ជប៉ុនប្រកាសតួអក្សរ Kanji ទាំង ១០ ប្រចាំឆ្នាំ ២០២០

តួអក្សរ Kanji ទាំង ១០ បង្ហាញអំពីបញ្ហាជាច្រើននៅក្នុងប្រទេសជប៉ុន។

ជារៀងរាល់ចុងឆ្នាំប្រជាជនជប៉ុនតែផ្តោតអារម្មណ៍ទៅលើទីសក្ការៈបូជា Kiyomizu នៅក្យូតូ ហើយ​ទន្ទឹង​រង់ចាំពាក្យ Kanji ដែលនឹងត្រូវជ្រើសរើស។ នៅថ្ងៃទី ១២ ខែធ្នូមានព្រឹត្តិការណ៍ប្រកាស Kanji ប្រចាំឆ្នាំតាមរយៈការបោះឆ្នោតរបស់ប្រជាជនទូទាំងប្រទេស។

ព្រះចៅអធិការ Seihan Mori អង្គុយនៅកន្លែងរបស់លោកប្រើជក់សរសេរអក្សរផ្ចង់យ៉ាងជំនាញ។ ព្រឹត្តិការណ៍​ដ៏សំខាន់នេះត្រូវបានចាក់ផ្សាយលើកញ្ចក់ទូរទស្សន៍ជាតិរបស់ជប៉ុន។

#今年の漢字 は14日の14時、京都の清水寺で発表されますhttps://t.co/92MUYXCBE0

— Twitter モーメント (@MomentsJapan) December 14, 2020

ពាក្យ Kanji នៃឆ្នាំ ២០២០ ដែលត្រូវបង្ហាញនោះគឺ “密” (“mitsu”) បកតាមន័យចំមាន​ន័យ​ថា “ក្រាស់ ខាប់” ។

នេះមិនមែនជាលទ្ធផលដែលមិនអាចទាយទុកមុននោះទេ ពីព្រោះតាំងពីដើមឆ្នាំជំងឺកូវីដ-១៩ បាន​រីករាលដាលគ្រប់ទីកន្លែង រដ្ឋាភិបាល​តែងតែប្រើពាក្យនេះក្នុងគោលបំណងអំពាវនាវបង្ការការ​ចម្លង​ជំងឺ។

រូបភាព https://grapee.jp/en/160008

ពាក្យ “Mitsu” គឺជាពាក្យគន្លឹះដែលប្រើម្តងហើយម្តងទៀតនៅក្នុងសារពីការិយាល័យនាយករដ្ឋ​មន្រ្តី ក្រសួងសុខាភិបាល ការងារ និងសុខុមាលភាព និងអភិបាលខេត្តតូក្យូលោកស្រី Yuriko Koike ។

កាលពីខែមេសាអភិបាលខេត្តលោកស្រី Koike ប្រើពាក្យនេះជាច្រើនដងនៅក្នុងសន្និសីទសារព័ត៌មានរហូតក្លាយទៅជាតួអង្គហ្គេមលើគេហទំព័រដែលមានឈ្មោះថា “Mitsu Desu” ។

https://twitter.com/yutori_ppn/status/1251365008690167810?ref_src=twsrc%5Etfw%7Ctwcamp%5Etweetembed%7Ctwterm%5E1251365008690167810%7Ctwgr%5E%7Ctwcon%5Es1_&ref_url=https%3A%2F%2Fjapo.vn%2Fcontents%2Ftin-tuc%2F120335.html

នៅឆ្នាំនេះការអំពាវនាវអោយជៀសវាង “mitsu” តែងស្ថិតក្នុងគំនិតរបស់មនុស្សរាល់គ្នា ធ្វើអោយ​ផ្អាកដំណើរកំសាន្ត ពិធីជប់លៀង ការជួបជុំ ព្រឹត្តិការណ៍កីឡា និងតន្ត្រីផ្សាយបន្តផ្ទាល់ រួមទាំង​កីឡា​អូឡាំពិកទីក្រុងតូក្យូផងដែរ។

ពាក្យ Kanji ទាំង ១០ ខាងក្រោម៖

១. 密 ទទួលបាន ២៨.៤០១ សម្លេង

២. 禍 ទទួលបាន ១៣.៦៥៥ សម្លេង

(គេប្រើក្នុងឃ្លា コロナ禍 ដែលសំដៅទៅលើការខូចខាតដែលបណ្តាលមកពីជំងឺកូវីដ-១៩ បង្កឡើង)

៣. 病 ទទួលបាន ១០.៣៦៩ សម្លេង

៤. 新 ទទួលបាន ៩.៨៨២ សម្លេង

(គេប្រើក្នុងឃ្លា 新型コロナウイルス សំដៅលើមេរោគកូរ៉ូណាប្រភេទថ្មី)

៥. 変 ទទួលបាន ៧.០៣៧ សម្លេង

(គេប្រើក្នុងឃ្លា 変化 មានន័យថាការផ្លាស់ប្តូរ សំដៅទៅលើការផ្លាស់ប្តូរដែលបង្កឡើងដោយវីរុស និងការផ្លាស់ប្តូរអាណត្តិប្រធានាធិបតីអាមេរិក)

៦. 家 ទទួលបាន ៦.៨៦៥ សម្លេង 

(សំដៅលើចំនួនមនុស្សធ្វើការនៅផ្ទះក្នុងឆ្នាំនេះកើនឡើង)

៧. 滅 ទទួលបាន ៥.២០០ សម្លេង

(ពាក្យ Metsu ក្នុងរឿងាAnime ល្បី Kimetsu no Yaiba ជាបាតុភូតវប្បធម៌ឆ្នាំនេះ)

៨. 菌 ទទួលបាន ៥.០៦២ សម្លេង

៩. 鬼 ទទួលបាន ៤. ៨៤០ សម្លេង

១០. 疫 ទទួលបាន ៤.០៨២ សម្លេង

បន្ទាប់ពីក្រឡេកមើលពាក្យ Kanji នៅឆ្នាំ ២០២០ ជាងពាក់កណ្តាលទាក់ទងនឹងជំងឺកូវីដ-១៩ ។

សង្ឃឹមថាពាក្យ Kanji នៅឆ្នាំ ២០២១ នឹងតំណាងអោយអនាគតភ្លឺស្វាងសម្រាប់យើងទាំងអស់គ្នា។

Sacchan