

រូបភាព http://sondabara.com/nintokutennouryo/

ផ្នូរដែលធំជាងគេនៅលើពិភពលោកមានឈ្មោះថា Nintokuten no Uryo ។

យោងតាមឈ្មោះគេជឿថាអ្នកដែលនៅក្នុងផ្នូរជាអធិរាជទី ១៦ របស់ជប៉ុនគឺអធិរាជ Nintoku ។ ប៉ុន្តែជាក់ស្តែងរឿង​នេះ​យ៉ាង​ណា?

ភាគច្រើនពាក្យចចាមអារាមនិយាយថាឈ្មោះត្រូវបានផ្លាស់ប្តូរ មនុស្សជាច្រើនគាំទ្រទស្សនៈជាផ្នូរអនាមិក។ ក្រៅពីនេះរដ្ឋាភិបាល​ហាម​ឃាត់បើកការស៊ើបអង្កេតផ្នែកខាងក្នុងផ្នូរ ដើម្បីកុំអោយរំខានដល់អ្នកដែលបានចែកឋាន។ ហេតុ​ដូច្នេះរឿងនេះនៅតែជាអាថ៌​កំបាំងនៅឡើយ។

ទន្ទឹមជាមួយនឹងអាថ៌កំបាំងតែងតែមានការសន្មត។ ថ្ងៃនេះយើងនឹងសិក្សាទៅលើគំនិតដែលទាក់ទងនឹងមនុស្សកំពុងសម្រាកនៅក្នុងផ្នូរនេះ។

១. តើជនជាតិ​អាមេរិកដឹងរឿងនេះទេ?

ក្នុងអំឡុងសង្គ្រាមជប៉ុនជាប្រទេសចាញ់។ លោក Douglas MacArthur ជាឧត្តមសេនីយ៍ជនជាតិអាមេរិកម្នាក់ដែល​ទទួល​ខុសត្រូវក្នុងការដឹកនាំកងទ័ពទៅកាន់កាប់។

រូបភាព https://www.huffingtonpost.jp/2016/08/29/douglas-macarthur-come-to-japan_n_11769044.html

ហើយបុគ្គលនេះក៏ទទួលខុសត្រូវចំពោះការកាត់ទោសឧក្រិដ្ឋជនសង្គ្រាមក្នុងរាជវាំងជប៉ុនផងដែរ ក្នុងនោះព្រះ​ចៅ​អធិរាជ​ជាអ្នកនាំមុខគេ។

ព្រោះតែស្មារតីស្អប់ចំពោះអធិរាជជប៉ុន មុនពេលមកដល់ប្រទេសនេះលោក Douglas MacArthur បានប្រមូលព័ត៌​មាន​និយាយ​ពីអធិរាជទាំងអស់។

នៅថ្ងៃទី ៣០ ខែសីហាសភាអាមេរិកបានអនុម័តលើ “គោលនយោបាយរបស់អាមេរិកចាត់ទុកអធិរាជជប៉ុនជាឧក្រិដ្ឋជនសង្គ្រាម” ប៉ុន្តែក្រោយមកមានការផ្លាស់ប្តូរជាច្រើន។

ក្នុងចំណោមក្រុមហ៊ុនសារព័ត៌មានឈានមុខគេ New York Times ធ្លាប់សង្កត់ធ្ងន់ថាជប៉ុនគួរតែត្រូវកម្ចាត់​ចោល។ ទោះជាយ៉ាងណាចាប់ពីថ្ងៃទី ២៦ ខែកញ្ញាបែរជាផ្លាស់ប្តូរទស្សនៈការ​ពារ​អធិរាជជប៉ុន។ សូម្បីតែលោក MacArthur ក៏ប្តូរទស្សនៈហើយសម្រេចចិត្តការពារអធិរាជផងដែរ។

តើមានអ្វីកើតឡើងក្នុងរយៈពេល ១ ខែដ៏ខ្លីនោះ?

ដោយដឹងថាក្នុងអំឡុងពេលនោះទ័ពកាន់កាប់បានស៊ើបអង្កេតកន្លែងមួយចំនួននៅក្នុងប្រទេសជប៉ុន។ ដំបូង​គឺទីសក្ការៈបូជា Ise Jingu បន្ទាប់មកគឺផ្នូរ Nintoku ។ គេនិយាយថាក្រុមស៊ើបអង្កេតយោធាបានរាយការណ៍ការ​រក​ឃើញមួយចំនួន ហើយរកឃើញអ្វីម្យ៉ាងផ្លាស់ប្តូរគំនិតរបស់លោក Douglas MacArthur ក្នុងរយៈពេលខ្លី។

២. តើមានទីតាំងស្រដៀងគ្នានេះក្នុងភពព្រះអង្គារដែរឬទេ?

ផ្នូរមានរូបរាងចម្លែកដូចជារន្ធសោ ប៉ុន្តែមិនដឹងថាហេតុ​អ្វីមានរាងដូច្នោះឡើយ។

លើសពីនេះក្នុងសម័យដែលបច្ចេកវិទ្យាមិនទាន់អភិវឌ្ឍបែរជាអាចកសាងគម្រោងដ៏ធំហើយស្អាតដូច្នេះ រហូតមក​ដល់​ពេល​នេះវានៅតែជាអាថ៌កំបាំងនៅឡើយ។

ទោះជាយ៉ាងណាមនុស្សមួយចំនួនបានរកឃើញរូបរាងស្រដៀងគ្នាក្នុងរូបថតនៅលើភពព្រះអង្គាររបស់ Google ។

រូបភាព https://ameblo.jp/rubvtan/entry-12377791532.html

តើថ្មអាចនឹងផ្លាស់ប្តូររូបរាងរបស់វាដោយចៃដន្យដូចនេះទេ? មានការសន្មតជាច្រើន ប៉ុន្តែដោយសារខ្វះការយល់ដឹងចំពោះរចនាសម្ព័ន្ធផ្នូរបុរាណនៅជប៉ុន ពិតជាមិនអាចបដិសេធសម្មតិកម្មនេះឡើយ។

យោងទៅតាមទស្សនៈរបស់ជនជាតិជប៉ុន អធិរាជគឺជាកូនចៅរបស់ព្រះមកពីដែនដីបរិសុទ្ធហៅថា Takamabahara យាងចុះផែនដី។

ចុះបើ Takamabahara ជាភពព្រះអង្គារវិញ? ដូច្នេះអាចជាការបកស្រាយចំពោះរូបរាងដូចគ្នានៅក្នុងសម្មតិកម្ម​មុន​នោះ។

Kengo Abe