ករណីរាយការណ៍មិនត្រឹមត្រូវនៃប្រព័ន្ធផ្សព្វផ្សាយជប៉ុន

នៅក្នុងសម័យបច្ចុប្បន្ន​មិនមែនអោយតែព័ត៌មានត្រូវបានចាក់ផ្សាយលើកញ្ចក់ទូរទស្សន៍ឬកាសែតសុទ្ធតែត្រឹមត្រូវ​ឡើយ។ ទោះបីប្រទេសជប៉ុនគាំទ្រសេរីភាពក្នុងការបញ្ចេញមតិក៏មិនមានន័យថារាល់ព័ត៌មានទាំងអស់សុទ្ធតែត្រឹម​ត្រូវ​នោះទេ។

កាលពីមុនទូរទស្សន៍ និងកាសែតជាប្រភពព័ត៌មានដ៏សំខាន់ ដូច្នេះប្រសិនបើព័ត៌មានត្រូវបានបញ្ជាក់ពីប្រភពទាំង​ពីរ​នេះ​នឹង​ទទួលបានការជឿទុកចិត្តច្រើន។

ដោយសារការអភិវឌ្ឍរបស់អុីនធឺណេត ព័ត៌មានមិនពិតត្រូវបានផ្សព្វផ្សាយយ៉ាងទូលំទូលាយ ដោយមិនគិត​ពី​គោល​បំណង។

ដូច្នេះហើយពេលអានព័ត៌មាន ចូរសួរខ្លួនឯងថា តើគោលបំណងរាយការណ៍ព័ត៌មានជាអ្វី?

នេះជារូបថតដែលបង្ហោះដោយគណនី Twitter ផ្លូវការរបស់ Asahi Shimbun ។ នៅឆ្នាំ ១៩៤៤ អំឡុងពេលបុរសចេញ​ទៅធ្វើសង្គ្រាម ស្ត្រី និងកុមារនៅផ្ទះធ្វើការដើម្បីផ្គត់ផ្គង់យោធា។

រូបភាព https://twitter.com/Go_Go_Go_Go_Go/status/1339943153608978434

ប្រសិនបើអ្នកក្រឡេកមើលអោយជិត អាចឃើញថាអ្នកនៅខាងក្រោយក៏ជាមនុស្សនៅខាងមុខដែរ។

ដូច្នេះច្បាស់ណាស់រូបនេះមិនមែនថតបាននោះទេ ប៉ុន្តែជាស្នាដៃរបស់ Photoshop ឬឧបករណ៍កែច្នៃរូបភាពក្នុងសម័យនោះ។

បន្ទាប់មកជារូបភាពរបស់ NHK News ។

រូបភាពនេះបង្ហាញពីស្ថានភាពតានតឹងរវាងនាវាចម្បាំងកូរ៉េ និងយន្ដហោះកងកម្លាំងស្វ័យការពារជប៉ុន។

រូបភាព https://www.jijitsu.net/entry/NHK-P1-gazou-gousei-innsyousousa

តើអ្នកឃើញមានអ្វីប្លែកទេ?

កប៉ាល់នៅលើសមុទ្រ ប៉ុន្តែហេតុ​អ្វីយន្តហោះទម្លាក់កង់ទៅវិញ?

នេះជារូបភាពក្នុងកម្មវិធីទូរទស្សន៍ Fuji ។

ព័ត៌មាននិយាយអំពី “មនុស្សប្រមូលផ្តុំគ្នានៅ Harajuku” ប៉ុន្តែវាគ្រាន់តែជាជ្រុងម្ខាងរបស់កាមេរ៉ាប៉ុណ្ណោះ។

រូបភាព https://gamers-geo.com/news/7032/

ខ្ញុំមិនប្រាកដចំពោះគោលបំណងបំភាន់ព័ត៌មានដើម្បីអ្វីទេ ប៉ុន្តែអាចបញ្ជាក់ថារូបភាពក្នុងឧទាហរណ៍ខាងលើសុទ្ធ​តែក្លែងក្លាយ។ 

ហេតុអ្វីបានជាប្រព័ន្ធផ្សព្វផ្សាយត្រូវបោកប្រាស់? តើគោលបំណងនៅពីក្រោយសកម្មភាពនោះជាអ្វី?

សូមអ្នកទាំងអស់គ្នាពិចារណាពេលអានព័ត៌មានណាមួយមុននឹងជឿ។

Kengo Abe