តើអ្នកដឹងទេថាសាមូរ៉ៃមិនប្រើដាវ Katana ក្នុងការប្រយុទ្ធធំនោះទេ

នៅសម័យសង្គ្រាមសាមូរ៉ៃវិវត្តន៍យ៉ាង​ខ្លាំង (ឆ្នាំ ១៤៦៧ – ១៦១៥) កើតមានការប្រយុទ្ធស្លាប់រស់ជាច្រើន។

ជប៉ុនជាប្រទេសចម្លែក មិនយូរប៉ុន្មានអំឡុងពេលនោះជប៉ុនត្រូវបានទទួលស្គាល់ជាប្រទេសបង្រួបបង្រួម គ្មាន​នរណាម្នាក់បដិសេធព្រះចៅអធិរាជគ្រប់គ្រងទាំងស្រុងនោះទេ ប៉ុន្តែនៅតែមានការប្រយុទ្ធដណ្តើមតំណែង​កាន់កាប់​ទឹក​ដី។ 

រូបភាព https://rekijin.com/?p=12461

ពេលនិយាយពីសាមូរ៉ៃអ្នកប្រាកដជាគិតដល់ដាវ Katana ប៉ុន្តែតើដឹងទេថាអាវុធដែលសាមូរ៉ៃប្រើក្នុងការប្រយុទ្ធ​ដណ្តើមតំណែងមែនមែនដាវជប៉ុននោះទេ។ ក្នុងអត្ថបទថ្ងៃនេះយើងនឹងស្វែងយល់ប្រភេទអាវុធដែល​សាមូរ៉ៃប្រើនៅ​សម័យ​សង្គ្រាម។

នៅពេលចាប់ផ្តើមសង្គ្រាមអ្វីដែលសាមូរ៉ៃប្រើដំបូងគេគឺមាត់ ភាគីទាំងសងខាងប្រើមាត់វាយប្រហារគ្នាទៅវិញទៅ​មក​ដូចជានិយាយអាក្រក់ពីគ្នា ស្រដៀងសម្តីឈ្លោះគ្នារបស់ក្មេងដែរ។ នេះក៏ជាសញ្ញាបង្ហាញថាសង្គ្រាមបានចាប់​ផ្តើម។

បន្ទាប់មកទៀតសាមូរ៉ៃនឹងប្រើធ្នូ និងព្រួញ។

រូបភាព https://originalnews.nico/215321

ដោយសារតែគម្លាតរវាងភាគីទាំងសងខាងឆ្ងាយមិនអាចប្រើដាវបានឡើយ ដូច្នេះហើយពេលគម្លាតកាន់តែជិតអាវុធ​ដែលគេប្រើនោះគឺលំពែង។

រូបភាព https://www.touken-world.jp/tips/45927/

លំពែងជាអាវុធប្រើសម្រាប់ចាក់សម្លាប់សត្រូវពីចម្ងាយមានប្រវែងពី ៤-៦ ម៉ែត្រ។ ក្នុងខ្សែភាពយន្តលំពែងទាំងនោះបន្ថយប្រវែង​សល់​ត្រឹម ២ ម៉ែត្រ ប៉ុន្តែតាមពិតវាវែងជាងនេះ ការធ្វើឲ្យ​អាវុធខ្លីដើម្បីធានាសុវត្ថិភាពដល់តួអង្គ។

នៅសម័យនោះសាមូរ៉ៃថែមទាំងប្រើកាំភ្លើង។

រូបភាព https://buzz-plus.com/article/2016/03/26/firearm/

ជាការពិតណាស់ កាំភ្លើងជាអាវុធខ្លាំងក្លា ប៉ុន្តែវាហាក់ដូចជាមិនអាចនាំមុខក្នុងសមរភូមិបានឡើយ ដោយសារតែចំនួនមិនស្មើគ្នា ហើយមិនអាចវាយប្រហារជាបន្តបន្ទាប់បាន។

កាំភ្លើងទាំងនោះមានប្រភពមកពីព័រទុយហ្កាល់ ប៉ុន្តែត្រូវបានចម្លងដោយជនជាតិជប៉ុន ហើយបន្ថែមមុខងារកាន់​​តែ​ប្រសើរ​។ ដោយសារតែកាំភ្លើង ជប៉ុនបានក្លាយជាប្រទេសមានអាវុធលំដាប់ពិភពលោកក្នុងសម័យ​សង្គ្រាម ទោះជាយ៉ាងណា វាមិនមែនជាអាវុធកំពូលរបស់ជប៉ុននោះទេ។

ក្នុងការប្រយុទ្ធចុងក្រោយសាមូរ៉ៃនៅតែមិនប្រើដាវ Katana ។

រូបភាព https://bq-news.com/man-sword-fight-ex-wife-lawyer

អាចនិយាយបានថា ដាវ Katana មិនត្រូវបានប្រើក្នុងការប្រយុទ្ធទ្រង់ទ្រាយធំនោះទេ។ តាមពិតទៅសាមូរ៉ៃយកដាវ Katana តាមខ្លួនក្នុងគោលបំណងផ្សេង។

“ដាវ Katana ជាកន្លែងដែលព្រលឹងរបស់សាមូរ៉ៃរឋិតនៅ”

ជាការពិត សាមូរ៉ៃយកដាវ Katana តាមខ្លួនមានន័យថា ម្នាក់នោះត្រូវបានទទួលស្គាល់ជាមនុស្សពេញវ័យ ហើយអាវុធមានអត្ថន័យផ្លូវចិត្តខ្លាំងក្លាណាស់។ ដោយជំនួសឲ្យ​អាវុធជាក់ស្តែងវាដើរតួនាទីយ៉ាង​សំខាន់បង្ហាញពីតម្លៃរបស់មនុស្សម្នាក់។

នៅសម័យសន្តិភាពឧទាហរណ៍សម័យអេដូសាមូរ៉ៃប្រើដាវ Katana ជាចម្បង។ ចំពោះការប្រយុទ្ធក្នុងក្រុងប្រើដាវ Katana មានភាពបត់បែន ងាយស្រួលកាន់ ធ្វើចលនាល្អ ហើយក៏ជាឳកាសល្អសម្រាប់សាមូរ៉ៃបង្កើនជំនាញដាវរបស់​ខ្លួន​ផង​ដែរ។ ទន្ទឹមនឹងនេះ កាន់ដាវ Katana បង្ហាញយ៉ាងច្បាស់អំពីព្រលឹងរបស់អ្នកប្រើដាវ។

នេះជាមូលហេតុពេលរំលឹកពីសាមូរ៉ៃគេតែងគិតដល់ដាវ Katana ។

Kengo Abe