ព្យាករណ៍ប្រាក់ចំណូលប្រចាំឆ្នាំរបស់តួអង្គក្នុងរឿង Anime

ក្នុងនាមជាអ្នកគាំទ្ររឿងគំនូរជីវចល Anime តើអ្នកចូលចិត្តរឿងមួយណា? នៅពេលដែលមើលរឿង Anime អ្នកប្រហែលជាយល់ពីសង្គមជប៉ុន មើលឃើញជីវភាពប្រចាំថ្ងៃ និងការងាររបស់តួអង្គក្នុង​សង្គម។

ថ្ងៃនេះយើងនឹងព្យាករណ៍អំពីប្រាក់ចំណូលរបស់តួអង្គដែលបង្ហាញខ្លួនក្នុងរឿង Anime (ប្រសិន​បើតួអង្គទាំងនេះមានពិត) ជាមួយនឹង JAPO ទាំងអស់គ្នា។

ទីមួយតួអង្គ Hiroshi Nohara ក្នុងរឿង Crayon Shin-chan (ឈីងចាំង) ។

រូបភាព https://hrnote.jp/contents/contents-2090/

តួអង្គ Hiroshi Nohara ជាឪពុកមួយរូបដែលមានក្លិនជើងស្អុយ ពុកចង្ការរឹង ពេលខ្លះនិយាយពាក្យពីរោះៗបានប៉ុន្មានមាត់ ទោះជាយ៉ាងណា នៅតែជាតួអង្គកំប្លែង។ ប្រវត្តិរូបតួអង្គបង្ហាញថា គាត់មានអាយុ ៣៥ ឆ្នាំ។ លោក Hiroshi Nohara ជាបុគ្គលិកការិយាល័យ មានឡាន និងផ្ទះនៅក្រុង Kasukabe ខេត្ត Saitama ។ សមាជិកគ្រួសារមាន ៤ នាក់ ក្នុងនោះមានសត្វចិញ្ចឹម​មួយក្បាល។ ក្នុងភាគទី ៩៤ តួអង្គបង្ហាញ​ថា ឆ្នោតស្មើនឹងប្រាក់ខែ ២០ ឆ្នាំ ដែលមានន័យថា ប្រាក់ខែប្រចាំឆ្នាំរបស់គាត់ប្រហែល ៦,៥ លានយ៉េន។ ខ្ញុំគិតថាប្រាក់ខែរបស់តួអង្គនេះប្រហែល ៣០ ម៉ឺនយ៉េន (៤០ ម៉ឺនយ៉េនមិនទាន់គិតពន្ធ)។ តាមមើលទៅហាក់ដូចជាគាត់ធ្វើការក្នុងក្រុមហ៊ុនដែលល្អ។

តួអង្គ Sakura Hiroshi ក្នុងរឿង Chibi Maruko-chan ។

តួអង្គ Hiroshi នាំមកនូវអារម្មណ៍ស្រដៀងតួអង្គ Shin-chan កំប្លែងធ្វើអោយអ្នកដទៃអស់សំណើច។ ពេលនិយាយ​ពី​តួអង្គ Hiroshi អ្នកប្រហែលជាគិតស្រមៃទៅដល់មនុស្សគ្មានន័យ ប៉ុន្តែនៅក្នុងការងារខុសគ្នាទាំងស្រុង។ លោក Hiroshi ធ្វើការនៅក្នុងហាងលក់បន្លែមួយ ក្រៅពីនេះ គាត់ក៏លក់ដុំសម្រាប់ភោជនីយដ្ឋាន មន្ទីរពេទ្យ និងសួនសត្វ​ដែល​នៅ​ក្បែរ​នោះ ដូច្នេះខ្ញុំគិត​ថា ​ប្រាក់ចំណូលប្រចាំឆ្នាំរបស់បុគ្គលនេះមានចំនួន ៤ លានយ៉េន។ ប៉ុន្តែដោយ​សារ​គ្រួសារ​មាន​សមាជិក​​ដល់​ទៅ ៦ នាក់ ដូច្នេះជីវភាពលំបាកបន្តិច។

តួអង្គ Nobisuke Nobi ក្នុងរឿង Doraemon ។

លោក Nobi (ឪពុករបស់ Nobita) អាយុ ៤១ ឆ្នាំ ជាបុគ្គលិកការិយាល័យឧស្សាហ៍ព្យាយាម ហើយក៏ជាជំនួយការនាយក​ផង​ដែរ។ គាត់រស់នៅផ្ទះស្ថិតក្នុងសង្កាត់ Nerima ប៉ុន្តែក្នុងសាច់រឿងនោះជាផ្ទះ​ជួល ដូច្នេះត្រូវចំណាយប្រចាំខែសម្រាប់ថ្លៃជួល។ បើនិយាយពីអាយុ និងមុខរបរ ខ្ញុំគិតថា ប្រាក់ខែប្រចាំឆ្នាំរបស់លោក Nobi ប្រហែល ៦ លានយ៉េន។ ជាមួយនឹងប្រាក់ខែនោះលោកអាចចិញ្ចឹមគ្រួសារ​ដែល​មានសមាជិក ៣ នាក់ និង Doraemon ផង​ដែរ។

តួអង្គ Kogoro Mouri ក្នុងរឿង Meitantei Conan (Case Closed) ។

មនុស្សគ្រប់គ្នាសុទ្ធតែដឹងថា តួអង្គ Kogoro Mouri មិនមែនជាអ្នកស៊ើបអង្កេតពូកែនោះទេ ប៉ុន្តែ​ព្រោះតែ Conan ធ្វើអោយកេរ្តិ៍ឈ្មោះរបស់លោកល្បី ដូច្នេះគាត់ប្រាកដជាទទួលបានប្រាក់ច្រើន។ មិនត្រឹមតែប៉ុណ្ណឹង តួអង្គនេះ​ថែម​ទាំង​បង្ហាញខ្លួននៅលើកញ្ចក់ទូរទស្សន៍ និងទទួលបានការអញ្ជើញអោយចូលរួមពិធីជប់លៀងជាប្រចាំ។ អគារការិយាល័យស៊ើបអង្កេតរបស់លោកជាមរតក ជាន់ទីមួយមាន​ហាង​កាហ្វេ ដូច្នេះគាត់ទទួលបានប្រាក់ឈ្នួលប្រហែល ៣០ ម៉ឺនយ៉េន/ខែ។ និយាយឱ្យចំទៅប្រាក់ចំណូលប្រចាំឆ្នាំរបស់លោកគឺ ១៥០ លានយ៉េន។

តួអង្គ Soichiro Yagami ក្នុងរឿង Death Note (ឪពុករបស់ Yagami Light) ។

ទោះបីជាទទួលមរណភាពហើយក៏លោកនៅតែជាឪពុកអភ័ព្វមួយរូប កាលអាយុ ៤៨ ឆ្នាំ លោកកាន់តំណែងជាប្រធាន​នាយកដ្ឋានព្រហ្មទណ្ឌក្រសួងសន្តិសុខសាធារណៈ ចំណូលប្រចាំឆ្នាំគឺ ១០ លានយ៉េន។ ទោះបីប្រាក់ចំណូលទាបជាងលោក Mouri ប៉ុន្ដែក្នុងនាមជា​មន្រ្តី​រាជការម្នាក់ លោកក៏ទទួល​បាន​ប្រាក់សោធននិវត្តន៍ច្រើន ដូច្នេះមិនចាំបាច់ព្រួយបារម្ភពេលចូលនិវត្តន៍ទេ។

តួអង្គ Son Goku ក្នុងរឿង Dragon Ball 

តួអង្គ Son Goku ជាមនុស្សស្លូតត្រង់ នៅទីបំផុតរៀបការមានកូនពីរនាក់។ ទោះបីគាត់​ជួយ​សង្គ្រោះ​ពិភពលោកច្រើន ប៉ុន្តែតួអង្គ Son Goku ជាអ្នកគ្មានការងារធ្វើ។ សំណាងឪពុកម្តាយក្មេង​ជា​អ្នកមាន ដូច្នេះមិនចាំបាច់បារម្ភការចំណាយជីវភាពទេ ទោះជាយ៉ាងណាតួអង្គ Son Goku ក៏ជាវីរៈបុរសដែរ។

ប្រសិនបើអាចកើតក្នុងគ្រួសារតួអង្គដែលបានរៀបរាប់ខាងលើ តើអ្នកនឹងជ្រើសយកគ្រួសារមួយ​ណា?

Kengo Abe