បច្ចេកវិទ្យា Bluetooth ឈានដល់កម្រិតប្រើបានទាំងផ្នូរអេឡិចត្រូនិច

ថ្ងៃចន្ទ 28/12/2020 | 18:19 ល្ងាច

នៅជប៉ុនការសាងសង់ផ្នូរត្រូវចំណាយច្រើន ជាពិសេសនៅតំបន់ទីប្រជុំជនដែលមានមនុស្សច្រើន។ មិនមែនមានលុយអាចទិញកន្លែងបញ្ចុះសពនោះទេ ហើយក៏មិនគួរទិញកន្លែងបញ្ចុះសពដែលនៅឆ្ងាយព្រោះមិនងាយទៅមើលផ្នូរ។

ដោយការព្រួយបារម្ភទាំងនេះបង្កើតបានជាទម្រង់បញ្ចុះសពរួមឬកន្លែងដាក់ធាតុ។ ទោះបីជាកន្លែងដាក់ធាតុមានភាពងាយស្រួលហើយថោក ប៉ុន្តែមិនមែនជាកន្លែងបញ្ចុះសពសមរម្យ ដូច្នេះជនជាតិជប៉ុនមានអារម្មណ៍មិនស្រួលក្នុងចិត្តចំពោះសាច់ញាតិដែលបានចែកឋាន។

បន្ទាប់មកចូរក្រឡេកមើលផ្នូរដែលប្រើបច្ចេកវិទ្យាទំនើបបំផុតនាពេលបច្ចុប្បន្ន នោះគឺជាផ្នូរតភ្ជាប់ Bluetooth ។

រូបភាព https://mag.japaaan.com/archives/134727

នៅទីបញ្ចុះសព Yachiyo Yukyu no Sato ខេត្ត Chiba ថ្មដាក់ក្បាលផ្នូរឈ្មោះ Hikari មានអេក្រង់អេឡិចត្រូនិច អនុញ្ញាតអោយអ្នកទៅមើលផ្នូរប្រើយ័ន្តដំណើរការបច្ចេកវិទ្យា BLE (Bluetooth Low Energy) លើថ្មដាក់ក្បាលផ្នូរ។

ឈ្មោះនៅលើថ្មដាក់ក្បាលផ្នូរបង្ហាញលើក្រដាសអេឡិចត្រូនិចជាប្រភេទដែលគេប្រើក្នុង E-book ។

នៅពេលចូលទៅជិតផ្នូរឧបករណ៍ចាប់សញ្ញាបើកដំណើរការ ហើយឈ្មោះនឹងលេចឡើង។ អក្សរលើអេក្រង់ប្តូរដោយស្វ័យប្រវត្តិអាស្រ័យលើអ្នកមើលផ្នូរ អ្នកក៏អាចជ្រើសរើសរបៀបដាក់បង្ហាញខុសៗគ្នាផងដែរ។