ការព្យាករណ៍ព្រិលធ្លាក់ខ្លាំងតាមតំបន់ឆ្នេរជប៉ុនដែលមិនធ្លាប់មានពីមុនមក

អាកាសធាតុនៅជប៉ុនខ្សល់ត្រជាក់គ្របដណ្តប់ខ្លាំងបំផុតតាំងពីដើមរដូវរងា នឹងបណ្តាលអោយ​ព្រិលធ្លាក់តាមតំបន់ឆ្នេរសមុទ្រ​​កោះ​ហុកកៃដូភាគខាងជើងរហូតដល់ Chugoku ភាគនិរតី។

រូបភាព NHK

ការិយាល័យឧតុនិយមជប៉ុនបានអោយដឹងពពកដែលបង្កអោយព្រិលធ្លាក់កំពុងធ្វើដំណើរតាមបណ្តោយភ្នំខេត្ត Niigata និងខេត្ត Gunma ដែលបណ្តាលអោយបរិមាណព្រិលធ្លាក់ច្រើន។

តាំងពីម៉ោង ៤ ព្រឹកម្សិលមិញបរិមាណព្រិលធ្លាក់ក្នុងរយៈពេល ២៤ ម៉ោងនៅក្រុង Minakami ខេត្ត Gunma កម្រាស់ ១២៨ សង់ទីម៉ែត្រ នៅក្រុង Yuzawa ខេត្ត Niigata កម្រាស់ ១១៣ សង់ទីមែត្រ។ ទីភ្នាក់ងារអាកាសធាតុនិយាយថាបរិមាណព្រិលធ្លាក់ក្នុងរយៈពេល ២៤ ម៉ោងលើកនេះច្រើនមិនធ្លាប់មានពីមុនមកក្នុងតំបន់ទាំងពីរ។

ការព្យាករណ៍បរិមាណព្រិលក្នុងរយៈពេល ២៤ ម៉ោង គិតរហូតដល់ព្រឹកថ្ងៃព្រហស្បតិ៍រួមមាន៖

• ខេត្ត Niigata ឡើងដល់ ១០០ សង់ទីម៉ែត្រ 
• តំបន់ Kanto ៨០ សង់ទីម៉ែត្រ 
• តំបន់ឆ្នេរសមុទ្រ Tohoku តំបន់ Hokuriku ខេត្ត Nagano ភាគខាងជើងតំបន់ Kansai ៧០ សង់ទីម៉ែត្រ 
• តំបន់ Chugoku ៦០ សង់ទីម៉ែត្រ 
• ខេត្ត Gifu និងតំបន់ឆ្នេរសមុទ្រប៉ាស៊ីភិចនៅ Tohoku ៥០ សង់ទីម៉ែត្រ
• តំបន់ឆ្នេរ​ហុក​កៃដូ ៤០ សង់ទីម៉ែត្រ។

ទីភ្នាក់ងារអាកាសធាតុបានប្រកាសថាទាំងតំបន់ភ្នំ និងតំបន់ទំនាបតាមបណ្តោយឆ្នេរសមុទ្រជប៉ុនមានបរិមាណព្រិលធ្លាក់ច្រើនជាងរាល់ឆ្នាំ។ ព្រិលអាចធ្លាក់ខ្លាំងទាំងតំបន់ទាបនៃតំបន់ Tokai និង Kansai ផងដែរ។

ទីភ្នាក់ងារអាកាសធាតុអំពាវនាវឱ្យមានការប្រុងប្រយ័ត្នចំពោះផ្លូវធ្លាក់ព្រិលដែលរំខានចរាចរណ៍ និងផ្ទាំងទឹកកករអិលចុះពីលើភ្នំ។

Japo Cambodia