តើគោកូបេក្លាយជាតំណាងសាច់គោជប៉ុនតាំងពីពេលណា?

តើអ្នកទាំងអស់គ្នាចូលចិត្តទទួលទាន Yakiniku (សាច់អាំង) ទេ?

ក្នុងចំណោមប្រភេទសាច់អាំង សាច់គោជប៉ុន (Wagyu) ត្រូវគេចាត់ទុកថាមានតម្លៃខ្ពស់បំផុត។ សាច់គោជប៉ុនបន្ទាប់ពីអាំងទន់រលាយក្នុងមាត់ ជាពិសេសបាយស្រូបសាច់ពិតជាឆ្ងាញ់ខ្លាំងណាស់។

រូបភាព https://nikuyanodaidokoro-ueno.com

ពេលនិយាយពីសាច់គោជប៉ុន មនុស្សជាច្រើនប្រហែលជាស្គាល់សាច់គោកូបេ។ សាច់គោកូបេហាក់ដូចជាតំណាងអោយ​សាច់​គោ​ជប៉ុន​អញ្ចឹង​ដែរ។ ប៉ុន្តែតើអ្នកដឹងទេថាគ្មានប្រភេទសាច់គោកូបេទេ។

ដំបូងខ្ញុំចង់និយាយអំពីស្តង់ដារនៃការបែងចែកប្រភេទសាច់គោជប៉ុន។

យើងនឹងស្វែងយល់ឃ្លា “សាច់គោក្នុងស្រុក” ពាក្យនេះសំដៅលើសាច់គោដែលគេចិញ្ចឹមក្នុងស្រុក។ សូម្បីតែសត្វគោដែលចិញ្ចឹមនៅក្រៅប្រទេស បើពួកវារស់នៅជប៉ុនយូរក៏រាប់ចូលប្រភេទនេះផងដែរ។

ពាក្យ Wagyu សំដៅលើពូជគោជប៉ុនទាំង ៤ ប្រភេទ រួមទាំងពូជគោបង្កាត់ចេញពីប្រភេទទាំង ៤ នេះ។ ពូជគោទាំង ៤ ប្រភេទរួមមានសាច់គោរោមខ្មៅ (kuroge) សាច់គោរោមក្រហម (kuroge), nihon tankaku និង mukakuwa ។

ប្រសិនបើសាច់គោស្ថិតក្នុងប្រភេទទាំង ៤ ខាងលើ ទោះបីត្រូវបានចិញ្ចឹមនៅបរទេសក៏គេហៅថា Wagyu ដែរ។

ជាទូទៅគោទាំងមូលឬបង្កាត់ពូជពីប្រភេទទាំង ៤ ត្រូវហាមឃាត់សម្រាប់ការនាំចេញ។ ប៉ុន្តែតាំងពីពេលជន​ជាតិ​ចិន​យក​ពូជបង្កាត់ចេញពីជប៉ុន ហើយចាប់ផ្តើមចិញ្ចឹមនៅអូស្ត្រាលីត្រូវគេហៅថា Wagyu អូស្រ្តាលី។

ត្រលប់មករឿងសាច់គោកូបេ ម៉ាកសាច់គោត្រូវបានបង្កើតឡើងតាមរយៈការបែងចែកសាច់គោទាំង ៤ ប្រភេទនេះ។ ក្នុងនោះលទ្ធផលគោ Tajima ជាសាច់គោកូបេ។

សាច់គោកូបេល្បីនៅលើពិភពលោក បែរជាគ្មាននិយមន័យច្បាស់លាស់ងាយច្រឡំណាស់។ ដោយសារតែមិនច្បាស់បានជាគេហៅថាសាច់គោកូបេជាសាច់ល្អបំផុតរបស់គោ Tajima ។

មិនត្រឹមតែនៅកូបេទើបមានគោ Tajima នោះទេ សូម្បីតែតំបន់ផ្សេងក៏មានដែរ។ ដូច្នេះហេតុអ្វីមានតែសាច់​គោ​កូបេ​ដែល​ល្បី? រឿងសាច់គោកូបេល្បីផ្តើមចេញពីជនជាតិអង់គ្លេសម្នាក់។

រូបភាព https://intojapanwaraku.com/gourmet/84364/

កូបេជាទីក្រុងកំពង់ផែដំបូងដែលបើកបន្ទាប់ពីជប៉ុនបិទមិនទំនាក់ទំនងជាមួយបរទេសមួយរយៈពេល។ កំពង់​ផែ​នេះបើកនៅឆ្នាំ ១៨៦៨ ហើយទាក់ទាញជនបរទេសជាច្រើន ក្នុងនោះមនុស្សមួយចំនួនចូលមករកសាច់គោឆ្ងាញ់។ នៅពេលនោះជនជាតិជប៉ុនគ្មានទម្លាប់បរិភោគសាច់ទេ ដូច្នេះក៏គ្មានសាច់គោល្អផងដែរ។ ជនជាតិអង់គ្លេស​ម្នាក់វាយតម្លៃប្រភេទសាច់គោដែលទទួលទាននៅជប៉ុន ឆ្ងាញ់បំផុតគឺសាច់គោ Tajima ។ ប៉ុន្តែដោយសារមនុស្សម្នាក់នេះបរិភោគសាច់គោ Tajima នៅកូបេ ដូច្នេះបានជាឈ្មោះទីក្រុងកំពង់ផែនេះផ្សារភ្ជាប់ជាមួយសាច់គោល្អបំផុតរបស់ជប៉ុន។

ក្រោយមកទើបជនជាតិជប៉ុនទទួលទានសាច់គោ ជនជាតិជប៉ុនចិញ្ចឹមសត្វគោក្នុងលក្ខខណ្ឌពិសេសដូចជាផឹកស្រាបៀរ ស្តាប់ភ្លេង ម៉ាស្សា -ល- ។ ហើយរឿងទាំងនេះក៏រួមចំណែកបង្កើនប្រជាប្រិយភាពនៃយីហោសាច់គោផង​ដែរ។

ដូច្នេះមិនគួរហៅថាសាច់គោកូបេទេតែហៅថាសាច់គោ Tajima វិញ។

និយាយអញ្ចឹងខ្ញុំចង់ចែករំលែកវិធីទទួលទានសាច់គោដែលឆ្ងាញ់បំផុត ប្រសិនបើទទួលទានសាច់ត្រូវអាំងផ្ទាល់លើបន្ទះ​ដែករួចញ៉ាំទាន់នៅក្តៅ។

រូបភាព https://www.tour.ne.jp/j_optional/413132/

កម្រិតឆ្អិនមធ្យមល្អបំផុត សាច់ Wagyu ល្បីព្រោះតែស្រទាប់សាច់លាយខ្លាញ់ ប្រសិនបើអ្នកអាំងឆ្អិនពេកខ្លាញ់នឹងរលាយ​អស់ ថែមទាំងខ្ជះខ្ជាយមិនអាចទទួលទាន់ផ្នែកដែលឆ្ងាញ់បំផុតផងដែរ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: